轉變...

拍拖、同居、結婚、生育、失戀、分居、離婚
以上每件事都會令一個人轉變, 大家可否分享一下?

我只經歷過拍拖同失戀, 但個人心態上已有明顯轉變
以前讀書想拍拖都只可算想玩玩下, 沒大理想,
到自己真正拍拖之時想法已開始轉變, 是希望將來成家立室,
第一次拍拖學會怎樣去愛一個人, 如何關心、照顧對方及溝通相處技巧
可惜呢段感情最後告終, 當初一切計劃亦成泡湯, 自己亦經歷
人生以來最灰暗的半年.... 收拾心情過後, 遇上現任女友,
今次拍拖吸收了過去的教訓, 改善自己的缺點, 樣樣都要做
到最好, 自己亦已訂下目標, 將來大家要搞好一頭家.....

[ Last edited by guia on 2005-9-29 at 18:13 ]

到而家為止
我從來都冇經歷過任何一樣野
但我亦係因為異性
而響心態上就改變唔少

1. 初中生時代
果時已經見有d 同學拍緊拖
但自己仍係一個只係顧住讀書同玩既小孩子
仲未諗乜野叫做拍拖

2. 高中生時代
果時已經係一名血氣方剛既小伙子
開始想知乜野叫做拍拖
但心智上都仲係一個小孩子
所以都係得個講字
仲仍然做番一名書呆子

3. 大專時代
覺得自己係時候拍下拖
但奈何果時我讀書果度
我遇到既女仔大部份都係拍緊拖
難以搵到適合既對象
所以唯有做一個無憂無慮既浪子

4. 而家
出左黎做野喇
呢個時候我對我既拍拖對象
已經唔再係年青果陣玩玩下
(或者我以為真係太過膚淺啦)
我真係想同我既對象有大家既將來
但到目前為止
似乎各方面都仲未容許我咁做
所以而家我真係冇乜心態(應該話係唔敢)去識女仔
結果到而家我仲係一名未拍拖過既單身漢子
長此下去我真係驚自己成為一個孤獨終老既老夫子...

樓主所提及過既階段
雖則我冇一樣經歷過
但我覺得我短期內都唔會發生任何一樣

有人說: 「人有悲歡離合, 月有陰晴圓缺, 此事古難全」
亦有人說: 「月缺後, 月重圓, 缺後月重圓, 始終都會相對襯」

我總相信, 拍拖初期會很熱情, 但係當愛情轉做感情, 火花少了, 這將是一個考驗, 定力不夠者和但求新鮮者便可能會步向分手/ 移情別戀

我宜家其實自己都整理緊一d檔案
之前我聽左唔少人的故事
其實都分左「轉變」, 相信一段時間待小弟整理好就會登出給大家討論
愛情數面? 我覺得有:
1. 簡單的追求技巧
2. 如何穩定和與他/ 她 熱情
3, 如何贏下人家的男/ 女朋友, 以取代他/ 她的位置
當然, 1同2好易寫, 亦都好易整理; 3宜家寫緊; 但係個人覺得「他朝君體也相同」, 知道便好, 要知道的原因, 就係用來預防

拍拖、散拖:
第一次真係學唔到乜野，淨係知道係開心、甜蜜。
第二次真係學到好多好多野，亦都經歷過唔開心的日子，
但係散左之後亦都學到好多野，同埋回望返真係無後悔過自己同佢一齊相處的日子。

反而依家真係變得更加細心(?)、
做事更加小心，
同埋更懂得點樣去珍惜一段感情...

可能真係要多一點經驗吧...

