8.16 西鐵九龍南線定通車

原帖由 Wright---AVW16 於 2009-7-31 09:48 發表
我想問下當日西鐵係第一班車就延長至紅磡，定係去到某個鐘數先延長？

頭車就已經係紅磡 <> 屯門

而紅磡頭車時間都會順應行車時間開0553，由於每日頭尾段班次都冇變，所以頭尾車時間理論上跟現左冇變...

呢個只適用於西鐵全線，但前東鐵紅磡至尖東段的time lag，港鐵始終不肯解決

8月15日深夜，旺角東往尖東提早在12時半收車(即最後幾班南行列車以旺角東為終點站)，
港鐵會安排接駁巴士，接載乘客由旺角東站前往尖東站。

原帖由 tuen 於 2009-7-30 19:18 發表
板友為何會寧信即時新聞也不信新聞稿呢？
相信板友們也經常發現報章為求搶先報道, 時而錯引數據, 時而胡亂猜測
奉勸各位看報後自行消化不宜直信, 習慣查清官方消息為妙

說回正題
這次不作路線適應試行(即先行西鐵 尖東至紅磡一段, 東鐵撤回紅磡)
可能是港鐵方面認為 純粹需要處理紅磡站 趕客落車到對面轉車的問題, 加派大使幫手就可以
(題外話: 路線圖的轉換/更新上 人力物力 無形中省卻了)
但大家都知道事情不會這麼簡單, 頭一段日子肯定有不少不適應和投訴
原本可以在尖東站 直接選乘 羅湖/落馬洲 列車的乘客 從此就會不方便
可預見 傳媒當天除了報道西鐵直達尖沙咀區如何方便的同時, 就會關注這方面的事情了

我倒認為未必，幾年前觀塘線被將線奪去過海，擾民程度比這次更嚴重(除左轉車外，仲要挨多個站，繁時的話仲要等幾班至轉到)，但都未聞有幾多投訴，而且兩次改動，受擾既好大程度上係同一班人

可以咁講，鐵路發展上，中部，即觀塘線，東鐵線連馬鞍山線沿線既人，雖然從來都係最受剝削既一群，但一直以來有多少投訴呢？和新界另一方相比，邊邊投訴、不滿聲音多呢？

[ 本帖最後由 mckhgc 於 2009-8-6 21:43 編輯 ]

誤按，原文已刪

[ 本帖最後由 mckhgc 於 2009-8-6 21:19 編輯 ]

原帖由 mckhgc 於 2009-8-6 20:55 發表


我倒認為未必，幾年前觀塘線被將線奪去過海，擾民程度比這次更嚴重(除左轉車外，仲要挨多個站，繁時的話仲要等幾班至轉到)，但都未聞有幾多投訴

可以咁講，鐵路發展上，中部，即觀塘線，東鐵線連馬鞍山線沿線既人，雖然從來都係最受剝 ...

可能新界西部較多為民請命既議員 ..
唉, 遲d 東鐵沿線居民又會轉投返紅隧巴士既懷抱 ..

港鐵而家先貼貼紙出黎,
好明顯係想減少居民知道事實既時間,
到時想反抗都冇得反抗 ..
到而家都淨係著重「西鐵延長去紅磡好方便」既宣傳,
相反東鐵縮返紅磡就好少提到 ...

原帖由 DIH 於 2009-7-30 21:56 發表
在東鐵沿綫，港鐵都係好低調咁豎牌話西鐵延長至紅磡咋，但個標題唔話埋東鐵縮返去紅磡。
我相信大部分東鐵沿綫的乘客，假如唔係特別留意的話，根本唔知半個月後就唔可以一程車去尖東。
我有個同事都係我講佢先知，而且甚麼西鐵 ...

康城站，到底係賣新站，定係賣新站上面D「港鐵公司正業/主打產品」，係人都知啦，鬼叫柯士甸站，以致成條九龍南線冇同類產品咩(將來唔知，至少而家係)

不過講大細超，點到唔夠以前九鐵離譜，西鐵就計劃階段已經大肆宣傳，到通車就更加大鑼大鼓，職員制服都改埋；馬鐵？到左通車日，可以離譜到連佢個網頁「最新消息」o個板都隻字不提，係真係連通車日期、時間都完全冇提

至於東鐵線客而家都乜都未知既問題，我早幾日同兩位c9同事吹水，其中一人講佢以前抽居屋既事，佢話差D中左天水圍，後來「好彩」中左慈雲山云云，我問佢天水圍邊度，佢話天盛，我話即係天水圍南啦，其實都唔係輿論講到咁差，至少好過上水粉嶺(個人見解，預左畀人圍攻)，佢地好大反應咁話「點會？上水粉嶺一定好過天水圍，上水粉嶺有"火車"丫嘛........」 ，我話天水圍都有西鐵，佢地又話西鐵麻煩隔涉(佢地似乎唔知道，天盛已經少數唔使駁腳就可到西鐵站既住宅)，我就同佢地講九龍南線D野，佢地聽到O晒咀，仲話「唔係呀！我尋日至搭"火車"去尖東黎」 ，最後佢地講到冇得好講，「那」返渣沙話「總之上水粉嶺一定好過天水圍，你睇下樓價就知.......」

原帖由 SSBT 於 2009-8-6 21:10 發表

可能新界西部較多為民請命既議員 ..
唉, 遲d 東鐵沿線居民又會轉投返紅隧巴士既懷抱 ..

港鐵而家先貼貼紙出黎,
好明顯係想減少居民知道事實既時間,
到時想反抗都冇得反抗 ..
到而家都淨係著重「西鐵延長去紅磡好方 ...

其實幾時知都唔重要，比你早D知，就有得反抗咩，東鐵線/馬鞍山線/觀塘線沿線居民，看來一早已認命了

睇下遲D九龍塘點逼爆、尖東站使用量幾大跌幅啦

原帖由 mckhgc 於 2009-8-6 21:19 發表


康城站，到底係賣新站，定係賣新站上面D「港鐵公司正業/主打產品」，係人都知啦，鬼叫柯士甸站，以致成條九龍南線冇同類產品咩(將來唔知，至少而家係)

不過講大細超，點到唔夠以前九鐵離譜，西鐵就計劃階段已經大肆宣傳，到通 ...

你沒看兩鐵合併細則了, 九南線本來九鐵是獨支興建的, 政府沒有出錢, 而柯士甸站兩個上蓋地皮也是政府的, 但兩鐵合併時個發展權賣了給港鐵作為合併的"嫁妝"了
另西鐵起了460億, 馬鐵起了100億, 你話九鐵點會唔隆重呀!