有疑似巴士迷向TVB 6 點半新聞直播舉牌抗議

原帖由 北角---九龍城 於 2009-7-19 23:21 發表
tvb太敏感啦呢次....又唔係鬧佢地駛唔駛閃得咁快...

唔閃咪幫人做免費宣傳

前文我沒看過，也無意針對任何一位板友的言論，小弟只是想在此發
表些許愚見而已．

第一：自問是個巴士迷，對政府決定拆卸尖沙嘴天星碼頭巴士總站，
的確覺得有點可惜，但請大家在細想一下，政府將之變成一個露天廣
場，讓市民大眾在此休憩娛樂，究竟有甚麼不妥，而政府亦已表明會
在附近重置巴士總站，並會有巴士線繞經附近區域，這是否真的如保
育人士所說真的會為市民帶來不便呢？

第二：有關的保育人士經常利用任何渠道表示尖沙嘴天星碼頭巴士總
站甚有歷史價值云云．無錯，這個巴士總站的確是跟香港一起成長，
經歷過任何風浪之餘，也曾成為二次大戰期間，日軍跟守軍作戰的地
方，但我敢問他們一句，這個巴士總站有那些地方真的是當年遺留下
來的地方？車站上蓋？巴士站牌？還是排隊用的欄杆？另若如他們所
說這已有保留價值的話，那設在街旁的垃圾筒，即使爛得不能再用，
也要將之保留在街上，絕不應將之棄置在堆填區？真正的歷史保育，
是確切地把一些受市民大眾認同，並具有歷史價值的物品保留下來，
而不是為自己的興趣，而盲目地反對某些事情，甚至甚麼也嚷著要保
留，這未免把真正的保育義意徹底扭曲！

第三：在香港，任何人也有表達自己意願的自由，但有關保育團體在
昨日某電視台進行直播期間，刻意攜帶抗意標語橫額搏上鏡，及後相
關電視台的攝影師把鏡頭擰轉避開，仍刻意搏上鏡，小弟對這種行徑
表示相當失望。當前線記者進行工作期間，刻意地作出任何對有關人
士騷擾的動作，確實是不可原諒，情形就像你忙著手頭上的工作，旁
邊的同事不停的說話來騷擾你，相信你也會感到煩嫌，加上早前曾有
抗議人士成功的拿著標語入鏡，從而令有關電視台的新聞部工作人員
感到壓力，所以攝影師見到記者後有人舉起抗議標語，把鏡頭擰開，
的確是情有可願，但若真的如某些人所說，這家電視台的新聞直播因
此要被迫暫停的話，這群保育人士要負上的責任絕不少！

最後，我想請這班保育人士，不要再作出如此幼稚的行徑，即使你們
有抗議示威的自由，但應以理性的態度進行，而不是濫用這些自由，
更重要是提出任何保育行動前，應徹底考慮那樣東西是否真的有保育
價值才提出，絕不應以滿足一己私慾，而走出來扮民主英雄！大家亦
應理性一點去看待某些事情，不要單從某些方向去想，始終凡事也有
很多面的！

PS：當大家看過小弟這篇廢話後，相信會有很多意見，不論是好是壞
，小弟也會接受，但緊記要保持理性喔！

原帖由 petcity 於 2009-7-19 23:57 發表


我可以講我冇，但唔代表我冇去批評今次做法
權利，再者呢個做法絕非正確

要我盲目支持任何保衛尖碼總站行動，抱歉，我
未能做到，你將我當成一個「賣國賊」咁，唔支持
你等同支持政府拆總站好，定一個冷漠巴士迷好，但
我仍然覺得 ...

我對今次行動冇意見,
但係有冇必要將呢件事無限放大,
甚至所有之前做過既野全盤否定?

今次行動令到有負面既意見出現,
我就想問巴打們,究竟下次行動果陣
要做d咩先可以比呢次行動好,
可以見得到更多人留意,更多人認同
咩叫"要你盲目支持","當你係賣國賊"?
我幾時有咁講過先?

原帖由 DM17 於 2009-7-20 00:45 發表

我對今次行動冇意見,
但係有冇必要將呢件事無限放大,
甚至所有之前做過既野全盤否定?

今次行動令到有負面既意見出現,
我就想問巴打們,究竟下次行動果陣
要做d咩先可以比呢次行動好,
可以見得到更多人留意,更多人認 ...

籌旗登報

成件事小弟感覺係佢地似乎想主動佔tvb便宜，但tvb唔俾佢地佔便宜就被人抽水。

背後出發點可能係想保育，我都十分認同，但都要o係適當既時候做適當既行為，
人地唔領情都唔應該說人不是，俾你出街係人情，唔俾你出街係道理，
保育絕對唔係大條道理可以亂黎。

[ 本帖最後由 on11358 於 2009-7-20 01:10 編輯 ]

原帖由 waikei 於 2009-7-20 00:08 發表
前文我沒看過，也無意針對任何一位板友的言論，小弟只是想在此發
表些許愚見而已．

第一：自問是個巴士迷，對政府決定拆卸尖沙嘴天星碼頭巴士總站，
的確覺得有點可惜，但請大家在細想一下，政府將之變成一個露天廣
場，讓市民大眾在 ...

