(轉載)公共專業聯盟活動: 新高鐵「貫通南北方案」發布會

原帖由 kychung 於 2009-11-30 23:57 發表
今日我帶D天津人響香港玩
都係由佢地口中至知反對陣營響政府總部玩到咁激
佢地都對京津城際ge正面作用讚不絕口
問返我轉頭
話唔明做乜你地香港人要咁討厭呢樣野
老實講
果D"反對理由"我真係覺得講出黎俾人笑 ...

有d香港人連廣深CRH都未坐過啦... 你講咁長遠呢班人會明嘛?
一句佢唔坐高鐵就話係廢鐵、膠鐵...真係不知所謂

原帖由 ahbong 於 2009-12-1 00:40 發表
節錄蘋果日報：

他們靜坐後輪流發言，有女示威者說：「我哋嘅要求其實好卑微，不外乎係反高鐵、停撥款；政府回購領匯；平反六四，同結束一黨專政，好多香港人一直都有咁嘅訴求，點解政府從來都唔肯聽！」

我都好慶幸，反高鐵遊行被其他 ...

咁多樣加埋
仲係要加呢兩樣
咁叫卑微

原帖由 a_drew 於 2009/12/1 00:47 發表


有d香港人連廣深CRH都未坐過啦... 你講咁長遠呢班人會明嘛?
一句佢唔坐高鐵就話係廢鐵、膠鐵...真係不知所謂

高鐵項目犯眾憎有佢原罪o既因素, 一來同大陸有關對香港人已經冇好感, 二來本身香港去廣州而家的確幾方便, 高鐵對一般人來講聽落唔見得特別吸引, 對於唔需要返大陸o既人又用唔到高鐵去玩 (如果高鐵係駁去台灣日本泰國就完全兩回事喇), 二線城市o的名聽都未聽過。大拿拿 600 億對一般人無甚明顯切身和直接益處, 同佢講間接經濟利益真係o徙氣, 一日到黑講 "邊緣化" 又抽象又令人覺得危言聳聽, 加上菜園村、西九設站等等又更加有令人大大炒作空間, 唔全民皆反至奇。

所以我覺得別有用心反對的的確 "不知所謂", 但一般港人唔明白之下反對, 我認為情有可原, 政府有時的確冇真心做好宣傳。一日到黑 "邊緣化", 不如講多o的令人覺得有切身好處或者令人有好感o既理由好過。例如高鐵比飛機和其他交通工具環保 (講環保一向討好), 高鐵可以紓緩短途飛機需求令機場容量可以空出來俾多o的去 "台灣日本泰國" 航線開辦, 令機票價格都有下調空間云云 (呢個後生仔女一定好高興) ... 不過政府可能認為財委會鐵票已經 secured, 加上曾蔭權自尊心重又 "民望如浮雲", 想佢真心氹下你, 真係睬你都傻, 佢絕對係o個o的覺得越多人反對越要去上馬係一種成就o既人。

[ 本帖最後由 syp 於 2009-12-1 01:41 編輯 ]

原帖由 syp 於 2009-12-1 01:37 發表


加上菜園村、西九設站等等又更加有令人大大炒作空間, 唔全民皆反至奇。

所謂全民皆反，正正係大大炒作既又一例証。

區區千人，就講到全民，比民粹更民粹（民粹都只係大多數人既暴政，但而家連支持高鐵既意見都被完全沒殺，以千人代表七百萬人，變成全民皆反）

香港民主既質素真係低。

[ 本帖最後由 ahbong 於 2009-12-1 01:49 編輯 ]

原帖由 ahbong 於 2009/12/1 01:43 發表


所謂全民皆反，正正係大大炒作既又一例証。

區區千人，就講到全民，比民粹更民粹。香港民主既質素真係低。

講 "全民" 係誇張o左, 但你話香港今時今日大部份人支持定反對, 我會話傾向反對o既多。

當日未提建築成本, 未有收地等問題時, 隨口問下一般人應唔應該起, 梗係話應該o架。但一講到要 600 億, 於是o的人就問, 條線點走? 西九龍直上深圳, 中途冇站。第一個反應, o下! 得一個站, 成條行隧道, 要我南下出市區又北上, 點解唔去羅湖轉車? 咁貴起o黎做乜? 至少我身邊朋友同事, 大多都係咁反應。

所餘下支持o既理據, 除o左無法驗證o既預測數字 (機鐵、迪士尼高估預測已經令支持政府預測的理據冇定企), 另外就得返o的好 technical o既理據, 一般市民唔會理解, 所以呢o的支持者就輕易被打成 鐵路 "迷", 即係一班 "盲目 fans", 幾有道理o既理據都唔會再有人聽入耳。

