[分享] 星期六在停車場的驚險奇遇

話說星期六小弟幫一位因為停牌的朋友開車去銅纙灣一齊食飯，期間泊伊利沙伯大廈停車場，奇遇來了，
小弟的前車(Lexus GS300)開到二樓一個轉彎位時，看到個師奶(應該是Sunday driver/新牌)用了大約
十幾手軚都未能成功轉上一個90度彎的斜路(怕轉時中柱)，因為那女司機倒後時有好幾次差D撞到我架車(BMW X3)，
我呠佢先有意識停 ，由於佢手車實在太恐怖，睇了佢「表現」大約八分鐘，我同後車的司機都頂唔順落車幫佢睇位，
不過佢轉了三手軚見佢唔夠膽攞盡D位轉上去，又話驚hi牆和中柱，眼見後面有成八九架等住泊車，我同朋友本身約左人
食飯趕時間，最後我直頭幫佢楂上去泊埋架車算數，最後擾攘了15分鐘，我地先泊好自己架車行去食飯。

而小弟開架BMW X3轉那90度柱彎，都只用了兩手軚攞盡D位就轉到上去，並不是想像中難，但轉彎位真是很窄，見到牆上的
簽名真是很多，彎位難度同佐敦寶來大廈那個黑洞停車場一樣咁窄咁難轉，比起大圍富嘉難度高很多。不過我都希望那位女士
日後要多D練習，手車「勁」到咁仲開住架GS300呢類中型房車，泊車和出街時真是替她和隔離左右的車擔心。

小弟親身試過的高難度停車場有佐敦寶來大廈(彎位/通道窄), 銅鑼灣伊利沙伯大廈(彎位窄易hi牆/柱，但泊車不難的)
不過最頂癮的停車場，見過有灣仔鷹君中心的旋轉型停車場，泊最頂果兩層就真係轉到你頭都暈；同埋銅纙灣嘉柏大廈
停車場，我朋友試過幾經辛苦泊完先知唔夠位比佢落車，最後走人去第二間停車場；深水埗美居中心同大圍富嘉都是比較
難泊的停車場，各位板友仲有冇D高難度停車場推介？

歡迎討論及分享經驗

[ 本帖最後由 volvo_chan 於 2009-8-31 05:57 編輯 ]

呢個女士你吹多兩吹仲驚,油門當腳掣都似.

「不過佢轉了三手軚見佢唔夠膽攞盡D位轉上去」
但當時你同另一位人兄已幫佢睇緊啦咩？咁都唔夠膽？

到現時，我泊到投降既場就係銅鑼灣禮頓里既嘉柏，入口都無問題，
但上到去就…  每上一層都要倒後，因為每一轉彎已差唔多到另一層既入口，
所以一定要預到勁準先可一手，好在有鏡睇都叫做好過無，另外搵到位後都泊
唔到的，L位，試左N手呔都泊唔到！窄到癲！之後放棄去了另一邊d橫位泊

另外佐敦黑洞同大圍富嘉聽就聽得多但未試過

雖然未泊過e-house，但我諗嘉柏應該難d，e-house個到可能你未渣熟架車，如果唔係我
諗陳兄你應可一手入彎上各層

另外想問下你有無泊過士美非路街市，有機會可以試下，第一次去可能會幾難，但
泊得多就知個橋妙。(呢個街市又係要每上一層就要立即貼右再上左彎)

[ 本帖最後由 fm1234 於 2009-8-31 08:44 編輯 ]

原帖由 fm1234 於 2009-8-31 08:42 發表
「不過佢轉了三手軚見佢唔夠膽攞盡D位轉上去」
但當時你同另一位人兄已幫佢睇緊啦咩？咁都唔夠膽？

到現時，我泊到投降既場就係銅鑼灣禮頓里既嘉柏，入口都無問題，
但上到去就…  每上一層都要倒後，因為每一轉彎已差唔 ...

士美非路.. 渣Ford transit 都泊到...

佢有咁新/光/企理... 無咩問題

原帖由 fm1234 於 2009-8-31 08:42 發表
「不過佢轉了三手軚見佢唔夠膽攞盡D位轉上去」
但當時你同另一位人兄已幫佢睇緊啦咩？咁都唔夠膽？

最恐怖之處就係呢度，我同另一位人兄一左一右企係度幫佢睇位同指導，但位女士都係唔知點解仍然唔夠膽攞盡D位(離牆仲有大約35cm)，
好似唔信我地咁，我地都唔催促同盡量唔比壓力佢，費時佢真係腳掣當油門就大獲。不過先前見佢連倒後都唔識話睇下後面(倒後佢真是夠膽
去得好盡 ，要boot佢先有意識停，嚇到我個車主朋友面都青，我就盡量倒後俾多d位佢)。不過我都有少少懷疑，佢究竟有冇學個車......

嘉柏同佐敦黑洞(寶來大廈)是我見過全港最難泊的兩個停車場，當中嘉柏竟然是分分鐘就算泊到都落唔到車，d泊車位簡直是夾硬來的，我就點都唔會泊嘉柏

原帖由 FAST 於 2009-8-31 10:37 發表

士美非路.. 渣Ford transit 都泊到...

佢有咁新/光/企理... 無咩問題

我知新光企理，佢只係上上落落比較窄d，泊完全唔係問題

原帖由 volvo_chan 於 2009-8-31 11:53 發表

最恐怖之處就係呢度，我同另一位人兄一左一右企係度幫佢睇位同指導，但位女士都係唔知點解仍然唔夠膽攞盡D位(離牆仲有大約35cm)，
好似唔信我地咁，我地都唔催促同盡量唔比壓力佢，費時佢真係腳掣當油門就大獲。不過先前見佢 ...

但有時我奇想如果真係出唔到就扒窗，因為現在新車多數可以做到lock車時順便關窗，
咁就唔洗驚關唔到窗