點解巴士迷成日比人歧視?

原帖由 FB9469-FA9288 於 2009-9-14 17:33 發表


其他人只係覺得巴士迷幼稚而已, 段估佢地都唔會認為巴士迷就係毒男

迷巴士就係幼稚，是閣下的想法咋？

咁我想問迷咩野先稱得上成熟？

歸根咎砥，我只係覺得出左一個問題，
就係香港一些巴士迷缺乏自律，以致使一般人不懷好感。

我鍾意巴士差不多30年，好多人都唔覺得我有乜問題，
好多人鍾意問你路，仲有好多女仔話有個識搭車的男朋友幾好，
感到好有安全感。

我聽到坐巴士的乘客話，唔知點解咁多細路聯群結隊，
周圍影巴士，仲經常喧喧嚷嚷，感到有點騷擾。
亦有人講話班巴士迷成做埋Ｄ危險野。

除左自律的一面，有一方面可能時有巴士迷高談闊論，
令人也覺得被騷擾都唔係無可能。

現時青少年人有些會去迷巴士，加上有時青少年男性都會有英雄主義，
盡力去突出自己，加上聯群結黨目的可能只係為一兩部巴士，
然後衝出馬路，好難令人有成熟的感覺。

如果大家可以成熟，自律，更加主動協助有需要乘客，
並且不阻礙巴士運作，相信好多不良的形象會改善。

純粹個人意見。

原帖由 homanho 於 2009-9-14 18:28 發表


迷巴士就係幼稚，是閣下的想法咋？

咁我想問迷咩野先稱得上成熟？

有d人可能會話迷女色,迷潮流衣物...