從謝霆鋒、房祖名、再到欣宜 (續篇)

本來隨住欣宜番左加拿大，而且過左一個星期
事件應該告一段落，因為再講會很背
不過近日睇左一d藝人既回應愈睇愈不忿
所以想幾隻字仔幫杜汶澤同投訴人平反一下
(其實我打緊既同時都趕緊功課，冒住欠交功課既危險@@)

睇左幾日報紙大部份既藝人回應
都係針對所謂既惡意批評
無錯我同意投訴當中一定有人身攻擊
好似話佢肥、扒，身形唔適合做白雪公主
但三百幾宗中總會有比較理性既投訴
不過呢班藝人好似有意定係無意咁迴避左其他客觀既問題
例如欣宜靠母親上位、造作等
有時我都好明白藝人為左唔想得罪人而有選擇咁講說話
特別係連繫到一d 有權力人士
為左飯碗同前途會選擇埋堆
但係咁做根本無助解決問題
而且分分鐘會被一d人誤以為係支持自己既”造星計劃”
就當藝人既回應係想保護欣宜
但係隱藏或者迴避問題所在唔代表已經解決
正如患癌症一樣，病症o係初期可以用藥控制
到中期先發現依然可以做手術切除
但如果扮冇事癌症到左末期就只有等死
仲有大家保護到佢一時保唔到佢一世
旁人既保護令佢依然活o係自己既幻想中
他朝有日沈殿霞百年之後或者失勢
欣宜既幻想世界一下子破滅
如果佢諗唔開去自殺
今日呢班挺佢既藝人間接上都做左幫凶

當日我都有聽杜汶澤既節目
我覺得阿澤只係以一個普通觀眾去講番欣宜扮公主既感覺
我完全唔覺得佢有人身攻擊過欣宜
就算佢話見到欣宜扮公主好驚
佢係因為身形定係演技既問題?
佢絕對冇講過
如果係講緊演技，沈殿霞更加要正視問題
有時藝人唔係話準時、有演員道德、聽話就得
我夠覺得余慕蓮都達到以上條件
咁既然欣宜可以做snow white，我覺得余慕蓮都可以做灰姑娘
但點解一班所謂既藝人要群起攻之?
阿澤所講既野唔只代表自己
而且都反映左一定數量既社會聲音
眾藝人一面倒挺欣宜反而係唔正常
阿澤原則上都可以選擇挺欣宜去討好某人
但點解身為一個o係社會(唔只娛圈)打滾左咁耐既人
都寧願揀唔買沈殿霞既帳?
我覺得係真小人同偽君子既分別
要挺欣宜好簡單，而且仲俾人覺得自己好厚道
彈欣宜甚至可能要冒生命危險
我認為阿澤一d有o個句講o個句、唔想戴住假面具既人
至少阿澤既動作比一班假道學既所謂君子光明得多
(註: 杜汶澤唔係惟一個講欣宜，唔通係因為阿澤好蝦?)

想講d有關藝人兩代因裙帶關係入行既感想
而我又下意識同”家天下”思想連繫一齊；
中國人幾千年來都係活o係君主制度之下
皇帝既繼承完全係因為血緣
同個人能力冇太大關係
如果太子係一個明君咁人民先有好日子過
但若果不幸出現一個暴君或者庸才
老百姓唯有自求多福
歷史不少就係因為呢種世襲而導致國家既滅亡
戰國時代”胡服騎射”既趙武靈王
任內勵精圖治，成功改革軍隊可與秦國匹敵
可惜只落得被自己既逆子軟禁奪權而餓死既結局
劉備在位時廣招賢才，國力可與魏吳鼎足而立
後主繼後成為左扶唔起既爛泥
縱使眾臣努力扶持都改變唔到亡國既命運；
隋文帝統一南北朝亂局，令全國可以休養生息
兒子隋煬帝繼位後就揮霍老爸留落既資本
隋朝國詐不過三代就滅亡；

既然歷史已經話俾大家知世襲既弊病
點解今日我地仲要接受”藝人世襲制”?
沈殿霞打出來既江湖地位唔可以保證欣宜可以繼承
假設即使欣宜係天份成為藝人
日後欣宜有兒女又要加入娛圈
我地又要無條件接受佢地三代?

PS:
另外沈殿霞都係快d俾自己個女知投訴既事啦
欣宜自己都有同學，遲早有人會話佢知出面發生咩事
再繼續保護佢，佢永遠唔會成長

[ref=373099]camoran[/ref]  在 2005-9-20 07:44 AM 發表:
既然歷史已經話俾大家知世襲既弊病
點解今日我地仲要接受”藝人世襲制”?
沈殿霞打出來既江湖地位唔可以保證欣宜可以繼承
假設即使欣宜係天份成為藝人
日後欣宜有兒女又要加入娛圈
我地又要無條件接受佢地三代?

