大熱天時坐新巴

借問聲有邊款新巴係有冷氣既呢？

唔好同我講舊車就冷氣凍，早兩日搭101 黎部 VA39，第一部車踢都唔識郁，一行就周身響，波箱又唔妥，
第二架車係齋出風完全唔凍，撞正個日上到頂晒閘，我由灣仔搭到九龍灣已經想死咁滯。

不過，我深知撞岩如果係10XX 的話，係隨時會連風都冇，即係焗冷氣。

再早幾日，又見一部50xx 埋完站起步，居然富豪engine 可以做到起步時有cummins 撻車個舊黑煙，
新巴你知唔知咩叫做保養？

新巴全部車款都是有冷氣的

原帖由 OTIS401 於 2009-7-22 08:33 發表
新巴全部車款都是有冷氣的

樓主其實係話批新巴既冷氣係十分 d 弱雞..  

上次搭部 2 o既都普躉, 同你一樣, 最慘o既係佢出熱風囉, 唔該o西
o向銅鑼灣搭到去筲箕灣...........落車件衫濕o西, 下次搭返電車無咁嬲~

新巴的維修的確……冷氣車的冷氣表現參差。昨晚坐DA62冷氣足，但好多次坐新巴車，會坐到出汗或要自己撥扇，它不是沒有冷氣，而是太弱，風力亦不強，以死唔斷氣的形式繼續為大家服務。我寧願它早早斷氣，擺街，然後入廠重新維修。

有團體表示冷氣車太凍，其實有很多影響因素，如你坐下層車尾，冷氣25度，我會成身都是汗。上層車尾25度，不代表冷氣到車頭仍有25度，此外，25度是在出風口還是打在我身？到我身上可能已有變數，加上下層開門關門，冷氣流失，25度，足夠應付嗎？當然，雨天作別論。天晴時，25度的冷氣，我不多喜歡。

原帖由 hywonglx 於 2009-7-22 09:48 發表
有團體表示冷氣車太凍，其實有很多影響因素，如你坐下層車尾，冷氣25度，我會成身都是汗。上層車尾25度，不代表冷氣到車頭仍有25度，此外，25度是在出風口還是打在我身？到我身上可能已有變數，加上下層開門關門，冷氣流失，25度，足夠應付嗎？當然，雨天作別論。天晴時，25度的冷氣，我不多喜歡。

個人而言, 25度已經係太熱.  
在office裡, 如果冷氣set 25度, 我要加把 USB fan 吹...

冷氣巴... 根本係 "順得哥情失嫂意" (車外人 vs 車內乘客),
巴士公司亦都難做, 車內乘客現在投訴車廂太熱/焗, 車外行人也會投訴架巴士熱氣迫人!

新巴車冷氣多數只會剛剛好
熱天無論坐邊到都係好熱，特別係10xx車頭，超大風囗但無風

惟一一次，著到好厚都仍然有雪條的感覺
就係寒流襲港時(當日12度)，坐在上層車頭，被不能關上的超大風囗狂吹

原帖由 細路荃 於 2009-7-22 12:37 PM 發表
有陣時冷氣巴同熱狗真係不相伯仲…
唔出凍風果陣…啲客仔就好似困咗响密室一樣…
加上猛烈既陽光照入嚟…真係極度攞命…

有次大熱天時坐1A架S3N行彌敦道之後返嚟港島坐8P既10XX…
熱既感覺竟然係毫無分別… ...

無分別已經算好了
冷車熱過熱車是頗為常見的事呢

原帖由 DD2113 於 2009-7-22 11:12 發表


個人而言, 25度已經係太熱.  
在office裡, 如果冷氣set 25度, 我要加把 USB fan 吹...

你加把風扇吹，其實溫度無變，不過空氣流通大左，
熱量可以加速流走，所以感覺涼快....

我覺得有時唔一定要調低溫度，反而加大出風量可能
更有效更環保。