關於屯門市中心巴士總站問題

屯門市中心巴士總站真是非常之熱！在未開始翻新時，即使是早上和晚上一樣熱到不得了
中午時段更是熱力驚人。下雨天也不覺得好得多少。
除了打風時有點微風吹進去之外，根本就無風。
現時開始翻新了，熱力沒有改善再加送工程噪音，真是熱壞人

前幾日有報章報導一些巴士總站炎熱的問題，報章出街前我試過去被點名的中港城巴士總站，比起屯門市中心巴士總站，即使無風都好，也不至於吹來陣陣火熱的廢氣。

請問
1. 這個總站是不是一開始就這麼熱？
2. 請問有沒有議員曾經反映過問題？？熱到咁

謝謝！

早幾年已經改善通風
03/04 已經移走 2 條線

不過....問題仍然存在 , 尤以 62x 站頭更嚴重

我自己好多時都係坐62X/259D線
之前剛剛開始維修工程最辛苦
因為52X線的巴士車尾好多時會對準62X/259D的等車乘客去噴熱氣

屯門市中心總站其中南端及東端是相連接的
北端則有大廈遮擋, 所以空氣流通相對較差..
而且位處屯門區內陸土地, 溫度亦會相應提高

中港城雖然都是比較熱的總站
不過西端臨海, 海風容易送進碼頭內
東端則是兩條出入通道, 因為中港城東西面都有出口, 所以通風會好一點點..
冬天的中港城總站, 其實是很冷的...

原帖由 天空之神 於 2009-7-29 13:07 發表
早幾年已經改善通風
03/04 已經移走 2 條線

不過....問題仍然存在 , 尤以 62x 站頭更嚴重

改善通風後環境係好左架......那時一堆牛角扇仲對住你係度係咁噴塵，風都係熱。
現在除了裡面，等506同K52班客都唔係好受，個位無風兜頭曬之外，
入面Ｄ廢氣同塵係個站頭噴出黎，都好辛苦下。

今日我係市中心等506 開頭都無太陽
照企出面，但已經熱到咩咁
無耐出左太陽 真係熱到企左入無太陽照射既地方
但呢個時侯入面又係好熱 上到車都出汗
p,s:等車等左5分鐘到

5 分鐘還好吧
如果黎個 15 分鐘真係問你死未

荃灣鐵路站咪仲嚴重
有太熱有D牛角扇都唔開
我懷疑D牛角扇係仍同虛設

原帖由 童星之迷 於 2009-8-7 17:31 發表
荃灣鐵路站咪仲嚴重
有太熱有D牛角扇都唔開
我懷疑D牛角扇係仍同虛設

人地報告話荃灣鐵路站既通風已經算好wor..

屯中總站緊係熱過荃灣鐵路站啦,起碼荃灣鐵路站兩邊都對住馬路,有風出入,試下起屯中等259D/62X丫....我果次等左10分鍾左右咋,成身熱到濕晒,成個屯中最熱就係259D/62X個位,.....
以前屯中反而冇咁熱,有牛角扇長期開住吹,反而都冇乜野,我覺得而家仲衰過以前....同埋961係屯中個位都唔好得去邊,長期成堆的士排係前面,係咁吹D熱氣埋黎....屯中最舒服個位都係得E33/868....