A73唔取消, 咁506咪唔可以拉長?

原帖由 cy211 於 2009-8-15 13:00 發表
尋日4點幾搭A73所見, 天富至上元公, 係全車所有人唔夠10個.
但反而屯門區內有唔少客上, 去到左轉三堅前附近居然全車坐位近乎坐滿

506拉長, 應該都唔洗點要車; 反而司機何處來先係個問題。
車, 只要維修部隻 ...

我昨天5:10在三聖上了502的A73 八成坐滿，中途各位都有客上落。
富泰上落比較多。

不過A73朝早去屯門及下午返天水圍真是都幾滿下。

原帖由 hkcnbus 於 2009-8-15 15:15 發表


我昨天5:10在三聖上了502的A73 八成坐滿，中途各位都有客上落。
富泰上落比較多。

不過A73朝早去屯門及下午返天水圍真是都幾滿下。

富泰多客落係正常.
見識過碼頭開出呢至富泰前係坐滿, 之後富泰走左約半車人...
講開, 平日下段屯碼放監(放學)段時間都見到唔少學生搭a73...。

*個師兄最後有冇熜冷氣上斜?

原帖由 cy211 於 2009-8-15 15:22 發表

富泰多客落係正常.
見識過碼頭開出呢至富泰前係坐滿, 之後富泰走左約半車人...
講開, 平日下段屯碼放監(放學)段時間都見到唔少學生搭a73...。

*個師兄最後有冇熜冷氣上斜? ...

平日在富泰放半車人，又上返半車人呢
不過我昨天在元公很有爬山feel，不及以前3xx飛車

原帖由 hkcnbus 於 2009-8-15 15:26 發表


平日在富泰放半車人，又上返半車人呢
不過我昨天在元公很有爬山feel，不及以前3xx飛車

咁又係牙，落完咁多上返都係差不多
哈, 搭佢返屯碼爬往藍地/深洲灣果條斜仲有feel呀
3XX飛車? 一時時啦, 睇架車表現同司機識唔識舞佢地/肯唔肯去...
反而4XX真係冇印象搭過一次係慢ge

*佢到底有冇熜冷機上斜即? 好想知佢有冇用到呢招/架野用呢招會唔會快D

原帖由 cy211 於 2009-8-15 15:31 發表

咁又係牙，落完咁多上返都係差不多
哈, 搭佢返屯碼爬往藍地/深洲灣果條斜仲有feel呀
3XX飛車? 一時時啦, 睇架車表現同司機識唔識舞佢地/肯唔肯去...
反而4XX真係冇印象搭過一次係慢ge

*佢到底有 ...

其實A73走元朗公路用各種車都有各種feel
3XX 似飛車
4xx  有時申中間條野出現怪聲
5xx  爬山車
9xx  搭船

總之上下課一用單層必爆，以前3xx企位勁辛苦 不過尾位有的士feel

宜家唯有等東鐵部既車調過黎先算, 不過我諗過左開學果段時間西鐵部既車
又差唔多時候開始翻油, 到時又有一段時間要留起幾部車, 要加車都唔知
輪唔輪到 506。真係要 506 延長, 或且可以將 A73 減班減畀 506 都得, 不過
到時又可能令到其他線部分車要轉單層 (例如 K58、K75P), 所以若果 506 延長
唔係有太多優點, 就唔值得咁樣調撥資源。

A73 呢件事再糾纏落去, 對於港鐵黎講係兩頭唔到岸, 一方面 A73 本身真係
唔多客, 繁忙時間拎黎同其他線比較就一清二楚, 但另一方面 A73 取消唔成
就調配唔到果幾部車落數條大線, 而呢個問題本身都已經拖左好幾年。站在
區議員既站場, 若果港鐵唔拎個合心水既替代方案, 只係一味重提取消 A73,
佢地就只會一直企硬, 直到 A73 有朝一日真係冇客 (少客係唔得, 好少客都叫做
有「需求」, 係要冇客先得) 先算。若果港鐵真係諗住區內聲音贊成取消 A73
先行動, 倒不如檢討 A73 輔助角色。

幾年前 K2P 未取消果陣, 板上已經有人提過九鐵應該檢討 K2P 同 A73 走線。
因為 K2P 本身收得比較平, 751 又唔經天瑞、天耀果邊, 加上 K2P 本身去
市中心比較快, 所以果時有部分人認為應該留低 K2P。不過因為 K2P 照顧
唔到天水圍北、美湖、富泰同碼頭, 所以當時有部分板友建議 K2P 可以同 A73
整合。結果九鐵就取消 K2P, A73 就留到今日。不過果時九鐵本身都一心諗住
取消 A73, 從來冇諗過件事會拖到咁多年。

你知唔知A73同K2P是有好多唔同地方

首先K2P太少站，去唔到天北已經是其中一個問題先，另外一上元公就飛往屯門市中心。
然而A73就唔同，由天北開出經天慈、富泰、屯市中心、置樂、屯南，可以吸收不少客。
你話A73繁時唔多客，但4:00-5:00返天水圍班班單層巴都打爆棚，以前坐3xx企位勁辛苦

當年K2P取消是在區議會上太部分議員都贊成取消。

其實最好的方法就是將A73的路線交比其他巴士公司去交，那樣港鐵可以增加車輛放其他線，而且可以有競爭。

[ 本帖最後由 hkcnbus 於 2009-8-15 18:25 編輯 ]

原帖由 fw1321 於 2009-8-15 18:02 發表
宜家唯有等東鐵部既車調過黎先算, 不過我諗過左開學果段時間西鐵部既車
又差唔多時候開始翻油, 到時又有一段時間要留起幾部車, 要加車都唔知
輪唔輪到 506。真係要 506 延長, 或且可以將 A73 減班減畀 506 都得, 不 ...

如果A73取消成功的話本人深信到時K68將平日均全線單層, K75P, K74加派單層,
K58僅上段保留雙層/大幅減少雙層派車, 以換取額外雙層車資源去加班.

係有心ge師兄, 唔好掛住影A73啦, 影下K74, K75P, K68雙層派車仲好. (特別係K68, 總係覺得架雙層好易換埋做E200)

原帖由 hkcnbus 於 2009-8-15 18:15 發表
你知唔知A73同K2P是有好多唔同地方

首先K2P太少站，去唔到天北已經是其中一個問題先，另外一上元公就飛往屯門市中心。
然而A73就唔同，由天北開出經天慈、富泰、屯市中心、置樂、屯南，可以吸收不少客。
你話A73繁時唔多客，但4:00-5:00返天水圍班班單層巴都打爆棚，以前坐3xx企位勁辛苦

當年K2P取消是在區議會上太部分議員都贊成取消。
其實最好的方法就是將A73的路線交比其他巴士公司去交，那樣港鐵可以增加車輛放其他線，而且可以有競爭。

究竟你有冇睇清楚先回文? 我提完 K2P 既優點, 咪提 K2P 既缺點O羅,
所以我提過「整合」呢兩隻字, 你好似當我完全冇提過咁。況且果段係
因為我提出檢討 A73 輔助角色果陣, 勾起番幾年前某些板友討論既回憶
先提下。

A73 客量都提過好多次啦, 真係咁多客, 就唔會派部單層落去, 一小時最多
開 4 班車啦。當年 K2P 派三菱夠有部分班次要企啦, 不過一班車有幾多客?
如果唔取消, 就一係就睇下有冇辦法做好條線, 不過就唔好只係拉長去天恆果邊,
搞到條線仲長左。

搵其他公司接手冇話唔得既, 運輸署肯就得啦, 不過到時 12-25 歲學生同冇半價o羅。