[新聞轉貼]紅磡轉車尖東要等12分鐘

星島日報

港鐵九龍南綫下周日通車，從此東、西鐵綫將以紅磡為終點站，東西互通。因應新綫開通，尖東站將改撥西鐵綫網絡，日後東鐵綫乘客動輒要在紅磡站等待達十二分鐘轉車前往尖東站，較車程多兩倍時間。尖東站列車服務此後更會遲開早收，頭班往紅磡列車將延遲半小時，尾班由紅磡到尖東站反之早收一小時，港鐵預料每日約有二百人受影響。有區議員炮轟港鐵，新綫開通，原有列車服務質素卻下降。
　　記者：陳意婷
　　隨着港鐵九龍南綫本月十六日通車，新柯士甸站投入服務後，紅磡將變成東、西鐵綫的共同新總站。
　　尖東站列車遲開早收
　　現行可乘搭東鐵直達的尖東站，此後就會撥入西鐵綫網絡，東鐵乘客抵達紅磡站後，必須下車，步行至對面月台，轉乘西鐵繼續前往尖東站，預計每日約有一萬名乘客受影響。新安排下，東鐵列車將在紅磡站一、四號月台停泊；西鐵列車則會在二、三號月台停泊。
　　港鐵公司車務主管蔡德贊表示，新綫開通後，繁忙時段的西鐵綫列車服務將由現時三分三十秒一班，增加至每三分鐘一班，至於東鐵綫則會維持兩分四十五分一班不變，「東、西鐵只差十五秒，（東鐵）乘客去到紅磡，行過隔離月台，最多等一、兩分鐘就有西鐵列車往尖東站。」
　　不過，在非繁忙時間，西鐵列車就要六分半至最多十二分鐘一班；乘客一旦「送車尾」，原本紅磡至尖東僅四分鐘的車程，日後有機會多花兩倍時間才可到達。
　　蔡德贊指，由於尖東站列車服務日後將跟隨西鐵綫，紅磡至尖東站尾班車會較現時提早一小時兩分鐘，於凌晨十二時八分開出。
　　他建議，每日約百多名受影響的乘客，可在紅磡乘搭東鐵綫至九龍塘站，再轉乘觀塘綫至尖沙嘴
站；而受制於觀塘綫服務時間，當中約二十名乘客即使肯「兜大圈」，都無法乘搭鐵路往尖沙嘴，必須改乘其他交通工具。
　　區議員轟服務倒退
　　而尖東往紅磡站的首班列車亦要延遲三十六分鐘，至早上六時四分才開出，港鐵估計，每日早上約有一百名乘客受影響。雖然日後尖東至紅磡站列車服務時間，將延長二十六分鐘至十二時四十九分，唯紅磡站往上水方向尾車則維持在凌晨十二時二十五分開出不變，乘客即使有車去到紅磡站，亦無接駁列車續往上水方向。
　　油尖旺區區議員許德亮直斥港鐵，「要乘客在紅磡兜大圈先去到下一個站，簡直戇居！......開新綫，原有服務卻倒退。」他批評港鐵當初爭取開新綫時積極諮詢區會，「甚麼挖掘工程都有一一交代，如今服務質素下降卻不講！」







終於有區議員出聲啦,不過係咪遲左Ｄ呢?

[ 本帖最後由 hkstudent 於 2009-8-12 18:35 編輯 ]

我最不滿意是紅磡至尖東站一段在深夜及清晨大幅度削減服務時間

在紅磡以往最遲可以00:46上尖東的車, 到尖東站剛好駁到荃灣線

兩個方向的尾車, 如今要人去九龍塘轉車, 但時間上又配合不到

倒不如在西鐵往屯門尾車開出後, 特設紅磡至尖東短途服務, 即列車

由屯門到達紅磡站後不用清客, 然後繼續返回尖東站, 列車在尖東站

才清客然後返廠, 這樣可以在不增加成本下, 繼續提供原有的服務,

至於0528至0604一段時間, 亦建議開設同樣的短途線, 繼續提供服務

而西鐵應放置一至兩列外放車停在尖東或紅磡, 以方便提供以上的服務

[ 本帖最後由 前KMB員工家屬 於 2009-8-7 15:02 編輯 ]

其實港鐵應該要諗下辦法
點樣可以令到頭尾班車唔會縮短
(即使縮都唔係縮成粒鐘啦大佬)
唔好計嗰度有幾多人,即使得一個
都係港鐵乘客
港鐵有責任喺新安排下佢哋唔受影響
(或者減到最低)
而唔係叫佢哋兜個大圈,甚至話你搭其他交通工具啦
咁樣似乎係不負責任嘅行為

原帖由 JX9097 於 2009-8-7 15:57 發表
其實港鐵應該要諗下辦法
點樣可以令到頭尾班車唔會縮短
(即使縮都唔係縮成粒鐘啦大佬)
唔好計嗰度有幾多人,即使得一個
都係港鐵乘客
港鐵有責任喺新安排下佢哋唔受影響
(或者減到最低)
而唔係叫佢哋兜個大圈,甚至話 ...

