(轉載)公共專業聯盟活動: 新高鐵「貫通南北方案」發布會

原帖由 a_drew 於 2009-11-29 19:06 發表



有冇睇新聞, 有人舉banner反對共匪高鐵入侵香港
班人仲唔快d主子美英插手....  
真係再講都晒氣... 成日話政府唔接納佢地意見?
咁佢地又有冇尊重支持高鐵人士既意見?

呢班示威常客宜家仲衝擊政府總部,
佢地 ...

其實都要預左激烈行動, 可能會越來越多....

同天星/天后問題差不多....可能香港之後每次大型基建,
都會咁了...

原帖由 053h4 於 2009-11-29 20:31 發表


編文章前切係, "鐵路迷"只係對鐵路有片面的理解
我唔認為, 所有"標稱為鐵路迷", 對鐵路都有完滿的認識

不過咁, 我想講的事, 當內地大量出版高鐵的材料
某論壇(當然, 事非亦多)係有紹內地高鐵全套技術及設計相關資 ...

其實睇佢最後個兩段，佢應該至少唔係反高鐵，
只係認為港鐵過分商業化，唔似得JR咁親民

不過佢前大半段嘅論點真係 尤其是：

由於一班「鐵路迷」已經沒有了深入認識鐵路的渠道，以致他們一旦聽到有「官方」資料，便會趨之若鶩，不去（亦無法）思考便盲目支持，同時也令這個興趣圈子變成了鐵路公司的「一言堂」。

佢對「鐵路迷」嘅認識係咪只係電視新聞個d鐵膠??
呢度點睇都唔係「一旦聽到有「官方」資料，便會趨之若鶩，不去（亦無法）思考便盲目支持」吧

原帖由 Kaix 於 2009-11-30 02:05 發表


其實睇佢最後個兩段，佢應該至少唔係反高鐵，
只係認為港鐵過分商業化，唔似得JR咁親民

不過佢前大半段嘅論點真係 尤其是：


佢對「鐵路迷」嘅認識係咪只係電視新聞個d鐵膠??
呢度點睇都唔係「一旦聽到有「官方」資 ...

所以我都send返個回應畀明報，內裡提及鐵路迷並不是港鐵的應聲蟲，
也沒有義務這樣做，而是基於對大環境的理解，認為香港需要高鐵，所以支持高鐵。
支持高鐵之餘，再因西九是現時最適合的車站選址，所以支持西九總站。
我唔知編輯部見到我個email會有咩反應喇。

而家都已經起晒底牌反高鐵啦，甚麼理由都是虛有其表，
對內地不理解而恐懼、對政府不信任而反對、對未來欠視野而寧願停滯不前......
香港如果玩完，呢一筆一定要算。

[ 本帖最後由 DIH 於 2009-11-30 16:37 編輯 ]

原帖由 DIH 於 2009/11/30 16:36 發表

所以我都send返個回應畀明報，內裡提及鐵路迷並不是港鐵的應聲蟲，
也沒有義務這樣做，而是基於對大環境的理解，認為香港需要高鐵，所以支持高鐵。
支持高鐵之餘，再因西九是現時最適合的車站選址，所以支持西九總站。
我唔知編輯 ...

"鐵路迷" 真係渺小得不可再渺小的一班人, 在輿論打擊 "鐵路迷" 真係唔知有咩用, "鐵路迷" 俾你打倒又如何, 高鐵要起o既都係要起, 高鐵起唔成 "鐵路迷" 都無能力扭轉結果, 佢當o左 "鐵路迷" 係立法會財委會成員咩。

不過我感覺篇文似指桑罵槐多o的, 打擊 "鐵路迷" 為名, 鬧港鐵唔開放鐵路資訊為實。講真港鐵越同 "鐵路迷" friend, "鐵路迷" 唔係應該更加支持港鐵? 我就睇唔出點解會相反。

分分鐘作者本身就係一個想港鐵開放資訊o既 "鐵路迷" 都未定。

原帖由 syp 於 2009-11-30 19:06 發表
不過我感覺篇文似指桑罵槐多o的, 打擊 "鐵路迷" 為名, 鬧港鐵唔開放鐵路資訊為實。講真港鐵越同 "鐵路迷" friend, "鐵路迷" 唔係應該更加支持港鐵? 我就睇唔出點解會相反。

分分鐘作者本身就係一個想港鐵開放資訊o既 "鐵路迷" 都未定。

所以，我推薦大家睇，從來冇話呢位人兄反對高鐵，或者鬧緊鐵路迷喎。

我自己的思考就係，反高鐵可以有好多理由，但竟然要舉起抗共匪的旗幟，
可以證明某部分香港人對內地事物的偏見何其嚴重，
部分人的封閉思想化成真正影響社會發展的行動，而政府即使推行必要基建都是腹背受敵，
歸根究柢，政府和港鐵在資訊公開、主動與市民溝通等方面，絕對有改善的空間。

我都知內地好多人的行為真係不敢恭維，制度又不完善，我都好少上去，但我敢講，
經觀察後，我對內地的了解比經常北上經商的舊同學可以係差唔多甚至比佢地更深入。

政府架床叠屋，而家負責推銷的係運輸及ＸＸＸ局副局長（我背唔出個局名），
為什麼不是運輸署？政制及內地事務局？港鐵？
副局長的工作是推銷的話，不如正名叫「發言人」啦，
在中美兩國「發言人」都好大官架，至少人地知道你係咩料。

政府今次（或者次次）都係輸人輸陣，唔係輸視野唔係輸research，咁好唔抵囉。

[ 本帖最後由 DIH 於 2009-11-30 20:33 編輯 ]

原帖由 053h4 於 2009/11/30 21:48 發表


點解"鐵路迷"要支持港鐵?(假如本人真係"鐵路迷", 本人支持高鐵發展, 但本人對港鐵係一D感覺都無)

"輿論打擊 "鐵路迷" 真係唔知有咩用", 我都唔知
但網上言論及網台, 確有人在打擊鐵路迷, 話對專業聯盟的方案唔公 ...

又或者咁諗, 當全港一面倒反高鐵時, 支持政府方案的, 凡專業團體或學者皆可打成替政府說話攞著數, 餘下難說有利益關係的 "民間" 群體只餘下 "鐵路迷" (或根本不是迷鐵路的, 都被標纖為鐵路迷), 只要打殘埋呢批人, 就可以做成全民一致反高鐵的現像; 又或者 "鐵路迷" 當中一些言論的確正中要害, 尤其 "聯盟" 方案的流弊被體無完膚地指出, 他們心想無法以理招架, 又有報復心理, 唯有扣帽子抹黑混淆視聽。

不過都係o個句, 市民大眾對 "XX 迷" 一般都唔會有咩好感 (除o左自己迷o既之外), 唔值得佢o地花心機去打擊, 要打花多o的時間打政府有效過。