廢除內地通行證 提升中港交流

原帖由 SKY 於 2009-10-20 19:50 發表
有關港人現時所用護照(特區護照或BNO),當你真係去到外國時,你就會有機會深深感受到你持邊本護照入境分別！以我經驗單看去日本就知,我同班朋友去曰本,到步後辨落地簽証，我用BNO,2分鐘唔駛包影相打指毛即OK,我朋友就唔駛 ...

我去日本次次都係用特區護照, 速度同待遇同BNO無分別. 好似成田同關西呢類咁多香港人出入既機場, 關員對特區護照既認識分分鐘仲熟過持證人啦.

而家日本仲話要放寬俾大陸人去旅遊添.

[ 本帖最後由 PB602 於 2009-10-20 23:31 編輯 ]

我諗除左輪迴, 其他答案都唔會啱你心水
尤其政治

原帖由 SKY 於 2009-10-20 19:50 發表
有關港人現時所用護照(特區護照或BNO),當你真係去到外國時,你就會有機會深深感受到你持邊本護照入境分別！以我經驗單看去日本就知,我同班朋友去曰本,到步後辨落地簽証，我用BNO,2分鐘唔駛包影相打指毛即OK,我朋友就唔駛 ...

唔好講日本, 最近去南韓, 唔知夠運定乜野, 坐OZ750, 到埗時間0450, Check關同上次好大分別,
落機成棚等Check關, D外籍人過得快, 班華人面孔過關就惨咯! 本Passport俾入境班警員驗屍
咁驗, 個個都成分幾兩分先過到, 都唔只, 發覺有幾個持藍色Passport過唔到關, 唔通係香港SAR
持証人有事, 又唔係啩! 大陸PRC, 台灣ROC 以及澳門SAR都係咁嘅色者, 點知哨到前面兩個揸
HKSAR出事, 一個俾阿SIR問到口牙牙. 過唔到, 跟住果個阿姐, 果阿SIR望佢幾望, 都過唔到,
到小弟揸BNO埋位, 果阿SIR只望小弟一兩眼, 跟住巡例望內頁, (只有南韓,新加坡同泰國印),
即放, 但之前果D塞人時間, 搞到0600先出到閘.

[ 本帖最後由 A320 於 2009-11-2 11:32 編輯 ]

原帖由 SKY 於 2009-10-20 19:50 發表
有關港人現時所用護照(特區護照或BNO),當你真係去到外國時,你就會有機會深深感受到你持邊本護照入境分別！以我經驗單看去日本就知,我同班朋友去曰本,到步後辨落地簽証，我用BNO,2分鐘唔駛包影相打指毛即OK,我朋友就唔駛 ...

而家去日本要落地簽證？o甘你既經驗都係幾年前既事，不值得參考。

原來BNO在外國入境原來是咁方便咁快趣，可惜我又真係唔太覺，唔太feel到.......

小弟在過往兩年進出外國有起碼二十次，當中有時用BNO，有時用HKSAR，在有些曾經
出入境多次的國家(例如新加坡, 馬來西亞, 加拿大)，發覺用HKSAR會比用BNO更好，
試過有兩次入境新加坡同馬來西亞，個關員對住本BNO左驗又驗，好似從未見過BNO咁，
又問我幾條問題(樟宜機場用BNO無咩問題，果兩次都是過大士check point往返星馬)，
自此之後往返星馬小弟決定一律用HKSAR，可能因為本特區入面的星馬出入境印實在太多，
過往經驗過星馬時D海關通常只是望兩望本HKSAR就走，全程半分鐘唔洗就走得，用BNO就會
望耐D。三年前去南韓，用HKSAR過關，個關員都係望望本護照就放我走，仲同我微笑，感覺
良好，真係唔太覺用HKSAR出入境有咩問題，未乜點試過比海關留難，BNO就試過幾次。

至於加拿大就仲麻煩，試過有一次貪新鮮用BNO在YVR機場入境溫哥華，關員驗左本BNO好耐，
又不斷問我問題，最後比左張卡我去counter，比班關員繼續問，結果差不多半個鐘先走得，
之後每次用HKSAR入加拿大境，關員都只是好親切咁問了幾句簡單問題就放你走，感覺好好多。

至於英國，四個多月前去英國旅遊在LHR-T3入境，因為聽聞用BNO入境會方便D，所以就用佢，
不過表現真是大失所望，果位關員驗完本BNO後(我排non-EU)，不斷問我問題，前前後後問左
我超過10條問題，對比四年前用HKSAR入境英國，唔覺BNO比特區方便。仲有如果在外國出事，
用BNO去英國領事館分分鐘無人理你，叫你去番中國領事館求助。

聽板友們咁講,覺得自己用HKSAR都冇錯既。
本身係家人話由BNO轉HKSAR,
小弟不是咁想,
因為BNO假假地「萊佬野」,
但家人出錢,冇法。

不過小弟到現在,用HKSAR去咁多個國家都冇問題,
入境所需時間都好快。

但想問HKSAR申請美國簽證會不會較困難?
(因為小弟正想申請美國簽證)

原帖由 on11358 於 2009-11-3 01:59 發表


而家去日本要落地簽證？o甘你既經驗都係幾年前既事，不值得參考。

以我所知，去日本一係要預先o係日本領事館辦簽證(04年4月前)，一係免簽證(04年4月開始)，從來冇聽過日本落地簽證呢回事

定係有人唔識分免簽證同落地簽證，定係講緊BNO同特區護照以外既護照

真係好奇怪,
撐BNO的板友包括自己在內都話自己用BNO去邊都咁方便,眼見sar護照就比人留難(我眼見都係事實)
但撐Sar板友又話眼見BNO仲慘過sar.
唔係質疑邊方面講大話,有時呢d野好講運氣撞手神,
但我懷疑過境有冇受人禮待係關乎人的問題,唔係護照問題
即係,包括關員同旅客都有問題. 包括有d關員特別racist.有d旅客個樣冇出慣大場面,tun晒雞咁,令有/冇經驗的關員覺得有可疑.
你啖啖定咁果過關,擺明係熟程序ge,當然快攪掂
但你慌失失咁,望來望去鬼鬼鼠鼠,十問九唔識,點知你係咪假護照/想過期居留
再者,尤其係要簽證的國家,你本passport上面越多印,即係証明你唔會係每個地方留得耐,
即係你過期居留風險低d.咁就過關都更易.(聽做出入口岸的朋友講的)
ie:你去英國讀書,本passport(不論BNO同sar)入境都要打印.
你成個visa都打晒印,即係你會出出入入,去旅行番娘家,即你唔係做黑工同非法居留.當然問兩句就算啦.
去旅行尤其係非歐美人士,好多都用visiting visa入來做黑工.點都check耐d.好正常.

我本特區護照，有馬來西亞、南韓、日本、德國的蓋印，
其中日本最多，唔知係咪日本民族性關係，所有日本印都集埋一齊，都幾壯觀。

裡面還有由BNO轉至特區護照時，入境處見我有張日本簽證未過期，
成張貼紙型簽證撕出來貼在新護照上。

我今次係用羽田入境，檢查過程都很順暢，
或者話我以往無論拿甚麼護照（2001年前BNO），
都很順暢，連去德國時，其他中國人被問長問短，我都冇問題。

我認同樓上，關員主要都係睇你有冇閃閃縮縮架嗟，一臉泰然輕輕鬆鬆就冇事。

我相信大部分日本國際口岸都熟晒香港的護照（正如香港人熟晒日本），
唯一係唔知如果由釡山坐船去博多港，會唔會未見過香港人。