有關鐵巴 506 安定特車

最近一星期朝早見到有兩部 506 安定特別班次 (即以屯門鄉事會路安定邨作終點站),
但個人所見似乎每日時間差異都不少:

星期一: 0820 屯門鄉事會路/杯渡路交界 (7 系躉)
星期二: 0829/0847 西鐵屯門站 (#606/#415)
星期三: 0825 西鐵屯門站 (#415)
星期四: 0815/0832 建安站 (#725/#415)
星期五: 0815 屯門鄉事會路/屯興路交界 (#903)

常規班次只係睇到星期二同星期四, 時間都係早上八點幾, 但班次上差異好大: 星期二見到既
七班車尚算正常, 最疏果班大概只係隔 8 分鐘; 但星期四見到整體派車好似分做兩組, 每組之間
相隔接近 15 分鐘, 同一組既時間就好密。

從粗略既觀察, 個人認為 506 總體派車係冇乜改變, 照舊八部 (最多都係加多一部), 其中兩部
只做單向往安定 (有錯請指正)。於是令特車前後既常規班次相隔較遠, 到了早上上學高峰時間,
往碼頭方向就容易堆積乘客, 引致特車後既班次往往比以前更易甩班。不過就解釋唔到點解
特車時間日日唔同, 所以我有少少問題:

究竟安定特別班次仍在試驗階段, 還是屬於臨時措施? (暫時) 會於乜野時間行走?

歡迎討論。