有冇人試過坐港鐵到了荃灣站後唔落車

有冇人試過坐港鐵到了荃灣站後唔落車, 遊覽荃灣站以西既特別旅程, 再回頭返中環?

原帖由 Ekin 於 2009-9-26 09:59 發表
有冇人試過坐港鐵到了荃灣站後唔落車, 遊覽荃灣站以西既特別旅程, 再回頭返中環?

小弟中學時真是試過(約16-17年前), 在荃灣站下車站時"假裝"銀包打開了, 全部銀仔掉在地上

然後續個續個慢慢拾起來, 這樣就可以"大條道理"乘車入廠, 列車入到調頭位停定後,

被司機及清潔員發現, (那時列車仍未有自動調頭, 所以司機會行返轉頭), 司機當時都

好好人, 還問我有冇唔見錢, 並說列車好快會返回荃灣站, 開門時即可下車

[ 本帖最後由 前KMB員工家屬 於 2009-9-26 10:27 編輯 ]

自從荃灣愉景新城起好後，要睇果段路最簡單方法就係去愉景新城
旁邊果條行人天橋，可以近距離清楚睇到整個列車調頭過程，包括
路軌波口移動，信號燈轉換，又可以見到車頭司機shutdown駕駛室
，由車尾司機再open up另一邊駕駛室。

如果繼續行入D，仲可以去到接近路軌尾端，睇到列車回廠過程，
相信全港鐵路段都好難搵到咁近距離見到列車調頭既地方。

小弟經常好無聊咁企係行人天橋上面睇，真係好清楚，連車廂內既清潔
阿姐都見到。

樓上既版友都講得好岩......

近黎, 港鐵唔再派職員入去check (除繁忙時間),
主要都係派d清潔阿嬸去望下,
其實即使坐入去都無咩所謂,
反正度門又唔會開既,
咪當遊下車河........

至於司機方法,
我見到通常係有個司機入左去車尾個個先,
然後車頭 (即係係中環開出個個) 既司機會落車,
即係話, 司機唔再需要行八卡列車啦!

荃灣站如果可以好似柴灣個種設計,
你話幾好呢....
至少我地唔駛成日係荃灣站等車等到傻左~~


(離題一問: 地鐵係幾時轉八卡車嫁? 因為一向都好似係七卡......)

荃灣站唔係全部車都調頭,有d會收車
入左廠的話就累到個車長了

原帖由 JC3341@31M 於 2009-9-26 14:03 發表
荃灣站如果可以好似柴灣個種設計,
你話幾好呢....
至少我地唔駛成日係荃灣站等車等到傻左~~


(離題一問: 地鐵係幾時轉八卡車嫁? 因為一向都好似係七卡......)

當年荃灣線諗住會去到現時路軌盡頭再設一個站，荃灣站只係中途站，所以做成兩邊側式月台。
可惜後來車站建不成，荃灣站就成為總站。

地鐵1979年通車時係4卡，1980年過海增至6卡，1985年港島綫通車增至8卡並固定至今，
除了東涌綫在1998-2003年係7卡外，地鐵沒有出現過7卡編成。

原帖由 JC3341@31M 於 2009-9-26 14:03 發表
(離題一問: 地鐵係幾時轉八卡車嫁? 因為一向都好似係七卡......)

早期的機場快綫才是只有7卡
係博覽館開幕前改為八卡

原帖由 WinnieThePooh 於 2009-9-26 17:01 發表




兩位甘做係度「宣傳不法行為」
又用埋甘多「有違道德, 甚至法律的行為的字眼」
我祝你地好運

我奇怪緊點解某板友唔扣上者唔扣下者

其實坐入去都無乜意思,
掉頭係愉景新城乜都睇哂

其實係閘口外面睇都知點樣掉頭
架車咪又係行到老遠等個路軌轉向以進入反方向路線之嘛
又唔覺好特別一定要搏懵去坐