[列舉] 綠公仔亮起時, 仍有"失魂車"轉入的交界路口

無記錯地面個箭咀方向隱約係有轉左既(之前好似有工程)
又或者d司機貪方便，唔識路都有可能

唔係路口得唔得？

鑽石山鳳德道，鳳德邨和龍蟠苑之間的一組只用作過路的紅綠燈，
周不時都會有司機留意唔到，或扮睇唔到，行車紅燈後十幾秒都照過，
我阿媽都有次差點中招，幾乎畀部五噸半碌過隻腳。

主要原因係，以司機的角度看，該處不是主要路口，只在其中一邊有私家路口，
而前方幾百米就有另一組燈，控制交通繁忙的路口（東西行都係），
不排除有司機只睇到遠方的燈而睇唔到眼前呢盞。

不知這個例子算不算……

糖水道與渣華道交界，東區走廊落橋位過燈位後只可轉左，不能直行，
因此該組交通燈亮起綠燈時，十字路口另一邊橫過糖水道的行人過路燈
同樣會轉綠燈。
不過間中就會有一些失魂司機以為落橋後可以直行糖水道出英皇道，結
果正在過路的行人惟有自己「執生」避開那些失魂車。

荔枝角道(旺角方向)與黃竹街交界.久唔久有司機以為可以係荔枝角道左轉入黃竹街

小時候住長青村，有一次巴士總站外面那盞紅綠燈，

在轉為紅燈5秒後仍有一部的士衝來 ，幸好當時過路人數不多無人受傷～

大河道近灣景廣場往沙咀道方向，本身只准前行，
但間唔中都有車左轉海盛路，過緊馬路既人就要執生

中環雪廠街同德輔道中路口....
半年內見過兩次有車係平日由雪廠街右轉入德輔道中金鐘方向，
其中一次有架的士比交通警捉正，佢仲想倒後駛返入雪廠街....

另外 ML29 兄提的糖水道燈位絕對係經典...
除左東廊落黎的車，亦有春秧街出黎的車 U-turn 入糖水道南行.....

大窩口道近葵憩苑
大把司機成日轉右入去..去到燈位就知道出事..

域多利道 / 加多近街交界，雖然加多近街棟哂直行路牌
，但係依然成日見到有車係0個度左轉入域多利道。

[ 本帖最後由 nwfb1601 於 2009-8-14 19:35 編輯 ]