廣深港高鐵客量問題

原帖由 galileo 於 2009-7-18 22:07 發表


1. 西九龍填海區出現的背景
香港確是平地少、山地多，只有約20%可供發展，因此土地需要以城市規劃去優化發展 。盧惠明及陳立天(1998) 指，政府在六七十年代發現規劃思維不能再局限於地區規劃層次：舊有的巨型地區發展，多是 ...

有關內容好詳細, 但同高鐵的關係是什麼呢?

原帖由 galileo 於 2009-7-18 22:22 發表
「集體運輸沿線上的一個就業樞紐」 ，所有問題都係指向都會計劃，本質就係要係西九個度做一個巨大地產項目，而鐵路係附送的輸送帶，方便個度的住客快速流動。就係呢個思維，出現流動壓倒一切。 ...

首先, 本身當年呢個計畫時, 係未plan 有高鐵總站....
另外, 鐵路沿線有新區發展, 好正常吧, 如果大型發展地區,
無鐵路到, 都是一個問題....

另外, 即使係咁, 係市區的新發展區, 起新鐵路總站, 似乎是
非常正常/合理的事, 有關網頁用地產問題, 去反對, 似乎係
論點不足吧..　而且現在新界區, 也有鐵路, 睇唔到唔公平之處..

[ 本帖最後由 3ASV196 於 2009-7-18 22:38 編輯 ]

原帖由 galileo 於 2009-7-18 22:22 發表
「集體運輸沿線上的一個就業樞紐」 ，所有問題都係指向都會計劃，本質就係要係西九個度做一個巨大地產項目，而鐵路係附送的輸送帶，方便個度的住客快速流動。就係呢個思維，出現流動壓倒一切。 ...

你想指出所有提高流動性嘅行為都係明益地產商??

冇錯提高流動性其中一個結果係地產商得益，但唔係唯一結果

你講左咁多背景資料，只係證明左政府藉地產商得益去提升收入，
政府藉地產商得益去提升收入唔代表地產商有得益嘅政府行為都係為左益地產商，
呢個係嚴重邏輯問題!!!

如果係咁，我相信大部分利民政策都係為左益地產商，
幫市民脫貧都係為左益地產商

一班自稱為文化界人士，
犯上如此嚴重嘅邏輯問題其實就唔出奇，
文化界提倡嘅一向都唔係理性邏輯思考


仲有唔該放眼世界，
歐洲同日本有發達高鐵網，
睇下人地嘅建設背景、運作模式同所得嘅經濟同環保效益

[ 本帖最後由 Kaix 於 2009-7-18 23:33 編輯 ]

原帖由 galileo 於 2009-7-18 22:22 發表
「集體運輸沿線上的一個就業樞紐」 ，所有問題都係指向都會計劃，本質就係要係西九個度做一個巨大地產項目，而鐵路係附送的輸送帶，方便個度的住客快速流動。就係呢個思維，出現流動壓倒一切。 ...

新界比市區(舊佐碼)有更多土地可供發展,
如果將高鐵站設於錦上路,  豈不是對地產商更有利?

台灣既例子,為左發展地產項目. 除左台北同板橋站之外,
所有高鐵站都係遠離市區,高鐵乘客往往要轉火車/捷運至去到目的地

呢個模式被台灣民眾認為係利益輸送比財團
香港就剛剛相反,將高鐵站設於冇乜新土地可供發展既舊佐碼
就被視為利益輸送

[ 本帖最後由 gaupost 於 2009-7-19 09:36 編輯 ]

保育人士指出廣深港高鐵會超越幾個郊野公園,
將新界劏開云云... 一見到呢d 字眼即刻嚇左一跳

原來只係穿過地底

其實我好同情菜園村居民, 我都好同意不遷不拆, 我覺得八十幾歲老人家無理由而家要被迫上樓, 但唔代表爭取保留菜園村團體o既論點值得支持, 唔該你地唔好講太多枝節野,
又話「新界應該設站」, 又話「利益輸送畀地產商」, 跟住再批評埋成個鐵路發展計劃,
你地對呢d 論點有幾掌握?
你地講咁多點只會更容易招致更多市民反感!

唔該主打溫情牌, 講返你條村幾有人情味, 被人逼遷幾無人道,
進而批評工程規劃無諮詢, 政府收地政策有問題, 我相信就係你地可以做o既野,
我都相信你地已經做左, 亦已經有好強烈o既訊息畀到公眾,
就好似個集鏗鏘集咁

再者, 如果爭取唔到不遷不拆, 可否改為爭取覓地重置,
成條村搬去附近某地方, 至少成條村o既人住埋一齊,
又係鄉郊地方, 起碼唔使上公屋, 生活模式改變少d,
我相信咁係對你地條村最有利o既方向。

[ 本帖最後由 leochill 於 2009-7-19 11:31 編輯 ]

原帖由 leochill 於 2009-7-19 10:15 發表
其實我好同情菜園村居民, 我都好同意不遷不拆, 我覺得八十幾歲老人家無理由而家要被迫上樓,
但唔代表爭取保留菜園村團體o既論點值得支持, 唔該你地唔好講太多枝節野,
又話「新界應該設站」, 又話「利益輸送畀地產商」, 跟住再批評埋成個鐵路發展計劃,
你地對呢d 論點有幾掌握?
你地講咁多點只會更容易招致更多市民反感!

唔該主打溫情牌, 講返你條村幾有人情味, 被人逼遷幾無人道,
進而批評工程規劃無諮詢, 政府收地政策有問題, 我相信就係你地可以做o既野,
我都相信你地已經做左, 亦已經有好強烈o既訊息畀到公眾, 就好似個集鏗鏘集咁

再者, 如果爭取唔到不遷不拆, 可否改為爭取覓地重置, 成條村搬去附近某地方,
至少成條村o既人住埋一齊, 又係鄉郊地方, 起碼唔使上公屋, 生活模式改變少d
我相信咁係對你地條村最有理o既方向。

認同, 反對人士所持既工程,規劃等理據都站不住腳
呢度既板友都足以KO 佢

不如佢地主打人情牌好過啦