哪款現役車型既坐椅, 大家覺得最難坐?

原帖由 HW8373 於 2009-9-26 15:21 發表


2.九記快餐椅
相信無人會反對
有時覺得坐佢地重辛苦過坐公園 d 木凳
(架車會 dun 下 dun 下，公園唔會)

無人會反對 ？你以為

以前在某現已摺埋既巴士討論區，我批評親呢隻chair都畀人剷到上天花板，話呢隻chair好舒服，係我無理批評云云

話說回來，九巴整D咁既chair，已經夠衰，更差既係佢明知唔掂(否則都唔會o個十幾部末代AV後唔再用)，都唔去補鑊，唔換走佢都算，連最折衷既做法：將呢批車全數用於短途線，都唔去做

就我所見，呢批車幾乎全集中在沙田，，重要幾乎行親都係81,87A,89,89B等中長線，有時會行282此短途線，但就極之少見，試下有次搭282，遇著架咁既車，車上有一家三口幾乎由上車鬧到落車：「嘩，呢D乜凳黎架？咁硬都有既.......或者短途線至用呢D啦」，我心唸：「你o係短途線遇上，已經好好彩了，你以為短途線至用？你開胃了」。最激既係好多年前，見過下繁時行沙田方向既170！真不敢想像由頭坐到尾的話，使唔使睇跌打有時我見到佢黎部咁既車，非趕時間都唔會上，就算上，都一定唔會坐

呢批車都應該係98年車，請問而家巴士服役年限係咪重係16年呢？係的話，應該最多5,6年後，呢批車就退得了

原帖由 EE9255 於 2009-9-28 00:11 發表
你除褲搭巴士架?

又係以前在某現已摺埋既巴士討論區，有人又係咁樣批評過呢隻chiar，我又係咁樣駁佢，結果我就咁畀人話態度惡劣，暫停貼文權

短短幾年，世界已變了這麼多

原帖由 HW8373 於 2009-9-26 15:21 發表


1.反而同你調轉
銀豪、M11 DA 個隻凳 (尤其下層)
坐墊又細、又俾人坐到向前向下斜、塊皮又冼
坐一陣已經成個人冼左向前
一程車要每幾分鐘轉換一下坐姿
極度唔舒服

呢種凳想要坐得舒服
一係上上層 (上層 d 椅背 ...

中/新/城巴這批Trend-Tex座椅已經算不錯，至少夠軟，座墊長度也算
可以(不過下層好像短一點)，只是新巴那批換了皮後太滑，煞車時很易
整個人滑出座椅 。

在英國坐過同一款Trend-Tex座椅，感覺就差得遠……
改用絲絨皮後不知為何連座墊、背墊也變得很硬，坐上去便覺得頂著背
部……更糟的是很多(我坐過Wright B6、Solo都是這樣)座墊過短，只是
足夠承托著我三分二個屁股……
坐過用這款座椅的巴士約40分鐘，屁股和腰骨痛了半天……

原帖由 ML29 於 2009-10-1 11:45 發表

中/新/城巴這批Trend-Tex座椅已經算不錯，至少夠軟，座墊長度也算
可以(不過下層好像短一點)，只是新巴那批換了皮後太滑，煞車時很易
整個人滑出座椅 。

點只，而家 D Trend - Tex 凳好多都已經
俾人坐到 lip 哂，再加上超滑凳面，而家
坐佢真係仲慘過罰坐無影凳。

不過小學真係試過幾次, 傷口未癒合晒, 又咁岩坐城巴毛毛椅.
一參張椅 (跌損手掌) / 跪個膝頭 (跌損膝頭) / 擦到傷口 (或者掻損手腳)..........傷口痛到飛起.


我就反而覺得按摩椅ok, 可能我脊骨有d 問題, 一定要d support 先會坐得舒服.
我通常都會pat pat 坐前d, 咁脊骨中段就會黐住張椅, 下段就稍為離開左張椅, 擘開d 對腳, 感覺都ok 唔會太頂.

[ 本帖最後由 av220 於 2009-10-2 02:19 編輯 ]

我最憎坐HU9385的坐椅, 因為頭枕角度太後, ''ai"'落去會好辛苦

原帖由 kiwai 於 2009-10-3 10:08 發表
我最憎坐HU9385的坐椅, 因為頭枕角度太後, ''ai"'落去會好辛苦

Vogelsitze座椅其實乘坐感不錯，但九巴早期用這款座椅的車角度
都裝得很差，大大減低舒適度……
Volgren 3ASV就是例子，座距少之餘椅背又裝得太直，坐上去既頂
背脊又頂腳……

原帖由 HW8373 於 2009-9-26 15:21 發表

2.九記快餐椅
相信無人會反對
有時覺得坐佢地重辛苦過坐公園 d 木凳
(架車會 dun 下 dun 下，公園唔會)

九記快餐椅絕對是本人眼中最難坐的巴士座椅，記得年少時有次貪新鮮坐某快餐豪@103，
仲要由蒲飛路坐到返竹園，那一次是人生第一次在香港坐巴士坐到pat pat同腰骨痛左成晚，
自此之後小弟就好抗拒坐快餐豪，見親一定坐下班，上一次坐快餐豪起碼是6年前坐87A了！

又有一次有位九巴車長朋友咁好彩坐中特見HU6558@270A上水出佐敦，佢之前從未見識過快餐椅的''舒適度''，
結果佢話''享受''了45分鐘快餐椅已經話頂唔順，結果佢由獅隧公路企到去佐敦落車，一落車就對小弟講
話D快餐椅唔係人坐，講晒粗口咁......

另外新橙和港鐵的''按摩椅''又係好難坐，不過好在而家新巴上層車頭果四個位大多已經換椅，所以都無咁怕坐到按摩椅車，不過港鐵就難避免D...