【怒】明白你地感覺很累，但難度我不感覺到迫嗎!!

@ 2009.10.02 09:51PM
@ 港鐵東鐵線北行列車第二卡




很多大陸自由行遊香港後，都會選擇搭港鐵東鐵線返回內地，這情況多年來屢見不鮮

如圖中二人位有三個疊在一起，大陸人很愛親密，她們坐得迫迫的也不介意，最慘就是那位正在玩PSP的香港男子，被迫埋牆，還要側身讓位

我沒看到事發經過，但我相信那男子是先坐在那二人位的，其後那兩位自由行女子才齊齊疊埋一堆，或者第二女子一聲不打緊便坐下，或者是第一女子表現得很"禮讓"讓第二女子坐下

那男子真係迫於無奈，不過那男子品德好，若果我是那男子，我是不會縱容她們這麼過份的，只少我一定會出聲，也不會這麼謙讓

真不明白為何大陸人會這麼自我中心，我明白玩完一天會很累，為了坐，不顧儀態面子爭先恐後搶位坐都算喇，大家都為自己著想，想搭長途火車時有位坐舒服點，但係座位有限，先到先得很理所當然，無得坐咪企下lor，為何一定要非坐不可呢？坐少一次會死人嗎？

若果你地全是認識的，三個人迫埋坐二人位，五六人迫埋坐四人位，當然無問題，但係原本已坐在那裡的是和你們互不相識的乘客，他有甚麼義務要讓部份座位給你們呢？你們是老人家？你們是傷殘人士？大家都係付了同等車費，你們有甚麼權利去私自佔用和剝削他這部份座位呢？


更多 @ http://pstommy.blogspot.com/2009/10/blog-post_8137.html

你又唔係果個男子, 你又知道佢會覺得被人"私自佔用和剝削佢這部份座位"呢？
當事人唔計較, 你計較咁多為咩呢?
個2個女子咁做等於"自我中心"嗎?
同埋好老實講句, 對遊客來講, 佢地會知道這個一定係二人位嗎?

少少事都咁燥, 為咩呢?

有數點不太認同
1) 樓主特別強調那兩位是自由行女子，可能你自己本身已經先入為主，帶有歧視成份。
2) 樓主認為大家都係付了同等車費，有甚麼權利去私自佔用和剝削這部份座位，但你既
然覺得那兩位是自由行女子，應該係坐東鐵去羅湖，羅湖車費已經貴一截，如果假設旁邊
果位男子唔係過境，咁佢付出既車費應該比該兩位女子為少，所以無法肯定他們是否付了
同等車費。
3) 那兩位女子帶著一袋二袋，個男仔只係玩PSP打機，如果我係個男仔，好應該發揮一D
gentleman 風度，第一時間起身讓座，有時唔係話一定要老弱傷殘，只要有需要都可以讓坐。
4) 那兩位女子只係迫係一張兩人座位上，我見過有其他人索性坐係地下，而有時亦都見有人
帶D輕便式自攜摺椅，摺椅非常迷你，可以袋到落褲袋，到坐東鐵無位座就係車廂度開自己
張摺椅座。

你呢張圖的情況已經唔算誇張,
起碼2個女人身形唔算肥, 果個男人都一樣,
加上果一排櫈都唔算窄, 3個人都仲勉強坐到~

我的經歷仲恐怖得多, 3個疑似大陸男人強行霸佔MLR的4人櫈,
果排櫈本身都已經唔闊, 坐4個人只係剛剛好,
果次我坐係右邊, 另一人坐係左邊, 而果3個男人就強行坐中間果兩個吉位,
其中一個男人仲企圖強行迫我出座位, 只不過我死都唔肯離開座位
同佢地鬥迫, 等佢地都一樣坐得唔舒服, 坐係我左邊果個男人見我唔肯走,
啤左我一眼之後就繼續死死氣坐落去

[ 本帖最後由 ES464470X 於 2009-10-3 14:24 編輯 ]

原帖由 zz567 於 2009-10-3 14:19 發表
那兩位女子帶著一袋二袋，個男仔只係玩PSP打機，如果我係個男仔，好應該發揮一D
gentleman 風度，第一時間起身讓座，有時唔係話一定要老弱傷殘，只要有需要都可以讓坐。

你看那男仔＂只＂係玩ＰＳＰ打機，　
我都可以看作那兩位女士剛剛ＳＨＯＰＰＩＮＧ完
你又怎知男個男士不比那兩位女士需要座位？

gentleman風度是這樣解作嗎？


對於閣下的見解，不敢苟同

關乜係唔係遊客的事?

有 d  野用隻眼望都知啦
唔通要拎把尺黎度下咩

還有什麼 "人地唔介意, 其他人出乜聲" 的心態
咪做就下次有樣學樣囉

兩邊諗, 當其他人都出聲
當時人都或者有所反應
唔係每個人, 當人地出聲時反會嫌人地多事
人地唔識, 就要教
佢地唔聽, 只係反映佢地既修養有問題
咁就真係唔關自己事喇

[ 本帖最後由 cky 於 2009-10-3 17:21 編輯 ]

相比起下圖，其實樓主果個情況唔算嚴重....
果位女士雖然冇出聲，但已經黑晒面，"chit chit"聲.

[ 本帖最後由 timmylee 於 2009-10-3 17:39 編輯 ]

其實東鐵線列車（尤其是千九）一向沒有標示這些座位可以坐多少人，
亦不像市區線列車有凹凸位和扶手柱分隔座椅。
假設相中有乘客是遊客，他們也未必清楚這些座位通常只坐四人，
因此我認為錯不在他們。

再者，香港有ｄ交通工具的座位更加窄，
例如一般村巴都是3+2座位排列，的士後座更加可以坐四人。
相比之下，東鐵列車這排座位坐五個人也算不上過份吧。

原帖由 drew 於 3/10/2009 18:32 發表
其實東鐵線列車（尤其是千九）一向沒有標示這些座位可以坐多少人，
亦不像市區線列車有凹凸位和扶手柱分隔座椅。
假設相中有乘客是遊客，他們也未必清楚這些座位通常只坐四人，
因此我認為錯不在他們。

再者，香港有ｄ交通工具的 ...

不可不提城巴男人。經常2人坐“1人位”。
小弟坐12M也經常和其他乘客搭位，
遇上行動不便/拖着小孩的就索性讓座

上個月有次下午繁忙時間O係紅磡上西鐵, 當時對面一排五個位坐左三個人,
跟住有五個年輕日本女性上車, 其中三個坐落剩餘果兩個位, 睇落去已經好迫, 但其餘
果兩個竟然坐大脾... (之後佢地O係尖東落車)

[ 本帖最後由 fw1321 於 2009-10-3 20:23 編輯 ]