但而家連支持高鐵既意見都被完全沒殺，以千人代表七百萬人，變成全民皆反

千人代表唔到七百萬人, 但如果冇千人以上站出來表達支持興建, 好難令人信服支持的較多咁解o者。

[ 本帖最後由 syp 於 2009-12-1 02:00 編輯 ]

原帖由 syp 於 2009-12-1 01:51 發表


千人代表唔到七百萬人, 但如果冇千人以上站出來表達支持興建, 好難令人信服支持的較多咁解o者。

一項基建是否值得，與是否大多數人支持或反對並無關係。

若全民公投 (A) 六百億興建高鐵 (B) 六百億派糖，肯定 (B) 會獲得更多支持，但這個議題涉及更專業的領域，而非一項適合作公投的議題。政府的決策，正正是考慮長遠的發展，而非如一般市民只看到當前的利益。

[ 本帖最後由 ahbong 於 2009-12-1 02:08 編輯 ]

原帖由 ahbong 於 2009/12/1 02:05 發表


一項基建是否著得，與是否大多數人支持或反對並無關係。

若全民公投 (A) 六百億興建高鐵 (B) 六百億派糖，肯定 (B) 會獲得更多支持，但這個議題涉及更專業的領域，而非一項適合作公投的議題。政府的決策，正正是長遠的發展， ...

咁你剛才提到 "民主", 政府做一o的唔係大多數人支持o既事, 咁點樣唔會同 "民主" 理念相違背?

原帖由 syp 於 2009-12-1 02:09 發表


咁你剛才提到 "民主", 政府做一o的唔係大多數人支持o既事, 咁點樣唔會同 "民主" 理念相違背?

請你唔好誤解，我並無指任何議題都要遁民主方式解決。

我係指出有部份人仕，以為發動更多人遊行等於可以合理化他們反對的理由，但有多少人支持與理由本身是否合理並無關係。大多數人支持的反對理由，亦可能與專業決策相違背。

原帖由 ahbong 於 2009/12/1 02:16 發表


請你唔好誤解，我並無指任何議題都要遁民主方式解決。

我係指出有部份人仕，以為發動更多人遊行等於可以合理化他們反對的理由，但有多少人支持與理由本身是否合理並無關係。大多數人支持的反對理由，亦可能與專業決策相違 ...

係你先提 "民主", 我才跟你講 "民主"。以我理解, "民主" 即係由人民作主, 體現在少數服從多數, 政府推行多數人支持的政策, 這和政策是不是合理, 是不是與專業決策相違, 有什麼關係?

如你認為此議題不應遁民主方式解決, 那你提什麼 "民主" 呢? 如何決定哪些議題應以民主解決, 哪些不應呢? 政府每一個公共決策都有其專業和深奧的一面, 是不是通通都因為人民不夠專業不了解, 所以不用考慮以少數服從多數為原則推行呢, 那我們還需要普選嗎? (一旦有 "普選", 理論上結果跟 "公投" 是分別不大, 因為在普選下, 議員代表市民表決。)

當初是你說千人反對說成代表全港大部份人反對是民主質素低, 但當我說的確有可能全港大部份人反對時, 你又說政府可以推行大部份人反對的政策, 不用理會民主, 那你究竟抬 "民主" 出來有什麼意思? 都不知你想表達什麼。

[ 本帖最後由 syp 於 2009-12-1 07:44 編輯 ]

原帖由 syp 於 2009-12-1 07:30 發表


係你先提 "民主", 我才跟你講 "民主"。以我理解, "民主" 即係由人民作主, 體現在少數服從多數, 政府推行多數人支持的政策, 這和政策是不是合理, 是不是與專業決策相違, 有什麼關係?

如你認為此議題不應遁民主方式 ...

其實現在似乎連有關高鐵的民調都好似未有人做過(有可以講返出黎), 好難用一兩次示威,
去理解整體"民意"...尤其對於大部分議題, 反對者出黎示威好正常, 但就較少會出現支持者
示威, 這是一般事實, 所以現在的確未清楚有關民意支持度....

而想講返, "民主"的意思, 唔係"少數服從多數", 而是"少數尊重多數", 我想呢方面如果要討論,
要更清楚呢d概念...

其實成件事, 有人激烈示威, 我是預左, 不過似乎我都有d失望, 是政府的回應往往未能令市民
理解整個計劃, 去加強支持, 如政府一直回應都無提到由2000年開始的"區域快線"計畫, 亦無提
返共用方案為何否決等, 政府亦唔能夠有效地用返法律觀點去講收地問題....令到反對者的意見
不斷吹大, 政府就繼續只是官腔話做左...但無詳細講返做過d乜...

即今次明明政府係正確, d官員都好似好驚, 唔敢講出更加真相gum

[ 本帖最後由 3ASV196 於 2009-12-1 08:32 編輯 ]