(轉載)公共專業聯盟活動: 新高鐵「貫通南北方案」發布會

原帖由 syp 於 2009-12-1 07:30 發表


如你認為此議題不應遁民主方式解決, 那你提什麼 "民主" 呢? 如何決定哪些議題應以民主解決, 哪些不應呢? 政府每一個公共決策都有其專業和深奧的一面, 是不是通通都因為人民不夠專業不了解, 所以不用考慮以少數服從多數為原則推行呢, 那我們還需要普選嗎? (一旦有 "普選", 理論上結果跟 "公投" 是分別不大, 因為在普選下, 議員代表市民表決。)

首先，我並不認為興建一項基建，要提升到民主、普選等大事大非的政治層次。

我認為政府每推一項基建，必然會有得益者，亦有反對者。例如九十年代興建新機場，亦有不同反對聲音，但興建的共識是存在，就應交由專家決定如何平衡社會各方的利益，而不是單單聽從反對的聲音，就拉倒方案。我認為就今次高鐵事件，政府提出高價收購方案解決菜園村問題，而大角嘴居民的憂慮，是可以透過政府進一步提供資料去解決。整件事的解決方法，不應透過騎劫民意，去放大反對或支持的聲音，否則便會出現社會分化，對社會沒有好處。

今日，菜園村、大角咀、華景山莊的「代表」，
前往民建聯、民主黨、工聯會總部要求會見，叫佢地投反對票。

大角咀同華景山莊......真係好笑喇，
提出地底鑽隧道會爆炸地陷的人唔知係邊個深山出來既，
又唔見彌敦道地陷？又唔見英皇道地陷？又唔見獅子山筆架山爆炸？
西港島線係咪應該都反對埋？

如果同一條路線，同一個建築方法，唔係廣深港高鐵，
而係香港境內一區一站的地鐵，唔知呢班人會唔會反對呢？

「港鐵在我屋企樓下探土呀，我好驚成個屋苑沉落去呀，沙中線唔該即刻叫停！」

講到尾，都係因為自己要付出，但沒有即時回報（所謂回報包括使用交通的便利），
就玉石俱焚要全香港陪你一齊做井底蛙。乜都焚晒香港就成一片焦土。

只係顯得佢地幾咁愚昧自私。
愚昧自私，就是回歸後香港整體的寫照。

[ 本帖最後由 DIH 於 2009-12-1 11:46 編輯 ]

我諗大角咀居民反對，唔只係因為怕地陷，而係怕舊樓重建時，因為高鐵響地下而影響重建規模

原帖由 jpoon 於 2009-12-1 11:48 發表
我諗大角咀居民反對，唔只係因為怕地陷，而係怕舊樓重建時，因為高鐵響地下而影響重建規模

一早已經有大角咀人出黎講高鐵累到佢地第時冇得重建5-60層住宅啦