各位站友對直銷這行有什麼感覺?

最近得閒，有朋友介紹給我一間直銷公司，賣護膚/健康產品既(邊間就唔講啦，係美國有上巿既，主打抗衰老)
而我個fd其實都做左兩年........
我自己都親身上過公司的廣場，睇見好多產品/報道，同埋聽過一個講座(無簽任何野)
個講座就大概講及公司的起源，之後就有好多靠直銷成為百萬美元名人上黎分享
有好多都係有份好好既職業，但到最後都選擇左直銷
之後就下半世唔駛做都過到日子(而我都有同部份名人交流過)
最近都從電視等相關資訊指當經濟唔好個陣，就會多左人做直銷
現在對該公司同該行有初步的了解
但有個問題想問問站友意見既

1.想向各位了解對直銷的睇法
2.朋友建議我上多幾次多了解下，不知道值唔值得去

*不過我屋企人就對此舉有不少微言
而我自己就抱住了解多d心態啦
但都想問問各位意見既~
謝。

原帖由 kay 於 2009-7-26 21:14 發表
最近得閒，有朋友介紹給我一間直銷公司，賣護膚/健康產品既(邊間就唔講啦，係美國有上巿既，主打抗衰老)
而我個fd其實都做左兩年........
我自己都親身上過公司的廣場，睇見好多產品/報道，同埋聽過一個講座(無簽任何野)
個講座 ...

直銷係咪即係傳銷？
如果係傳銷
答案肯定係負面

樓主應該仲記得間野叫咩名，

上google.com搜尋間野，睇下有咩網，click入去睇下D論壇～

如果好多衰野，都係唔好去好D．．．

原帖由 石頭 於 2009-7-27 03:52 發表
樓主應該仲記得間野叫咩名，

上google.com搜尋間野，睇下有咩網，click入去睇下D論壇～

如果好多衰野，都係唔好去好D．．．

我搵過相關ref，本地台灣都有
講真d評論都可以算係一面倒負面既
但未至於有違規情況出現，只不過係坊間對直銷手法評價多
不過台灣都有相關文章，指產品同測試唔夠科學

其實照樓主所述就咁睇黎, 間野可能已經係有問題, 同埋樓主已經係「半洗腦」狀態, 唯一可取的, 係佢訓左一覺同埋同家人商量後, 仲識黎問其他人.

1. 同名人交流過, 佢究竟係邊一個名人, 係咪死充(據知某傳銷, 很多人都身光頸靚, 用錢如倒水, 但背後原來係欠落財仔周身債.)
2. 小弟不建議再去呢間野度聽任何野, 如果呢個朋友係要扯著你不放, 同佢絕交.
3. 據知呢間野的產品其實不差, 對於減肥或者美容的作用很好, 但買黎自用倒沒有所謂, 做埋經銷商就免了.

"之後就下半世唔駛做都過到日子"
咁個個都去做啦，香港仲邊有窮人

仲有真係賺到錢既，佢自己點解唔賺晒，仲要介紹俾你?
因為佢搵唔到下線，佢自己就冇得賺

原帖由 ahbong 於 2009-7-27 00:12 發表
直銷係咪即係傳銷？

'傳銷'既正确名稱係'多層次營銷'(multi level marketing)
將直銷(direct marketing)等同'傳銷'估計係內地將傳銷刑事化
因此美國如'安利'(與摩門教有聯系)在內地係以銷售网站既直銷
(即不經批發/零售)形式去經營既.
香港將類似傳銷,在80年代盛极一時既'層壓式推銷'(pyramid scheme)
刑事化,界定為大部份利潤來自新會員既收費而非銷售產品,與合法傳銷較難分辨.

原帖由 gordon 於 2009-7-27 09:43 發表
其實照樓主所述就咁睇黎, 間野可能已經係有問題, 同埋樓主已經係「半洗腦」狀態, 唯一可取的, 係佢訓左一覺同埋同家人商量後, 仲識黎問其他人.

1. 同名人交流過, 佢究竟係邊一個名人, 係咪死充(據知某傳銷, 很多人 ...

我又未至於半洗腦既
起碼我唔會一聽完就會有下一步行動，仲會識得上黎問
我自己其實都好猶疑，既然咁好做，點解全世界d人都唔去做ar
我只會覺得成功非僥幸~
可以靠呢行就可以下半世唔駛做野都有"佣金"收，我覺得係一個不可能的夢也
不過間野就算有問題，未至於犯法吧，係美國華爾街主板上巿股份黎

*個fd其實想約我聽日去試產品，所以我先開post問大家意見

樓主所述與昨晚(26/7)播出的《警訊》內容有點相似，
我強烈建議你花點時間，重溫一下。
http://www.rthk.org.hk/rthk/tv/police_magazine/20090726.html

[ 本帖最後由 drew 於 2009-7-27 11:32 編輯 ]

又或者再講多些少我個fd既遭遇
佢係兩年前考完會考接觸到個間野
開頭著牛仔褲上廣場聽野，之後就西裝
佢都有問過屋企人既意見，結果同屋企人反晒面
但佢又唔理咁多，一做做左兩年
呢期個fd就想吸引多d人加入，當然包括我在內
又或者講下我現況
早個輪考完公開試，做左個幾月快餐PT
依家就無做啦，間唔中都會問fd有無咩工好介紹咁
經過咁多人既意見，本人都有左決定
又或者咁講，其實屋企人個關我根本過唔到，已經無得揀。
在此再一次感謝咁多位站友既意見
但我又覺得，如果純粹買產品既，呢間野d出品都唔錯。