政府促淘汰舊巴士 考慮注資 大前提「不可買起整間公司」

有關新聞連結：
http://hk.news.yahoo.com/article/090825/4/dw05.html

不知何故看到陳克勤提「換車時間表」，立刻想笑……
不過我也認為如果要巴士公司加快換車，政府注資差不多是唯一方法，
始終我不相信在現時經營環境有任何一間巴士公司肯/有財力短時間內取
締所有不符合歐三廢氣排放標準的巴士。

宜家極速換哂o的歐一歐二巴士，恐怕到十幾年後又會出現同一個問題……
況且退落o黎o既巴士又可以有咩o野作為？賣埠都賣唔倒咁多啦。
到要廢車o既時候，咪又係做成另類污染。

巴士經營空間越來越窄, 根本唔會有好大量投資入去
唔好似得以前大手買車, 佢地唔換車/唔換咁多亦有佢地的難處
但議員/政府好似唔了解, 試問議員們都係自己一個人揸車返工, 空氣咪一樣差左
有口話人冇口話自己, 少D人揸車, 多D搭交通工具, 咁就唔駛煩咁多
政府D人諗野永遠都治標不洞本

你知道 180 億是多少嗎？
昂船洲大橋也只是用了 37 億來興建！

其實政府咁樣咁心急換車咪仲唔環保,仲會做成多d既污染,你而家換個架車係環保,過左十幾年後咪一樣係舊車,一樣係唔環保,到時又話要急住換d新車,到時又話要囉幾百億出黎,政府咁樣不如由而家開始唔比私家車出牌,整係比巴士,小巴,的士出牌,叫d高官同我地市民一樣,每朝追巴士,地鐵番工或者叫d高官唔好咁快換車咪仲好仲環保,又話換車要加價,又要我地d市民比多d錢

原帖由 da54 於 2009-8-26 22:14 發表
你知道 180 億是多少嗎？
昂船洲大橋也只是用了 37 億來興建！

無疑此舉絕對勞民傷財，不設實際……同時也給政府多一個轉移視線的藉口，
待弱勢團體來說巴士公司浪費了可以拿來撥款給他們的公帑。

但對比過往政府一直不理巴士公司死活，只懂一味叫巴士公司換車，這次已算
是一次「讓步」……
似乎他們始終堅持一刀切換車是唯一解決辦法。

只怪各政府官員和立法會議員都目光短淺……

政府咁心急係因為佢冇其他辦法, 但又俾外資大財團迫要改善空氣

巴士公司呢o的公用事業, 係香港咁畸形由私人公司去做.
明明係肯定有錢搵的行業, 該由政府做. 或者好似 MTR 咁, 由政府做大股東.

我地交交埋埋的 mpf , 大可以買起晒幾間九巴, 新創建.
與其要我o的 mpf 去賭，做咩唔ｏ係香港用返．．．　畀私人公司搵我地的血汗錢?
政府唔肯上身, 唔知香港的運輸政策如何.

由一間公司做晒巴士, 鐵路... 市民支出一定好少左, 交通系統的效率高好多....

點解要換車......淨係換偈平好多wor  重有點解班高官淨係識換車、換車、換車......換偈唔得ga?  如果D車下下未到期就退,真係更加唔環保

其實家下D熱狗玩多1,2年都無問題la,只要個底陣無問題,check過車身無危險就得la...

加上如果1次過換車之後,17年後就要1大批過換車,到時真係唔知點樣la.....

原帖由 krausssammy 於 2009-8-26 23:24 發表
巴士公司呢o的公用事業, 係香港咁畸形由私人公司去做.
明明係肯定有錢搵的行業, 該由政府做. 或者好似 MTR 咁, 由政府做大股東.

我地交交埋埋的 mpf , 大可以買起晒幾間九巴, 新創建.
與其要我o的 mpf 去賭，做咩唔ｏ係 ...

MPF關公帑咩事?