從「民建聯－－一個有潛質的政黨」說起......

我不是幫民建聯賣廣告，但是事實上，
今日roadshow有播民建聯廣告，內容
意是由黨員（其中一位是前民航處
處長）介紹自己，或說出自己的抱負，
並以加入民建聯為榮。末段便是呼籲
大家加入民建聯－－一個有潛質的政黨。

政黨在各大傳媒賣廣告，在各民主國家
是平常不過的事；就算是香港，這個廣告
亦不是香港第一個政黨廣告。以往選舉
期間都有政黨於報章及橫額賣廣告，
不過政黨以「有聲有畫」的媒體賣廣告，
則比較少見。自由黨年前亦試過在
roadshow播廣告，但未有如今次民建聯
般「明車馬」鼓勵市民入黨。

講起香港政黨，不經不覺已有十多年發展，
主要三大政黨－－民主黨、民建聯及自由黨
的主席已經是第二任，甚至是第三任。但是
礙於制度所限，他們都未能可以在政治上
大展拳腳。而且他們仍然面對不少難題：

民主黨由於其政治立場，而被內地政府冷待
，甚至封殺，上位機會只可以去到立法會。
再加上直選議席有限，現時民主黨的立法會
議員已在任十多年。其第二、第三階梯黨員，
有些已經早已退黨，仍舊留在民主黨的，
對能否在政途上更上一層樓不寄厚望。近年來，
四十五條關注組嶄露頭角，以及民主黨的醜聞，
令他們的前景不被看好。

相對於民主黨，民建聯的「根正苗紅」，不單
令他們的政途擴展至人大政協、行政會議等。
而且亦得到各大商家鼎力支持，在財政充裕
的情況下，在地區工作上做得理想。甚至
有本錢與工聯會分道揚鑣，成為跨層政黨。
當然，他們親權的政治立場仍然未足以令超過一半
的市民支持，有些人甚至稱呼他們是「民賊聯／
民賤聯」等。

自由黨方面，由於成員是商家出身，其工商
立場未能被廣大市民接受。加上在地區工作
起步較遲，在直選表現未能如以上兩黨出色。
田北俊及周梁淑儀今次直選成功，某程度上
是得力於兩年前的「反廿三條」。但是這一次
的舉動，又令中央懷疑自由黨的「忠貞」。
近月來還傳出「倒田」傳聞......
有時真的替自由黨不值。講真，他們從政
經驗比兩黨為多，只是因為親商立場，令市民
特別是長毛所仇恨。現在中央又嫌他們「政治
不正確」，幾乎把他們打入「異類」。

也許，民建聯是一個有潛質的政黨；
起碼得到中央以及一定數量市民支持吧。

[ref=377111]TL[/ref]  在 2005-9-24 11:26 PM 發表:

題外話:
早前報章報道過民建聯會於制作一個節目於 Roadshow 播出,
介紹兩個新入黨黨員有幾巴閉!

其中一個係咪黃仕心呢

[ref=377281]TL[/ref]  在 2005-9-25 01:07 AM 發表:


唔記得喇.
但係我記得係一男一女的.
黃士心好似係男人黎. #???

佢地係直接入民建聯定係由港進聯過檔的呢

[ref=377281]TL[/ref]  在 2005-9-25 01:07 發表:

唔記得喇.
但係我記得係一男一女的.
黃士心好似係男人黎. #???

的而且確係佢o黎, 仲要係香港某間大
規模旅行社o既阿頭.

我睇左幾次都係個後生女李慧x(真係唔記得)

不過個廣告真係唔多掂(希望我唔係先入為主)——佢猛講佢做會計點點點，
跟住臨尾就話入民建聯有前景，但我諗極都諗唔明佢做會計有乜好同民建
聯有乜關係，唔通民建聯係為會計界而設既政黨？

[ref=377354]HY671[/ref]  在 2005-9-25 01:57 發表:
我睇左幾次都係個後生女李慧x(真係唔記得)

我記得民建聯有一人名叫李慧琼，參選立法會落敗了。

[ref=377450]ccicoltd[/ref]  在 2005-9-25 08:53 AM 發表:


我記得民建聯有一人名叫李慧琼，參選立法會落敗了。

佢係2004年參加立法會選舉九龍西直選

[ref=377354]HY671[/ref]  在 2005-9-25 01:57 AM 發表:

我睇左幾次都係個後生女李慧x(真係唔記得)

不過個廣告真係唔多掂(希望我唔係先入為主)——佢猛講佢做會計點點點，
跟住臨尾就話入民建聯有前景，但我諗極都諗唔明佢做會計有乜好同民建
聯有乜關係，唔通民建 ...

我覺得政黨拍廣告,以至係咪代表會計界都問題不大,
但真係唔好話自己"有潛質"以至早前個句"有前途",始
終呢o的說話無實際意思,倒不如話自己個黨支持同配
合國家發展仲實際得多