巴士司機唔知要改路？

今日(5/7)晏晝左右，在灣仔碼頭搭新巴720，諗住去西灣河。正常車程15分鐘左右。

巴士好正常一直行到去太古城。落東廊、從太古灣道右轉太豐路時，我已經見到有塊黃色牌，人手寫咗一段文字，我見到「爆水管、封路」呢啲訊息，但未知乜事。巴士停太古城中心、雅蓮閣兩個分站，巴士站牌都有笠住「巴士站暫停使用」的紫色膠套，但司機照停站。

去到太榮路，塞車喇。所有車輛不得左轉太古城道往西灣河方向。巴士只好右轉太古城道，再次直行經過太古城中心，再右轉太茂路、太古灣道，上東廊。在筲箕灣落橋，然後直接入筲箕灣巴士總站。之後跟原來路線去嘉亨灣，再左轉太安街，先返番去西灣河。

本來3個字的車程，我搭咗7個字，遲晒大到。

好奇怪，點解個司機會唔知道封路要改道行走o架？又，巴士站、巴士車箱度冇乘客通告。真係好令人困惑囉。

> 之後跟原來路線去嘉亨灣，再左轉太安街，先返番去西灣河。

這段路是另一臨時措施，並非之前走錯路的「補償」。

太古城上一次封路時坐過 720，錢箱旁有貼出 (手寫) 通告指該班車不入太古城，改停太古城中心。

咁好可能係司機出車之前,港碼都未收到通知要改道/爆咗水管
於是司機繼續跟原線去
「巴士站暫停使用」個套都可能只係啱啱掛上去~

然而下晝都見到720改停太古城5樓啦

另外,嘉亨灣出面咁啱今日爆水管,返到西灣河仲要兜...