逾萬網民聯署反嫩模侵書展

蘋果日報早前報道,上萬網民為了抗議書展淪為庸俗的促銷活動,遂在Facebook上發表聲明,反對演藝人,嫩模在書展內舉辦簽名會,搔首弄姿,被影迷佔據場地,降低閱讀興致,侵蝕文化氣息.
但最重要的是嫩模的代理人不要借用書展,舉辦低級趣味節目,以圖媚俗和牟利.
連結: http://www.gopetition.com/online/29329.html

我就認為：
既然嫩模(o靚模)是御宅族文化興起下的產物，為何不將簽名握手會放在動漫電玩節(ACGHK)呢？

另外一答：「電車男」其實是以下特性融為一體的男性：
具有御宅族、動漫電玩迷、攝影發燒友、電腦及流動通訊迷，甚至是成人娛樂迷。
他們需要依賴互聯網及網絡社群，互相交流及分享資訊。
他們同時是消費者，故花在上面特性喜好的費用應該不少，所以肯定不是窮人。
又因為他們在這類族群有很強的人際網絡（但同時是族群競爭者），故不是隱蔽人士。

吳偉明教授的博客書籍：《東京暴走搜查線》(2009，知出版)，有篇叫《秋葉原兇案與御宅族妖魔化》，
可以參考一下。

[ 本帖最後由 UCR683 於 2009-7-13 12:41 編輯 ]

認同UCR683  的意見.

至於係咪道德高地? 我就覺得未必.
我都覺得近年書展冇乜去既意慾............
書展好似變左歌迷會咁, LAW 簽名睇明星既人多過買書, 而家更加變晒質.

原帖由 CPY 於 2009-7-13 11:54 發表
其中一個原因可能是一群真誠閱讀的市民擔心，
「參觀書展」這個行為會和多場嫩模(靚o模)簽名握手會拉上關係，
令參觀市民(特別是男性)被坊間負面標籤為「電車男」、「宅男」，
或者擔心被取笑「為看女孩子去書展」。

為了要與參加這些簽名握手會的「宅男」劃清界線，
他們便只能站在道德高地叫喊口號。
出現這個「驅逐」嫩模的網上運動屬無可厚非。

書展是否變質這個問題，與二十年前「天安門上有沒有人死」一樣，
根本不是香港人最關心的問題。

正確的處理方法，是為嫩模寫真集的出版商另行安排獨立的場館，
將簽名握手會視作專題展覽。

你既意見唔代表我或其他書迷呀...

自問不是甚麼道德人士,
亦不懂像閣下每篇文都搬一大堆理論,
但行了十年書展, 近兩年我只可以用「每況愈下」去形容。

愛書的人一般都比較寬容, 這兩年那些寫真書圖多過字,
文筆差到不堪, 我們看不順眼, 但還可以容忍。
始終, 我唔鐘意睇不代表人地唔準睇...

近兩年似咩樣？成堆龍友阻住條路叫囂,
嚴重影響到真正想睇書/揀書的人。
當然, 你可以話書展多人實會嘈,
但尖叫與人聲用common sense分別到的,
雜聲多你還可以看到書, 有班人係你耳邊尖叫卻又另一回事。

諗起十年前去書展, 行到攰坐係一邊睇書,
就算有作家簽名, 總唔會有人舉哂牌尖叫「張小閑 / 陶傑」。
而家同班愛書既朋友講起, 大家都覺得十年前閱讀氣氛好過近兩年。

今年仲要未出發先興奮, 堂而皇之要搞甚麼握手會,
對, 那些o靚模有搞這些活動的自由,
但不代表任何人有權客家變地主, 剝削書迷在場內享受閱讀的自由,
就憑這點, 不用甚麼道德高地已足夠書迷不滿。

原帖由 CPY 於 2009-7-13 16:24 發表
其實衛道之士大肆批評「o靚模」在書展中搔首弄姿可能招致反效果。

當市民得悉「反o靚模」運動出現後，有可能會吸引更多人參觀書展。

衛道之士和反「o靚模」運動無疑曲線宣傳即將舉辦的握手簽名會，
得益者始終是貿發局、一眾「o靚模」和出版商。

這班人原以為借機向書展「抽水」，但分分鐘有機會成人之美，實在失敗！

如果你有看過那個facebook group的話,
人地都講明唔係要「倒o靚模」,
純粹不滿這些「o靚模」自私, 漠視其他讀者感受,
只係想將書展還原做讀書之地。

敢問他們衛過那些道, 抽過那些水？

原帖由 UCR683 於 2009-7-13 12:16 發表
我就認為：
既然嫩模(o靚模)是御宅族文化興起下的產物，為何不將簽名握手會放在動漫電玩節(ACGHK)呢？

另外一答：「電車男」其實是以下特性融為一體的男性：
具有御宅族、動漫電玩迷、攝影發燒友、電腦及流動通訊迷，甚至是成人 ...

我成日覺得部份香港人唔識見好就收。
有些地方擺明唔屬於你, 就應該有自知之明,
唔好搞到人地反感, 然後扮可憐話書展容不下o靚模。

難道玩到無地方玩, 可以走去清真寺袒胸露肉？

原帖由 CPY 於 2009-7-13 16:24 發表
其實衛道之士大肆批評「o靚模」在書展中搔首弄姿可能招致反效果。

當市民得悉「反o靚模」運動出現後，有可能會吸引更多人參觀書展。

衛道之士和反「o靚模」運動無疑曲線宣傳即將舉辦的握手簽名會，
得益者始終是貿發局 ...

百樣米冶百客
如果唔係依家市面上多左毒男出現
又點會又咁多所謂的「o靚模」出現

書展舉辦目的唔係俾d o靚模show off
想去揀書嗰陣又俾d "artist" 同龍友們阻住
真係有d掃興