小巴整落車鐘算唔算係"畫蛇添足"?

如果是生客，唔知道邊度落。按鐘是否無用？
我第一次坐綠小有落車鐘是九龍72，自己唔熟呢條路線，結果都是去到想落車地方叫有落。呢D CASE是否按鐘都無用？

又唔係有落車鐘就唔俾叫"有落"…
既然落車鐘同埋"有落"係可以同時存在，
乘客想按鐘就按鐘，想叫有落就有落，
兩者之間可以互補不足，有何問題呢？

原帖由 kwyeung 於 2009-8-6 01:26 發表


咁睇邊條線姐...

好似港島8, 56呢堆線, 咁多外傭或洋人搭,
"stop please"又唔知佢想停係邊,
講"thirty-six"同"fifty-six" 司機又聽唔清,
整個鐘真係方便好多。 ...

記得56號線最初有5DLL加入時見過有乘客按鐘，司機聽到鐘聲之後呆了
一呆，然後對著那位乘客說「嗌吖嘛」……
不過現在這條線應該已經多了用電鐘。

反觀同公司的69系線開線時候已經用電鐘示意下車，你跟司機說在哪裡下
車反而他會覺得愕然……

原帖由 Crotone 於 2009-8-6 19:54 發表
如果是生客，唔知道邊度落。按鐘是否無用？
我第一次坐綠小有落車鐘是九龍72，自己唔熟呢條路線，結果都是去到想落車地方叫有落。呢D CASE是否按鐘都無用？ ...

九龍72/73號線基本上都是用落車鐘示意下車的，我坐過幾次也沒聽過有
乘客出聲叫下車。
記得第一次坐時我也跟你一樣，不知哪裡下車，結果認出差不多到時就問
司機我應在哪裡下車，他也友善地說到站時叫我下車。

[ 本帖最後由 ML29 於 2009-8-6 22:56 編輯 ]

原帖由 danzighill 於 2009-8-6 14:53 發表



你唔係ar ma...上斜二波嘈轉一波唔嘈？你有冇親身楂過小巴ga？波數越低轉數越高扭力越大會反而細聲D？ 反而轉3波令轉數減低扭力減細但架車會冇力上但引擎會細聲左就o岩 ...

係咪我無楂過小巴, 無資格同你理論 ?  小巴有幾大架 ? 16 個位, 求祈坐個都聽到,

"落車請早揚聲, 司機揮手作實", 聽唔清楚咪問下乘客囉,

BTW, 如果你仲要問我有無坐過司機位, 我答你, 我坐過真係好嘈o既火爐仔,

如果你仲要問我有無楂過小巴, 我答你, 我楂去豐田 check 車的時間隨時多過你楂小巴的時間.

原帖由 danzighill 於 2009-8-6 11:52 發表



你應該冇過坐司機位，你都唔知副小巴偈係司機位隔籬幾咁嘈，尤其用低波上斜高轉時，除非你大嗌否則根本聽唔到你話有落(可惜HK地總有堆人嗌落車陰聲細氣)
另一好處係免卻不少麻煩，好似我有時替69，如果你嗌個地點名出黎好老 ...

朝早咬住件麵包搭車
嗌乜都冇人知...
搭車上斜時坐車尾
更加就只可以嗌到痴線咁大聲
(禁日先見有兩公婆因此MISS左個站同車長嘈...)

若果有心做好站位
(有站牌,站名,合宜距離)
紅小亦可安鐘

兩間大公司已經係並無不可既最佳示範

原帖由 brian 於 2009-8-6 20:10 發表
又唔係有落車鐘就唔俾叫"有落"…
既然落車鐘同埋"有落"係可以同時存在，
乘客想按鐘就按鐘，想叫有落就有落，
兩者之間可以互補不足，有何問題呢？ ...

舉個例,  mouse 同 keyboard 先至係互補不足....

缺一不可, mouse 唔可以代替 keyboard , 反之亦然.

落車鐘同嗌落車, 就絕對唔係 mouse 同 keyboard 的角式,

落車鐘啞左, 小巴完全可以正常運作, 司機啞或聾, 有落車鐘都無用.

