邱騰華﹕減主幹道巴士 非想像中難 區議會﹕無政黨會支持

http://hk.news.yahoo.com/article/090825/4/dw06.html

都係果句......搞掂區會先講

"據署方提交予區議會的文件，若巴士路線在繁忙時段最繁忙的半小時內載客率少於85%，或在非繁忙時段內的平均載客率低於30%，政府會考慮減少班次。"
明顯44唔乎合呢兩個條件wo......
咁點解要cut班?

[ 本帖最後由 DK704_3N133 於 2009-8-28 10:27 編輯 ]

<政府會考慮減少班次>句說話好似間公司係政府咁!

真係自己都覺得口嗅！

邱騰華又係一個不吃人間煙火既垃圾高官，
叫佢同埋班副局長、政治助理落區議會同地區人士「交流」一下丫！
如果特區政府想將自己化身中共第二咁強硬既，
咁當然唔係想像中難啦，
要間巴士公司一夜摺埋都得添！

九龍新界路不熟，不談，
留待各九龍新界版友發表。
巴士唔行電車路，行邊呀？
飛上天呀？
夾晒行橫街窄巷，
到時橫街窄巷一隸頂到hum，
大家鬥排隊鬥耐性。
環境局不如夾埋差佬，
處理一下違反交通規則既駕駛人，
同埋不如處理一下通街埋既勾斗啦。
伊榮街冇乜幾可唔見勾斗擺，
邊寧頓街尾分岔口成日見假期牌左擺右擺舉旗不定向左走向右走，
阻巴士阻的士乜車都阻，
肯搵人去抄下牌，
D廢氣都唔洗焗住係果個位啦。
遲下舊三越個位重建同埋銅鑼灣地下街既規劃工程，
政府有冇意思考慮將果忽同怡和街既巴士站改晒做鋸齒站？
咁樣巴士埋站就少D機會龍頭鳳尾或者頂住後車離開啦。

人就越來越多，
部分市民人均收入都越來越多，
生活水平都越來越好，
外出消遣正常不過，
集中某一地區消遣逛街亦係正常，
減地面交通，
趕晒落地底，
萬一有意外，
點辦？
政府內部有冇呢個危機意識呢？
我相信有，不過絕非主要考慮因素，
分分鐘呢個因素差不多散會時先拎出黎「傾下啦」！

根本成個政府政策就係藥石亂投，
頭痛醫頭腳痛醫腳，
呢個老掉牙，
自港英政府到特區政府都冇改善過既問題，
死左人先黎做少少野。

咪畀我睇死，
最後呢「19招」，
即使拍板去馬都會係冇充分協調下一岩一忽既怪胎。
點解？
怪就怪最頂頭兩個：
一個就逢親爆大鑊就唔見影，
一個就拿住個篋係條街度吊吊揈！
兩個「領導者」都冇領導既風範同膽識，
講條命咩？

區議會居然話重整巴士路線「根本做不到」

客量少,又出現重疊既路線根本就應該重整,73&73A好明顯係其中一個例子.

原帖由 33XX 於 2009-8-28 11:13 發表
區議會居然話重整巴士路線「根本做不到」

客量少,又出現重疊既路線根本就應該重整,73&73A好明顯係其中一個例子.

呢個我同意係「根本辦不到」既事。

香港既政治生態係十分奇怪，
簡單而言區議員真係會為選票對選民投其所好，
即使個公廁(蝕本冇客線)十世都冇人用一次，
間中又因為冇人洗發出惡臭(壞車畀人鬧)，
都不可以拆(取消)，
區議會又唔係d乜野有識之士社會賢達，
畀我既感覺只係一班著件衫貴少少既師奶同阿叔，
佢點會同你講長遠或者費時同你班居民乘客分析理弊？
諗下下鋪食蛇食齋去邊搞混選票重好啦！
加上香港人急功近利，自私，欠長遠眼光，
係惡性循環。

原帖由 河灣西 於 2009-8-28 11:26 發表
呢個我同意係「根本辦不到」既事。

香港既政治生態係十分奇怪，
簡單而言區議員真係會為選票對選民投其所好，
即使個公廁(蝕本冇客線)十世都冇人用一次，
間中又因為冇人洗發出惡臭(壞車畀人鬧)，
都不可以拆(取消)，
區議會 ...

或者咁講,香港地做官都係是是旦旦,不求無功但求無過,
當要推動政策時就只會開下飯局,叫d所謂"聯繫"政黨支
持下就算,唔會細心諗下點去sell俾所有議員,結果一上
會議廳,就因為有人反對就縮,成件事又不了了知

任何政策都有人支持反對,反對意見是否合理其實做官既
應該識判斷(話晒都做讀過大學,要過幾關先做到AO,唔係
易事)就算唔識判斷,做官係咪應該細心研究,再作修改.但
而家所見,大多都係諗縮數,無承擔,有事情願做縮頭龜,得
過且過,胡混過關就算

正如做交通重組,其實概念正確,但實行上永遠都係是是旦旦,
無全盤大計,結果只係識叫人cut車.如果政府肯願意承擔,巴士
可以免費轉港鐵(或相反),全港巴士收費都係一個統一收費制
度,就算俾多d稅條氣都順d,否則好似而家咁,各自為政,日日巴士
塞巴士,港鐵開條鐵路搭客少

原帖由 河灣西 於 2009-8-28 11:10 發表
政府內部有冇呢個危機意識呢？
我相信有，不過絕非主要考慮因素，
分分鐘呢個因素差不多散會時先拎出黎「傾下啦」！巴士,鐵

師兄你錯o勒
呢個因素係散會都無人傾

出事就會傾o勒, 一年半載後有結果
而個結果, 即係新政策呢, 既唔能夠銜接上一個政策
又唔可以長久延續
於是又係一個無頭無手無腳o既怪胎

原帖由 terrychan621 於 2009-8-28 10:40 發表
句說話好似間公司係政府咁!

根本香港出現左個好嚴重既問題就係政府過份規管公共巴士
唔止開新線同取消路線,連巴士公司買幾多車,開幾多班次同埋服務時間全部都係政府話事
巴士公司完全無辦法依照市民需要調整服務,令到巴士服務能夠最好咁服務市民既通勤需要
我認為政府應該為巴士市場減少規管(Deregulation),逐步逐步減少對巴士公司既規管
第一步係取消車隊配額,之後係容許巴士公司自行加班,之後可以比巴士公司自己決定開咩新線,
再之後開放比新公司入場,再之後比巴士公司自己決定取消咩線,如果咁樣導致某d地區無服務既話就直接補貼巴士公司提供服務

根本而家過份規管既巴士服務就迎合唔到市民需要...

各位,與其o係度鬥o翕辯論
點解唔上環保署發表高見呢?
http://www.epd.gov.hk/epd/tc_chi/environmentinhk/air/air_quality_objectives/air_quality_objectives.html