[新聞]大學畢業生身價勁跌

http://hk.news.yahoo.com/article/090910/3/e5uj.html

來源:雅虎新聞

其實現在大學畢業生比以前多了,加上金融海嘯的衝擊之下,大學畢業生找工作是比以前困難。

我希望政府可以好好正視這個問題,不要讓大學畢業生成為雙失青年。

歡迎討論。

如何正視？
將AO/EO位由25個增加到250個？
定係食環署清潔工月薪升至二萬，要求有大學學歷才能應徵？

下下都要靠政府，那是甚麼大學生？
雖然我都即將面臨雙失（希望是短期的），
但政府當年開放更多專上教育學額說的只是讓更多年青人有書讀，提升競爭力，
而唔guarantee你的競爭力提升了便一帆風順。

亦都可以話，開放更多專上學額，只係令潛伏的青少年失業問題推遲幾年爆煲。
根本社會整體上需要的勞動力少了，但就業人口老的未退新的又來，
一定有人會失業，只差在邊個失業而已。

時移世易，大學畢業根本代表不了甚麼，只係全民知識水平提升（理論上），
當社會上通街都係大學生，大學學歷對一個人在職場上的競爭力幫不了多少，是他也是你和我。

DIH兄,我都明白不可以甚麼都要靠政府,現在大學學額多了,造成隨街都可以找到大學生,大學畢業生的確不是「天之驕子」。

而且,第一份工作的工資一定不會高,但也希望是可以應付到日常生活的開支吧。

小弟比較少發言,如有得罪,墾請見諒。

其實我想樓主不如作一d 實際建議, 建議政府如何可以幫助大學生就業...

這樣討論, 似乎會比只是希望政府正視問題, 來得更實際吧...

原帖由 DIH 於 2009-9-13 16:39 發表
但政府當年開放更多專上教育學額說的只是讓更多年青人有書讀，提升競爭力，
而唔guarantee你的競爭力提升了便一帆風順。

亦都可以話，開放更多專上學額，只係令潛伏的青少年失業問題推遲幾年爆煲。
根本社會整體上需要的勞動力少了，但就業人口老的未退新的又來，
一定有人會失業，只差在邊個失業而已。

時移世易，大學畢業根本代表不了甚麼，只係全民知識水平提升（理論上），
當社會上通街都係大學生，大學學歷對一個人在職場上的競爭力幫不了多少，是他也是你和我。

「競爭力」只係相對而唔係絕對，專上教育學額繼續增加，最終根本唔會對大學生，甚至青年人的競爭力有所提昇。

另外，其實又要怪香港好多大學生唔爭氣。我去完exchange返黎，開左學五日，日日都見到校園入面唔少大學生dem beat，
自己以為自己好威，以為dem beat好好玩，完全唔顧及個occasion係咪允許咁做（其中一次係assembly入面有人dem beat），
唔顧及他人感受。呢班大學生，完全唔識尊重人，唔dem beat就無其他野可以做咩？

相比之下，我晌外國完全無見過呢d咁無聊的活動。外面當然有好多野亂七八糟，飲酒、frat house party無日無之，但係
學生普遍比起香港幾間「國際化大學」都更勤力讀書，至於佢地會搞咩活動？佢地關心社會、國家、國際大事，主動搞concern
group，搞簽名會、靜坐，立場又唔係好似香港某d自以為自己好關心社會的學生會咁偏激。咁當然以而家個經濟，就算係
Princeton或者Harvard出黎都唔保證搵到工，但係外地同香港的學生質素，絕對係高下立見，難怪僱主成日對港產大學生
有負面評價。香港的大學生，怨呢樣怨果樣之前，唔該先檢討一下自己，有咩做得不足的地方，點樣提升返自己個質素。

根本上係d無良奸商所做成既局面..

幾千蚊個月請大學生, 人地之前既investment點回本? 一年大學學費都唔少錢啦..
佢地而家想平價請到人, 大學學費又冇話有得減, 呢個道理點都唔通...

次次見到呢d新聞就火都來...一係你就令大學學費冇咁貴, 一係你就出高d人工..
又要馬兒好 ,又要馬兒不吃草, how can this be?

今年幾個已知真實個案

浸大地理系畢業生: $ 9000 --- 補習社tutor
UST 理科畢業生: $ 11000 --- IT CONSULTANT
劍橋大學數學系畢業生: $12000 --- KPMG ACCOUNTING TRAINEE
公開大學畢業生: $ 6000 --- EO TRAINEE
University of Bath 畢業生: $22000 EOII (GOVT)

唔計份政府公, 其他既全部都低到...想要平價勞工都唔係咁的吧

原帖由 hkbw 於 2009-9-15 14:13 發表
根本上係d無良奸商所做成既局面..

幾千蚊個月請大學生, 人地之前既investment點回本? 一年大學學費都唔少錢啦..
佢地而家想平價請到人, 大學學費又冇話有得減, 呢個道理點都唔通...

次次見到呢d新聞就火都來...一係你就令大學學費冇咁貴, 一係你就出高d人工..

雖然我同意閣下第一句, 好多奸商壓價, 但直言, 閣下之後的論點比較奇怪吧..

用學費去講? 其實好似從來都唔會有人咁計ga wor

人工, 係要同其工作能力/範圍成正比, 我是同意的...
但你要人工, 同一個人之前的"investment" 成正比, 我就未聽過喇...

又或者咁講, 是否大學真的減學費, 大學生人工就可以減? 當然唔係.....
大學學費又唔係班商人出....點解人工同學費有關係?

我想更重點係, 一個大學生訓練左出黎, 是俾到什麼的工作能力, 就值那個價,
這唔單只是對大學生, 對任何人, 無論HD 出黎, ive 出黎, f.5 出黎, 甚至多
年工作經驗的人, 都是一樣...人工是要與其工作能力/範圍成正比...不過事實
上, 好多工作都未必係, 這是事實....

我想與其針對"大學生"搵工問題, 不如針對整體上呢個社會問題, 更加重要,
究竟m記, kfc d 員工, 是否真係只值1x蚊一個鐘呢?

大學生人工, 只是這個問題的其中一個指標, 但問題的層面, 亦不只是大學生
一班人...我想要更全面去睇呢個問題先ok, 雖則, 要政府干預, 有一定難度...

[ 本帖最後由 3ASV196 於 2009-9-15 15:38 編輯 ]

原帖由 hkbw 於 2009-9-15 14:13 發表
劍橋大學數學系畢業生: $12000 --- KPMG ACCOUNTING TRAINEE

借問聲呢個人係咩料？咁既條件，點解要返香港搵工，做返d普通大學生都可以做既野？

（雖然，據我所知，Big 4長年壓價係事實）

[ 本帖最後由 S3BL100 於 2009-9-15 15:45 編輯 ]

原帖由 3ASV196 於 2009-9-15 15:25 發表

用學費去講? 其實好似從來都唔會有人咁計ga wor

人工, 係要同其工作能力/範圍成正比, 我是同意的...
但你要人工, 同一個人之前的"investment" 成正比, 我就未聽過喇...

香港因為學費比起某d發達國家偏低，所以無咩人咁講，但係外國就真係好多人會講呢樣野，唔係點解近年咁多人講postdoc trap個問題？

雖然我唔同意上面將學費同人工拉埋黎講，但係investment唔止學費，仲有學生付出的努力同時間，我覺得社會都應該要reward肯付出的人，盡量確保唔會有人付出大、收穫少的不公平現象。