要解決呢個問題根本好簡單,
用返地鐵短途列車運作模式一定可以架,
安排屯門往紅磡列車, 在紅磡站繼續載客,
去到荃灣西站清客收車回八鄉車廠~
就好似調景嶺往彩虹列車, 彩虹站收車回廠,
調景嶺往觀塘尾車, 觀塘站收車回廠,
不過既然西鐵繼續用返九鐵的尾車模式,
(即不會利用即將回廠的列車作短途列車載客)
往尖東尾車大幅提早亦都係意料之內

當初港鐵方案, 東鐵cut回紅磡咁大濟, 全個新界東無區議會嘈過
今日都米已成飯...

以西鐵閒時6-12分鐘班次，使用一邊尖東月台已經足夠，另一邊應該留返畀東鐵綫落馬洲／上水列車。

港鐵現在只公佈尖東往紅磡頭班車遲了，紅磡往尖東尾班車早收，
那麼日後尾班車尖東往紅磡轉乘東鐵綫往上水/羅湖/落馬州和
頭班車紅磡往尖東有無影響?

原帖由 barking 於 2009-8-7 17:05 發表
當初港鐵方案, 東鐵cut回紅磡咁大濟, 全個新界東無區議會嘈過
今日都米已成飯...

以西鐵閒時6-12分鐘班次，使用一邊尖東月台已經足夠，另一邊應該留返畀東鐵綫落馬洲／上水列車。 ...

嘈有咩用, 嘈都只係一場show
一起尖東話已經講明左係西鐵既總站, 係唔會有得變既事實
其實成日講話東鐵線縮短左, 有無人諗過其實係延長左, 一轉車可以去到成個新界(雖然真係小d人用)?

原帖由 hz6751 於 2009-8-7 17:10 發表
港鐵現在只公佈尖東往紅磡頭班車遲了，紅磡往尖東尾班車早收，
那麼日後尾班車尖東往紅磡轉乘東鐵綫往上水/羅湖/落馬州和
頭班車紅磡往尖東有無影響? ...

紅磡往尖東冇影響
因為頭班車紅磡往尖東咁岩都係0553..
尾班車尖東往紅磡係比而家仲要遲左既...
當然東鐵綫紅磡往上水/羅湖/落馬州 依舊

原帖由 kc_loo 於 2009-8-7 17:29 發表
其實成日講話東鐵線縮短左, 有無人諗過其實係延長左, 一轉車可以去到成個新界(雖然真係小d人用)? ...

講真,有幾多人會搭東鐵線轉西鐵線入新界?

起點:北區
終點:天水圍/元朗/屯門
路線:76K,77K,276,276A,276B,276P,261,綠小44系

起點:大埔
終點:元朗
路線:紅小,64K

起點:沙田
終點:元朗/天水圍/屯門
路線:269D,263

講到尾都只係得大埔去天水圍/屯門係冇直接車
(唔計一日得一兩班嘅265S啦)
但係呢段路搭73X轉269D/263...已經解決咗
車程亦唔見得比兜圈慢

喺呢個大前提下,好難當"一轉車可以去到成個新界" wo

原帖由 kc_loo 於 2009-8-7 17:29 發表


嘈有咩用, 嘈都只係一場show
一起尖東話已經講明左係西鐵既總站, 係唔會有得變既事實
其實成日講話東鐵線縮短左, 有無人諗過其實係延長左, 一轉車可以去到成個新界(雖然真係小d人用)? ...

最大鑊又係西鐵車站位置問題,
淨係計目的地係西鐵車站附近, 東鐵轉西鐵的確方便,
但某幾個最多人去的地方, 尤其係元朗市中心,
一早有巴士去果邊, 車程35分鐘左右, 塞車機會細,
東鐵轉西鐵轉輕鐵的優勢已經好低,
去屯門市中心鐵路優勢就多返D ge,
不過都要睇乘客心態, 鐵路就停站多, 一程巴士就停站少,
只有沙田火車站一個站(總站), 全程有位坐,
想平就49x轉往屯門M線(去到遠離西鐵站的屋苑, 特別係58M/59M)
巴士轉車$11左右
鐵路就$15.1

所以我係其他FORUM都唔無乜新界東/新界北居民
會提自己搭車去新界西北方便左好多,
最多只會有住係屯門的學生(特別係中大)話搭車平左,
唔趕時間的話可以多一個選擇
(要快就搭綠小44/44A再轉東鐵, 總車程大約40分鐘)

至於荃灣果邊, 荃灣西站又係因為唔近市中心,
所以49X 沙田15-20分鐘去到荃灣市中心的優勢都幾難減退~

至於九龍西, 最多新界東/新界北居民去的地方應該是深水土步至長沙灣
(返工/行街)
又係唔關九龍南線事, 東鐵轉地鐵已經ok~