正所謂「有人辭官歸故里，有人漏夜趕科場」，
歌神 Sam Hui 下一代許懷恩，
（有錯別字請指正）
本來有意晉身樂壇，
就連首張個人唱片都準備得如火如荼，
不過懷恩就係捱不住本地傳媒報導手法，
決定唔再做幕前，
個人唱片都唔出……

其實香港人對「欣宜事件」都開始丟淡，
大家都未必再有興趣討論，
不過小弟覺得，
欣宜是否應該繼續「留於」娛樂圈，
應該俾返當事人決定，
我o地可以做o既，
只應該係指導當事人點樣做得「好Ｄ」……

個人認為，
現時「藝人後代」男多女少，
譚俊彥、陳宇森、劉愷威……
大多都「半紅不黑」；
但係數到「藝人後代(女)」，
小弟除數得出欣宜之外，
只可以數多一個：
剛出爐之港姐－－鄧上文。
（「屯門王子」鄧英敏後代）

「藝人後代」男多女少，
原因係唔係同「世襲」有關？
大家對欣宜「難以接受」，
係佢「表演慾太強」？
定係有 fans 存心報復，
「八卦雜誌」乘機炒作、小事化大？
譚俊彥、陳宇森、劉愷威……等「藝人後代(男)」，
連新聞都冇乜，
原因係「唔夠出位」？
小弟都唔明……

小弟相信，
「藝人世襲制」是否行得通，
係因人而異，
未必一定行唔通……

P.S.：
黎姿係「香港電影之父」黎民偉後代，
好多人都知，
但係黎姿同黎宣（宣姨），
又係唔係有親戚關係呢？
小弟聽聞過係有……

[ref=373322]bose_hung[/ref]  在 2005-9-20 05:05 PM 發表:

「藝人後代」男多女少，
原因係唔係同「世襲」有關？
大家對欣宜「難以接受」，
係佢「表演慾太強」？
定係有 fans 存心報復，
「八卦雜誌」乘機炒作、小事化大？
譚俊彥、陳宇森、劉愷威……等「藝人後代(男)」，
連新聞都冇乜，
原因係「唔夠出位」？
小弟都唔明……

「八卦雜誌」梗係會乘機炒作、小事化大啦
以前都見過有雜誌封面大字標題話欣宜「臨別抽波」

若果那班藝人是「真心」支持鄭小姐
是從心底裏認同鄭小姐所做的事
小弟覺得沒有問題:

當然啦...
小弟不能排除
(甚至認為當中有不少人也是)
有人想從中拉攏關係、或不敢開罪一些人的可能

至於投訴人方面
理由為「令人不安、惡心」、「嚇壞細路」的話
小弟覺得誇張了少許吧!
在台上來說，鄭小姐只是外貌差點罷了...

如果有為人父母者作投訴的話
小弟感到十分遺憾
因為這根本等同灌輸偏差的價值觀給小朋友
這彷彿告訴他們：
「醜人不應在世界上生存的
如果你遇上醜的人
請用盡你一切的方法將他打壓」

對於這群人
我想你們應該當心有日自己愈長愈醜時
小朋友離自己而去啊!

至於一般的投訴者
沒有甚麼意見
小弟只是希望他們在投訴之前想清楚自己投訴的動機
以及想清楚這件事是否真的要到投訴的地步

杜汶澤方面
小弟也認為沒甚麼問題
他只是用輕鬆的方式閒聊罷了...
而且他也未至於作出甚麼無理的舉動
用措詞亦未算令人難堪

[ref=373099]camoran[/ref]  在 2005-9-20 07:44 AM 發表:

PS:
另外沈殿霞都係快d俾自己個女知投訴既事啦
欣宜自己都有同學，遲早有人會話佢知出面發生咩事
再繼續保護佢，佢永遠唔會成長

欣宜單野D雜誌報紙咁樣報導, 欣宜冇理由唔知呀... ?
沈殿霞會隱瞞到咩 ? 仲有如果真係瞞到~ 瞞得幾耐
最好比欣宜知道啦, 睇佢仲敢唔敢出尼

[ref=374173]da89[/ref]  在 2005-9-21 07:18 PM 發表:
最好比欣宜知道啦, 睇佢仲敢唔敢出尼

點解欣宜唔敢出o黎？
怕乜呢？
「傳媒有如洪水猛獸」，
唔少藝人都有同感，
但係咁就唔出o黎見人？
定係有更「不可告人」之理由令欣宜唔敢出o黎？
解釋一下好Ｄ喎……