小巴整落車鐘算唔算係"畫蛇添足"?

我坐過AMS 481同403系
可能因為站少，而且站牌指示都幾清淅
所以乘客都好似當搭巴士咁，落車前會打鐘
又好似捷輝2系同6系，途經地方多數都係禁區
所以小巴都要跟足站牌位停車，就算你要去指定地方落
司機都未必可以俾你落到
但再之前跟過AMS 52, 沿路有些站如果有站牌
AMS規定一定要跟站牌停，所以按落車鐘係必要
但如果係o係淺水灣道幾多號要落車ge，咁就一定要揚聲啦
又好似通宵小巴咁，基乎所有位都可以停ge
當然係揚聲最好啦。
所以我話，跟本沒有一套公式話按鐘好還是揚聲好....
視乎實際需要而定囉

原帖由 chickenbus 於 2009-8-5 22:25 發表
綠頂係沿途都設有分站，依法黎講，乘客係必須要於分站上落客。
固然上落客地點固定左，點解噤鐘落車會有問題？
將軍澳區其中一條車海綠頂線，全線都設有落車鐘，
除左唔識路既生客之外，基本上個個客都會噤鐘落車，
想問下樓主，問題在 ...

你講既車海綠頂線係105？

我差唔多每日都搭佢由康盛去柏立基。有時我諗落車鐘會唔會被部分司機既聽覺ignore左呢？因為佢地聽慣左「有落」。我有不下三次在柏立基快線落車既經驗，次次都係一早已經接定鐘，但去到站時司機突然抽開線/keep住開線。第一次，我一聲「有落」殺到，第一次在快線剎定在將個頭打斜插入慢線，欄住兩條lane畀我落車，我多人望住，我落車後後面堆車已經唔郁，原來kiss左三部...   第二三次就在快線剎定，慢慢抽返慢線畀我落。   我落完之後諗下，如果嗌有落，司機舉手作實，個客就肯定知道司機收倒訊息。但按鐘呢？十個有九個都唔會舉手，我唯有龍精火眼昅實佢有冇減速意慾。   落車鐘其實係好事，但公司應該有指引畀司機，有人按鐘時都要舉手。

原帖由 Crotone 於 2009-8-6 19:54 發表
如果是生客，唔知道邊度落。按鐘是否無用？
我第一次坐綠小有落車鐘是九龍72，自己唔熟呢條路線，結果都是去到想落車地方叫有落。呢D CASE是否按鐘都無用？ ...

我反而試過咁, 搭新界811去火炭, 個司機見我想嗌落車, 結果係佢問我係咪喺果個站落車, 呢條線似乎係禁鐘落車既, 但我就真係未試過喇
另一條係港島66, 見過有個生客禁左鐘, 之後就俾個司機話, 呢條線係嗌落車多既又... 至少要喺筲箕灣街市落就一定要嗌, 因為根本冇站牌

原帖由 KR7295 於 2009-8-7 05:49 發表

我反而試過咁, 搭新界811去火炭, 個司機見我想嗌落車, 結果係佢問我係咪喺果個站落車, 呢條線似乎係禁鐘落車既, 但我就真係未試過喇

係禁鐘落車既
但不是很多人用...

原帖由 minibushk 於 2009-8-7 02:01 發表


如果有人同你講 " 我食鹽多過你食米 ",

我諗你會話 " 食鹽同食米唔可以並論, 2個不同環境. "  ?

btw, 你話乜就乜啦, 最後想用一句蘇格拉底名言同你分享,

"I know nothing except the fact of my ignorance." ...

你仲未講得出如果有個啞人上車冇落車鐘而佢又坐唔到第一排雙人位可以點落車wor
如果你仍認為落車鐘係多餘，失敗
咁D乜鬼高背椅呀係咪又多餘？失敗？ 矮背椅用左咁多年相安冇事轉乜鬼高背椅？ 仲阻住司機睇尾排雙人位視線
商場裝乜鬼傷殘人仕設施，可能一人都冇一個人用，又係多餘，失敗？
有人喜歡飲百事，有人喜歡飲啤酒，有人喜歡嗌落車有人喜歡按鐘仔。
btw 最後想用一句唐寅名言同你分享
"別人笑我太瘋顛，我笑他人看不穿"

[ 本帖最後由 danzighill 於 2009-8-7 10:13 編輯 ]

小弟通常會視乎乘客既取態而決定按鐘定係揚聲

原帖由 ML29 於 2009-8-6 22:53 發表

九龍72/73號線基本上都是用落車鐘示意下車的，我坐過幾次也沒聽過有
乘客出聲叫下車。
記得第一次坐時我也跟你一樣，不知哪裡下車，結果認出差不多到時就問
司機我應在哪裡下車，他也友善地說到站時叫我下車。

我間中就會坐72,73
但通常只有浸大落車既人先會按鐘
其他地方既客, 大多係出聲叫落車

原帖由 4056 於 2009-8-7 04:44 發表
你講既車海綠頂線係105？

定係講緊綠小102(B)?

我見過有人同人講緊電話,跟住咪禁鐘囉

但係樓主開埋呢D post,下次會唔會開個"小巴整速度標算唔算係"畫蛇添足"? "