香港仔隧道至海洋公園

搭香隧巴士
落左車之後去海洋公園應該點行?
由公園行返出來搭車又點行?
平日有冇普通路線經海洋公園巴總? THX

其實有2個方法
一個安全d但兜d,一個危險d但快d

"安全"d嘅就落車向上行,過馬路,再行過d見到城巴廠,隔離有條樓梯落去,沿住城巴廠旁邊條路去海洋公園道,轉左,睇牌行就得(即去返停車場果邊入口,基本上去到大約見到門口)

"危險"d就落車打斜向後行,穿過草地(畀人行到有條路) , 之後橫過馬路 (小心車輛,車速頗快)
沿住黃竹坑道行,去到停車場就行入去,穿過 (直插) 停車場就見到門口~

如果出返嚟去香隧口搭車.就用返"安全"嘅方法調返轉行,上完城巴廠隔離條樓梯,轉右,過3次燈(果道十字路口嚟嘅),係南風道果邊沿樓梯落去就到個站

平時都係得629,冇其他車,但係629都唔係班班經正門 (正常唔經嘅~)
如果搭就上車前一定要睇車頭牌&問站長
去咗大樹灣就可以坐返888過正門,不過冇記錯就半個鐘一班

原帖由 何文田 於 2009-7-27 02:44 發表
平時都係得629,冇其他車,但係629都唔係班班經正門

据新創建巴士既資料,路線629每日早上有5班由7號碼頭開出既特車
經海洋公園正門,如在金西站上車睇到唔係由總站開出既就係去正門既特車.
另有629S經正門,但都在海洋公園開門前到逹,供員工乘搭.
所有回金鐘既班次都經正門.
進智在星期一至五及星期六早上有6號綠小由7號碼頭至正門,收費$10.5,班次則極疏(45分鐘1車)

唔係重有架小巴會經op嗎??

好似係6號...
但係好耐一班...