一個時代的完結，另一個時代的開始（長文）

三年前，我因為返學的需要，開始成為這條線上一名長期乘客
起初對巴士不甚了解，成日覺得點解呢條線會有係港島消失左既都城巴士
小時候對都城其實冇乜好感，因為好嘈，九巴既counterparts明顯都唔例外
我坐74A時都幻想過有冇最愛既珍寶，雞車和吉鷹，當然大家都知我係痴心妄想
當時74A九廠仲係出4部都城個陣，基本上揀邊架都冇乜所謂，因為大家都係一樣咁嘈
後來坐得多，先覺得都城其實都幾特別，上斜有力，雖然車入面係熱，但係行順左吹起既風其實好舒服，而且路程除了獅子山隧道和觀塘市區惡頂外，多數路段途經郊區，空氣清新，學會享受，閒來坐坐也不是壞事。
後來漸漸長了見識，聞說都城退役甩牌，換上速度略遜一籌的龍車，都抽空去捕都城，記得當時影74A都幾辛苦，個陣淨係識影直去既相，啟業實係成日都去架喇，一架唔知點解始終只係坐過一次既都城EL7853成為啟業最好的回憶

3年之後，我不用再上學，進入人生另一階段，想不到連74A也一同轉變




其實就74A本身而言，我並沒有對車型轉變有太大的感覺，還不是巴士一部。
我反而覺得有一種失落，因為我清楚知道，一個時代緩慢但不可逆轉地過去了。
我必須用一種新眼光去看待它。
客量係點轉變，師傅係點轉變，唔係重點。帶給我更強烈的感覺是三年以後才驚覺自己已經坐了三年的74A了，非常實在，由一個乘客轉變成一個拍攝者，由一個局內人轉去局外人，才驚覺時光荏苒不再。
我還是較喜歡坐在車上。