少年乘凌晨巴士熟睡困車廠

我上年試過一次
放學於佐敦搭 87D ( 車牌就唔講喇 , 總之係某線嘅柯打 )
本身打算喺馬鞍山市中心落
不過應該喺亞公角街果頭訓咗
醒果時架車喺獅子山隧道
心唸 : 「點解又入多次隧道嘅 ?」
原來架車私緊番紅磡 ...
不過費事嚇親個司傅 , 我就等到架車番到紅磡先現身
個司傅仲話 「訓番入去都得架 , 冇相干架」

我都試過兩次，一次37，一次930，兩次都係本應要係林士德果個站落，但就訓過龍

37果次就上左葵盛東先識醒，所以乾脆搭到總站落車行番落去
930果次好彩去到葵康苑就識醒

尋晚坐59M返屯門時，有部私牌左的59X掛牌在龍門路追上來龍門居燈口，
59X師傅同我部車車長講話，洗完車之發現個小朋友無落車，叫我坐呢部車載個細路走。
之後個小朋友（看來似讀三年級）在富健花園巴士站「交收」

我 10 年前試過搭城巴 170 瞓著左, 佢真係返左車廠,
因為熄左冷氣, 突然靜晒我先識醒, 最後佢車返我去沙田火車站

我都試過一次,不過係幾乎車左個妹妹仔返廠...

話說當時晚上7點左右,返到總站跟住返廠,拍左咭,簽左名,跟住我已經走左上上層睇左一次,
跟住望下下層車尾,都見冇人就關門開車走,U-TURN完準備離開總站範圍果時,站長衝出黎截停我架車,
跟住話,架車仲有人,果時先知有個妹妹仔訓著左,坐左響中尾擔包廂度,個人跣停左,
俾張座椅遮住左,所以我睇唔到佢,好彩果次有人提我咋,家下我每次收工都會巡一次架車先會開走了.

有次坐A73屯碼尾車番天水圍
因為過左鐘,所以師傅即刻拿拿聲上客開車
點知一開車預備出坑,我上到一半樓梯個時..有人跑住落黎
我唯有掉頭落樓下,師傅見我落番黎,問我咩事
我就話有人未落
師傅就即刻停車開門..

原帖由 stanleyhss 於 2009-9-14 13:04 發表
我都試過一次,不過係幾乎車左個妹妹仔返廠...

話說當時晚上7點左右,返到總站跟住返廠,拍左咭,簽左名,跟住我已經走左上上層睇左一次,
跟住望下下層車尾,都見冇人就關門開車走,U-TURN完準備離開總站範圍果時,站長 ...

所以真係最好實地行一次望清楚有無「大小乘客」訓著唔記得落車
因為好多時0的人一見架車少人0既時候就會訓到唔易被察覺佢仲0係車...

原帖由 lf5499 於 2009-9-14 16:34 發表
唔知係咪我好彩 次次訓到去總站都會有其他客拍醒我

呢0的唔係叫好彩 係叫唔知醒...
0下0下都靠其他客拍醒0既真係唔係好事