[ref=381077]2ac[/ref]  在 29.9.2005 17:30 發表:
3, 如何贏下人家的男/ 女朋友, 以取代他/ 她的位置
當然, 1同2好易寫, 亦都好易整理; 3宜家寫緊; 但係個人覺得「他朝君體也相同」, 知道便好, 要知道的原因, 就係用來預防

其實呢樣野話易唔易、話難唔難。
一段關係入邊，
係唔可能做到無空檔的，
又或者每日都係咁開心的，
尤其當你知道做得好好的時候，
或者會誤以為開心係必然的...
咁樣對雙方都無好處
當然唔係叫大家無事搵事攪...
只係希望大家學懂得去點樣面對並解決問題，
唔需要因為一些事而擔心太多的。

所以，如果想自己的關係無第三者，
問題唔淨係在於點樣去預防有空間俾第三者入，
越拉得緊越容易唔得嘛...
反而輕鬆一點面對，
留意有可能出現的問題，
知道這些問題可以怎樣解決，
同埋著重建立多一點信任，
俾對方知道你係知道佢諗乜野的，
咁其實問題都真係唔大....

至於外力方面，
就真係好睇到底果個人的心入邊係點樣諗喇...
不過又真係無得控制，
好視乎果個人自己知唔知道個情況係點樣，
可以點樣做，同埋佢自己的居心何在喇...

只怕現實令自己冇時間去諗有咩潛在問題
諗得開工對住工件會發生咩工業意外
已經唔再得閒去concentrate於任何外事

咁先怕會令問題嚴重...

在初中, 高中時期, 我都只是鐘意對方, 但因為要專注學業, 因此中學時期都未拍過拖............

到了入讀 ive, 起初我都未試過拍拖, 更加未試過和女仔獨自行街, 但自2003年 SARS 我識了一個女仔, 起初我和她都好好傾, 亦約過她去街...........但我由於暑假要參加補考, 一時專注考試而有一個 week 無找她, 結果她在 camp 識了一個男仔, 仲做埋b.fd. 最後o米失敗收場...............
自從她表白後, 一直都無見過面, 一年內偶然找她一兩次傾電話..........


分開後兩年(即是2005年)...............我識了現任的女朋友, 初初和她真是好好, 約她去街亦很快應承了我..........自後表白後亦應承了.
經過就快一百日(由正式拍拖開始計算)的相處, 我亦學到怎樣關心她, 呵護她. 有兩次我因為一些過錯而嬲了我, 不過都原諒了我, 因為我應承她錯誤中學習.
現在, 一星期之中,有三日, 我放工後都會由葵涌石籬前往東涌逸東村接她放工, 然後送她返屋企 or 行街.
現在我們大家都要返學校工作, 因此我們除了接她放工果o的時間可以和她一齊之外, 只有星期六和星期日可以和她一齊, 因此如果有一些活動(只可以是我 or 她參加的) 都盡量唔去這活動, 我們亦和其他朋友少了見面...........

拍拖,同居,分居

我同女友做左三年roommate,
拍左兩年半拖。
其實同女友同居唔係一件易事,
因為你會做既任何一件事佢都知道,
大家彼此生活習慣都知道,
自然有好多時意見不合,
記得第一年真係好艱難,
有好多野唔係話大家相愛就會冇事。
如果有人想結婚成家立室既,
我覺得之前起碼一齊住一年先好諗成家立室。
後來大家慣左,
就可以甜甜蜜蜜啦。

依家都只係搬左出黎兩星期,
深刻體會就仲未有,
不過就好孤單寂寞,
o岩o岩女友同host特登黎探我,
真係開心死啦...

睇唔到原來係你女友同埋佢個host過來搵你...#

唔怪得咁開心啦...

同居? 我可能無經歷過啦，
但係我覺得呢個唔係成家立室的必經之路，
如果女友有同你投訴過屋企的事，
咁要知道/估到佢的生活習慣又唔係咁難...
(當然，呢個可能係我自己的經驗，
唔可以作準)

磨合期會短一點又係事實...
可能我自己唔太接受到啦。

[ref=382610]307[/ref]  在 2005-9-30 09:42 PM 發表:


同居? 我可能無經歷過啦，
但係我覺得呢個唔係成家立室的必經之路，
如果女友有同你投訴過屋企的事，
咁要知道/估到佢的 ...

的確同居前係有個概念,
但係發覺現實比想象難得多。
我同女友都己經一齊住左幾個月先開始拍拖,
但係之後都仲有好多磨擦,
有時有D意料之外既事都會擦出火花,
你有時覺得o岩既習慣佢會睇唔過眼,
反之亦然,
真係幾艱難。