"冇"冷氣, 嘈過車

話說尋日晏晝4點幾, 小弟同老婆搭2號(VA66; 空運豪, 真唔掂 )番屋企, o係中環上車, 坐樓上, 一路都相安無事, 直至架車去到灣仔入境處個站, 有個女人上車, o都o左八達通, 之後投訴架車冇冷氣, 要求過車.

跟住個車長上o黎樓上, 問我o地架車係咪冇冷氣, 駛唔駛過車, 我o地話冇問題喎. 跟住擾攘o左一輪, 個女人o係度嘈話要回水定點, 個車長就打番總台問.

之後o的人開始噓聲粗口四起, 雖然架車未至於雪房般凍, 但架車仍有"足夠"冷氣, 絕非如蒸籠般熱需要過車, 係咁鬧個女人冇理由要我o地幾廿人陪你等第二班車, 個車長仍然o係度講緊電話"求救", 仍然未有想繼續渣車o既意欲, 跟住o的乘客再鬧個女人, 話要冷氣唔該自己搭的士, 甚至有乘客叫佢call白車, 有大把氧氣畀佢.

擾攘約十分鐘, 個女人終於"捨得"行開, 而個車長終於"捨得"開車.

車程繼續, 乘客繼續鬧o個個女人, 粗口咒罵咩都齊, 有乘客甚至認為車長決擇能力有問題, 唔識分是非輕重, 有人更話佢擺明dum時間, 拖耐o的渣少轉車, 若果呢轉係個車長最後一轉車, 個車長仲唔同個女人死過咩?

小弟同老婆落車o個陣仲有人打去新巴投訴個車長o添.

其實今次事件, 個女人有錯, 個車長都有錯, 但個女人的確係有o的橫蠻, 小弟認為: 個車長大可以叫個女人mark低呢架車個編號, 打去新巴度問佢o地拎番$4.10, 然後搭另一架車, 又唔會阻礙呢班車o既乘客.

大家認為個車長做法如何呢? 若大家遇到呢o的咁o既情況, 會點做呢? 歡迎討論分享.

唔知點解個個都當車長好話得事
有客投訴架車冇冷氣, 梗係打番上台求救啦...
萬一個女人咋暈咪一身蟻?

個人覺得程序上冇錯, 而個車長e+都唔駛負咩責任
始終唔係個車長趕個女人走, 而係其他客趕佢走

同番樓主講聲唔好意思

[ 本帖最後由 6516 於 2009-8-3 13:25 編輯 ]

原帖由 6516 於 2009-8-3 10:23 發表
唔知點解個個都當車長好話得事6 x$ R' Q6 E) {  D  [  ~
有客投訴架車冇冷氣, 梗係打番上台求救啦...
萬一個女人咋暈咪一身蟻?hkitalk.net1 I( H) r# h' h6 s

個人覺得程序上冇錯, 而個車長e+都唔駛負咩責任(除非好多同樓主你同一理念o既人port佢)
始終唔係個車長趕個女人走, 而係其他客趕佢走

唔好意思, 小弟並無意欲去port個車長, 請小心睇清楚我所講o既o野先回應. 多謝合作.
若個車長係跟足程序做o野(打上總台), 又做得o岩, 總台一定有record, 就算我post個車隊編號出o黎佢都唔會有咩大件事.

[ 擾攘約十分鐘, 個女人終於"捨得"行開 ]

行開既意思係她落左車?

thx

個車長都有錯 ??? 錯mud lei ?

車長做得百分百正確，
班客打上去嘈，
都嘈唔到，
事關CS假日休息，
翌日請早！

以我所知新巴年代某線曾有阿婆於西灣河上車去英皇道方向，
入唔足錢，
死都唔肯補，
結果車長車去差館門口擺低停車熄冷氣報電台添！

不如等小弟講下我的經歷~

同一情況發生響86A身上當時由沙田去到石峽尾左右,有乖客話上層冇冷氣,當時正處上班時間(早上7點幾).

當時處理方法是先檢查是否屬實,真的話就給全車乘客兩個選擇,一係停響度等下班車,全車人上下班車,
一係全速前進,以最快速度去到總站,當時情況係一致決定快速到總站.

我認為當時唔會有人有異議,因為當時係返工時間,當時班次要18分,況且主流意見都係照行,
有異議的當然會被其他主流意見所咀咒吧~~

原帖由 alex93 於 2009-8-3 11:50 發表
[ 擾攘約十分鐘, 個女人終於"捨得"行開 ]

行開既意思係她落左車?

thx

一開始個女人已經落o左車, 不過個車長都落埋車傾電話.

原帖由 cacilhas 於 2009-8-3 12:29 發表
個車長都有錯 ??? 錯mud lei ?

個車長一路自己傾電話, 個女人就o係巴士站唔肯走潑婦罵街.

一開始個車長只係問我o地有冇冷氣駛唔駛過車, 但之後一路都冇同我o地講發生咩事, 個車長只係為o左保障自己, 跟足程序做o野, 一路只係打電話番總台, 若唔係其他"講粗口"乘客趕走呢個女人, 個車長一路都唔肯開車.

件事發生到最後, 個車長都冇話畀其他乘客知發生咩事, 若唔係一開始樓下有乘客嘈話有個咁o既女人, 根本冇人知有呢件事. 車長有責任提供適當資訊畀乘客, 預先知會乘客有個女人o係度嘈嘈閉, 衰o的講句若個女人係有精神病, 突然間拎把刀出o黎斬人, 又或者自己跳o左上車渣走架車, touchwood講大家有咩事都唔知點算.

據聞只要有一個人覺得冇冷氣
全車人就算其他人覺得OK都要等果個人過左車先可以繼續行程

記得某巴士被撞爆倒後鏡後...
某休班車長同兆事車長話: 大事少事都要打返公司
唔係公司ko你^^