南環線通車後巴士服務

原帖由 WinnieThePooh 於 2009-8-1 21:39 發表


但係若果政府都經常唔理反對聲音呢?

哂氣
若果反對同爭取係次次使得既話
香港一早有左普選喇
(好似扯得太遠)

點做野都有反對聲音
問題係甘做係咪公義姐
站在應否取消A73和K16兩事上
我唔覺得真係欠缺公義 ...

K16 係九龍南線通車後取消我覺得係無可口非
但取消A73我諗唔係啦掛
cut條唔係無客坐既線迫人坐無位既港鐵
我見過唔少人係西鐵站等超過3個字一班既A73都唔會去隔離坐西鐵
一程到目的地點都快過上上落落又要轉黎轉去掛?

原帖由 WinnieThePooh 於 2009-8-1 21:50 發表


成個大西北既集體運輸就係甘
二十年前就係輕鐵巴士互轉
依家就變左港鐵與巴士/輕鐵互轉

有無一程過交通服務係大西北交通甚至係全香港既根本問題
只係歷史因素令A73存在至今
當有人將A73存廢放大之時
又睇唔睇到有 ...

'
個問題唔係在於一唔一程車既問題，而係條線應唔應該係港鐵公司單方面取消

原帖由 WinnieThePooh 於 2009-8-1 21:50 發表
有無一程過交通服務係大西北交通甚至係全香港既根本問題

咁城隧路線一定係最失敗嘅巴士網絡喇

聽完兩區既錄音, 從區議員那種激烈反應去睇, 我諗港鐵未必夠膽於八月尾取消
A73, 有機會要等到 K16 取消或大幅減班之後調配資源入大西北再作決定。
情況就如當年九鐵進行輕鐵重組, 整個計劃幾乎上馬之際, 都要推倒從來。

其實 A73 一直取消唔到, 西鐵部派車都幾緊張, 間接就令到數條大線用車就住
就住駛, 有一些長期話要加班既路線  (例如 K65) 亦都唔駛旨意加到車 (雙層
特車都係抽車), 部分鐵巴路線行車時間亦唔見得充足。另外, 去年港鐵提供
學生半價優惠之後, 區內部分路線客量升幅唔少, 再加上九龍南線通車之後,
個別路線接駁需求繼續增加 (例如 K51, K76)。至於天水圍北人口增加, K73
都應該加密班次。

不過, 某些路線需要加班, 係咪代表 A73 真係抵死? 從路線類別出發, A 線根本
一早要取消, 或且呢個理由未必充分。但如果從客量角度出發, A73 整體客量
的確偏差, 而且 A73 部分乘客都有其他方法可以揀, 差在部分情況要轉多程車,
所以 A73 取消受影響的人比現時客量還要少。

或且有人質疑, 部分鐵巴路線如 K58、K68、K75P 部分時間客量都偏差, 部分班次
甚至比 A73 更不濟, 為何不可從這些路線調撥資源? 可是, 若果以朝早繁忙時間,
鐵巴出車最多既時間去計, A73 既客量的確較為遜色。當每條線最密都係 12 分鐘
以內都頂閘既時候, A73 最密果班都係 12 分鐘, 而最好客果兩班車之間係相隔
17 分鐘。或且有人會覺得 A73 應該再減班, 先至取消, 令到最需要加班既路線
可以有車加, 但其實呢個問題已經係拖左五年幾, 當年九鐵係決而不行, 所以先搞到
今時今日既地步。不過, 如果港鐵再次取消唔到 A73, 可能要行到呢步都唔定。

另外, 可能有人會覺得, 部分鐵巴資源重疊, 都可以進行重組; 甚或有人覺得
鐵巴唔夠車咪買車或且租車, 仲乜係要郁 A73; 再唔係港鐵唔想做落去, 轉做
小巴都得O架。不過進行重組就可能涉及其他地區; 買車或租車可能行到最後
一步先做; 轉做小巴學生冇半價就會嘈。

至於 K16 取消或大幅減班之後有一批車會調入大西北, 我覺得該批車可能暫時
係替翻油既巴士, 只有少量可以用作加班, 同輕鐵新車一樣要等一段時間先可以
計晒入車隊增長數目。

最後, 我諗港鐵決心取消 A73, 恐怕要畀多幾分誠意, 做多幾分功夫。

原帖由 fw1321 於 2009-8-1 22:55 發表
聽完兩區既錄音, 從區議員那種激烈反應去睇, 我諗港鐵未必夠膽於八月尾取消
A73, 有機會要等到 K16 取消或大幅減班之後調配資源入大西北再作決定。
情況就如當年九鐵進行輕鐵重組, 整個計劃幾乎上馬之際, 都要推倒 ...

但係，如果你一直留意港鐵對區議會議員開會一向的態度，一向都係唔理咁多，
叫佢澄清事項又唔黎開會，有事仲要叫佢兩次先搵個公關黎，
仲有，港鐵永遠都係搵公關出黎接靶，負責政策的全部匿埋，正如屯門區議員經常掛在口邊：
「你搵來搵去都係搵Ｄ對政策話唔到事的人開會，根本就係漠視民意。」
班公關，好多時講佢地又唔明，開親會都係拒絕呢樣拒絕那樣。

從佢對地區的態度，（事實上兩邊議員憤怒都係講來講去係針對佢地對地區諮詢的冷酷）
我又唔覺佢地會驚做乜野。而議員一向都話，九鐵時代真係誠心誠意向對地區。

既然議員都話立法會都批准左佢地咁樣做，呢堆資料都係掉俾區議會備悉，
既然唔係諮詢，即係非行不可吧！

現在諗，九巴取消70，都算對地區有點責任了。

原帖由 fw1321 於 2009-8-1 22:55 發表
聽完兩區既錄音, 從區議員那種激烈反應去睇, 我諗港鐵未必夠膽於八月尾取消
A73, 有機會要等到 K16 取消或大幅減班之後調配資源入大西北再作決定。
情況就如當年九鐵進行輕鐵重組, 整個計劃幾乎上馬之際, 都要推倒 ...

如果西鐵部派車真係咁緊張，而A73又好似其他版友所講有存在既需要，
解決方法係應該買新巴士，而唔係以 "A73相對其他線客量少d所以唔該cut左佢" 為理由局住取消。

老實講 , 跨個區轉 2 次車(輕/巴<>西<>輕/巴)的確好唔方便
而且輕鐵/鐵巴咁既優質服務 , 真係.....

朝早富泰唔少學生搭 A73 入天水圍
快靚正
(不過個人最鍾意搭以前既 K2P , 又平又快 , 夾岩時間到車站快過搭西鐵)
^ A73 反而覺得佢貴

-
506/K51 咁加班 , 遲早見車鏈
而家非繁都經常見 0-15/20 分鐘一班車
仲衰過輕鐵 614/614P,615/615P 既 0-13 分鐘一班

[ 本帖最後由 天空之神 於 2009-8-2 00:40 編輯 ]