有關論點已經講左成年有多,
除左有關組織website,
仲可以search下B2同樓上幾層既文章睇番一年以o黎既資料

首先,反對拆尖碼唔係只係由保育方面著手
係由交通,民生,保育,旅遊幾方面同時進行

其一,露天廣場..隔離文化中心同星光大道已經有足夠條件
可以提供到市民一個休憩娛樂既地方
有冇必要,有冇迫切性要拆左成個總站,
再起多一個一模一樣既地方?
要建造公共空間比市民,
依家總站周邊已經係一個真正既公共空間,
如此豈不是多此一舉?

新巴士總站設幾晌百米之遙既尖東,
冇錯,政府表明會設分站,
但係其餘安排卻隻字不提,
係咪所有巴士線都會番o黎上落客?
可以照舊繞經分站既路線,
兩程車變四程車,梳士巴利道會因此增加幾多車流?
站位少左,等候埋站時間會唔會增加?
加埋的士,貨車同其他車輛,
到時梳士巴利道,廣東道既擠塞情況到底會比依家嚴重幾多?
一句"仲有巴士搭"就由得佢
有冇諗過周圍會出現幾多問題?

其二,歷史價值唔一定係某一樣物品,
尖碼總站既歷史價值就係80多年以來,
每一日晌度搭車搭船,番工番學,
數以千計,萬計既人群
加埋每一日服務市民既巴士,的士同小輪
我地要保留既就係呢種多年不變,
依然係活生生既生活模式,
用要掉既垃圾筒根本係兩碼子既事

原帖由 DM17 於 2009-7-20 01:36 發表

有關論點已經講左成年有多,
除左有關組織website,
仲可以search下B2同樓上幾層既文章睇番一年以o黎既資料

首先,反對拆尖碼唔係只係由保育方面著手
係由交通,民生,保育,旅遊幾方面同時進行

其一,露天廣場..隔離文 ...

現在我們討論的，是有關人士在電視台現場直播時拉橫額的行為是否恰當，
而不是應否保留尖碼巴士總站的問題。

我相信這裏大部分人都反對強行遷拆尖碼巴士總站，而閣下對遷拆一事的分
析亦概括了我們大部分人立場的重點，然而，閣下卻似乎未能抓住這裏討論
的重心，未有理解到我們同樣關注，有關人士表達方式是否恰當的問題。

當然，表達方式是否恰當，是一個相當主觀的問題，不同的人，運用自己的
理性分析，亦可以得出不同的結論。但恕我直言，閣下樓上兩篇回應，已經
有點兒不理性（例如，上面waikei板友文章的用意，是分析和評價有關人士
的行為舉措，用意不在於反對有關人士保衞尖碼，或者支持政府遷拆巴士總
站的行動，但閣下卻只能舉出一堆反對遷拆的理據；又例如，閣下從來沒有
把人說成「賣國賊」，卻因上面另一板友的hypothetical argument而對號入
座）。

討論和爭辯時，除了理據外，討論的技巧同樣重要；單憑一腔熱誠，而不顧及
有關行動或言論的後果，十分幼稚。希望支持保育尖碼的人士，能注意這點，
以更正面的方式把訊息傳達出去，才能更有效地達到目的、說服別人。

原帖由 DM17 於 2009-7-20 01:36 發表

有關論點已經講左成年有多,
除左有關組織website,
仲可以search下B2同樓上幾層既文章睇番一年以o黎既資料

首先,反對拆尖碼唔係只係由保育方面著手
係由交通,民生,保育,旅遊幾方面同時進行

其一,露天廣場..隔離文 ...

拆總站可以有十萬個理由支持,亦有十萬個理由反對,你可以
堅持反對,但同時要聽其他人意見

搞好旅遊業一直都係全世界任何政府都掛在嘴邊,講到爛既
topic,香港要吸引更多人訪港,自然就不斷搞"設施",雖然你
同我都明白將個總站變成一個露天茶座,只係得啖笑,旅客根本
唔會因為一個露天茶座而訪港,但保育人仕其實有無諗其他方法
大家都可以win win雙嬴,例如部分時間係總站,部分時間係茶座,
又或者上層茶座,下層總站,甚至再縮減車坑,保留一條車坑,用來
開旅遊路線,等旅客都可以感受下呢個都市與明不同之處?

政府做事有時為求方便,未必周詳去諗所謂感情/保育問題,當遇上
保育課題時,一係做鴕鳥,一係就做太極高手,就算近年話要保育,
都俾一d無謂行政指令,過時政策,官員無知,或胡亂處理而破壞了
成件事,所以要保留總站,都係搵番鄭局長好過,唔好搞著彭國柱

原帖由 S3BL100 於 2009-7-20 02:02 發表


現在我們討論的，是有關人士在電視台現場直播時拉橫額的行為是否恰當，
而不是應否保留尖碼巴士總站的問題。

我相信這裏大部分人都反對強行遷拆尖碼巴士總站，而閣下對遷拆一事的分
析亦概括了我們大部分人立場的重點，然 ...

拉banner一事,我覺得係借TVB做跳板
再attract其他人去跟進
如果係o黎真既
我諗佢地會將條banner直接塞去攝影機前面
而唔係晌記者後面玩飄移

保留尖碼總站上幾頁已經同時討論緊
同埋,我覺得否定呢次行動既人
有冇必要因為呢次行動,同時否定哂成個組織既理念?

[ 本帖最後由 DM17 於 2009-7-20 02:46 編輯 ]