對我來說, 身為一個小巴司機, 應盡可能停係最方便乘客想下車的位置,

( 而唔係小巴站 )...... 小巴站最初的設計目的其實係俾乘客有秩序咁排隊上車,

( 類似的士站的設計 ).....  

係好多小巴線黎講, 特別係禁區少, 人流分散的地區, 無人會按落車鐘, 你按左司機亦唔知你想點,

有D 網友話某某線, 九成用落車鐘, 原因好簡單, 個D 線禁區多, 站與站之間唔俾你落....

BTW, 唔係政府整出黎就一定o岩, 以前理工發明的土砲微粒過濾器, 油站的微粒收集器都係

法國餐多舊魚, 未來的限速器, 政府巳經話同車速器互補不足, 對我來說, 限速器係多舊魚,

超速問題始終未解決..........

原帖由 jx6215 於 2009-8-6 23:07 發表

朝早咬住件麵包搭車
嗌乜都冇人知...
搭車上斜時坐車尾
更加就只可以嗌到痴線咁大聲
(禁日先見有兩公婆因此MISS左個站同車長嘈...)

若果有心做好站位
(有站牌,站名,合宜距離)
紅小亦可安鐘

兩間大公司已經係並無 ...

你會唔會係巴士, 地鐵, 或的士車廂內食野 ?  

如果你要係小巴車廂內食野, 仲要咬住舊包嗌落車,

個問題好顯然係你自己身上.

原帖由 minibushk 於 2009-8-6 22:57 發表


係咪我無楂過小巴, 無資格同你理論 ?  小巴有幾大架 ? 16 個位, 求祈坐個都聽到,

"落車請早揚聲, 司機揮手作實", 聽唔清楚咪問下乘客囉,

BTW, 如果你仲要問我有無坐過司機位, 我答你, 我坐過真係好嘈o既火爐仔 ...

楂去check 車同楂一架滿16人上斜既公共小巴完全唔可以並論，2個不同環境。
聽唔清楚咪問下乘客，o岩，但我可以話你知當我上緊石排灣斜時試過連坐最後個小姐嗌落車真係聽唔到佢出聲，都係多得中間位既人幫佢大嗌我先聽到，唔好話我耳仔有乜問題，我o岩o岩 body check完視力聽力良好，而且個次咁o岩有位師兄係坐第1排雙人位，佢都同我講返佢都聽唔到個小姐嗌落車，係佢真係嗌得太細聲定副偈真係經過左50萬咪洗禮後而咆吼呢，2樣都可能，但如果當時佢肯按一下鐘，情況係咪會好得多？
而以前我都遇過一位啞既女仕，佢永遠坐第一排雙人位，落車前會拍你膊頭示意，可惜之後換左有行李架的 5DLL ，因為有個行李架隔住佢再拍唔到司機既膊頭，好彩有落車鐘，否則佢真係唔洗落了。

坐左九龍70咁多年,個個乘客司機都心領神會,
有站就按鐘,冇站就叫.
即係果d乜越秀廣場/食為先果d咪按鐘lor
求其一個燈位落車咪叫lor

不過有站照叫落車都好多人做.都冇乜爭執
司機只會有發夢飛錯站,都冇見過停錯.會錯意飛站

擔心得來係多餘.

原帖由 danzighill 於 2009-8-7 01:12 發表


楂去check 車同楂一架滿16人上斜既公共小巴完全唔可以並論，2個不同環境。
聽唔清楚咪問下乘客，o岩，但我可以話你知當我上緊石排灣斜時試過連坐最後個小姐嗌落車真係聽唔到佢出聲，都係多得中間位既人幫佢大嗌我先聽到，唔 ...

如果有人同你講 " 我食鹽多過你食米 ",

我諗你會話 " 食鹽同食米唔可以並論, 2個不同環境. "  ?

btw, 你話乜就乜啦, 最後想用一句蘇格拉底名言同你分享,

"I know nothing except the fact of my ignorance."