(轉載)公共專業聯盟活動: 新高鐵「貫通南北方案」發布會

我都係咁講架喇
要咁搞法不如用返共用通道方案算啦

我反而覺得偉大的「專家」們幫政府反襯左現時個方案,
佢提出呢一個新方案正正突顯左政府現時方案的優點
明眼人睇完都會更加支持政府既方案

發神經的建議, 將高鐵站放係市區外圍, 要人搭一程20-30分鐘車先可以轉乘, 咁同自殺有咩分別
以其他城市為例, 日本會把東北新幹線總站放大宮, 東海道新幹線總站放橫濱嗎?
況且青衣有位起站嗎, 要坐完幾個鐘既旅客係錦上路搶到青衣再迫東涌線去港島區...
完全是狗屁不通的建議

繼續咁爭吵下去對香港有害無益, 憑菜園村係唔可以阻礙香港發展既

原帖由 kychung 於 2009-10-8 00:28 發表
我都係咁講架喇
要咁搞法不如用返共用通道方案算啦

咁不如唔好起好過
起北環線, 搭高鐵請在落馬洲過關過深圳搭

其實香港有幾大, 方案可以有咩新意.....同預期一樣,
只不過同之前d方案唔同, 係加建返更好的交通連接
去錦上路....

睇左有關pdf, 發現內容比較空範, 好簡單地作出比較,
似乎比較少考慮到新方案本身亦有一定困難/cost,
(或者有考慮到, 但pdf無寫出黎)

另外有關"專家組"的組成, 本身並不夠全面, 如缺少左
產業測量師 同工料測量師, 呢d專業人士專門針對地政,
土地運用, 及工料價錢/造價, 專家組缺少了呢d人才..

其實有d唔明, 點解要反而起多條機鐵支線, 都唔起埋
高鐵出市區....@@ 其實真係節省得多少.....搞到咁,
認為錦上路係香港中心的話(什麼香港交匯站咁勁),
不如建議埋將錦上路發展成香港新市中心...(似日本d
未來漫畫, "新都心" haha) 將商業發展搬晒去, 到時
又有機鐵, 又有高鐵, 又有"港島快線", 又有"東西走廊"
(西鐵+東九龍線+馬鐵), 仲唔係香港商業中心? 唔發展
都浪費左咁好的交通配套la....勁ar, 不過可能周邊要發展,
遲下收地收埋上返菜園村 haha

其實認真d講, 整個咁大咁勁的public transport interchange node
係錦上路, 就算政府唔發展, 私人業權都會發展那度一帶, 如果以新
界人文生活方面, 及環境方面去睇, 將來的"破壞"一定會比現有方案大,
如果有關人士真係擔心菜園村等鄉村生活問題的話, 應該可以咁諗下,
尤其專家組有town planner, 無理由唔知呢d野, 除非你話政府以強大
的法定規劃制度, 去作出限制, 但就會明顯浪費左那一邊的發展...真係
搵野黎搞....

[ 本帖最後由 3ASV196 於 2009-10-8 09:53 編輯 ]

原帖由 3ASV196 於 2009-10-8 09:06 發表
其實認真d講, 整個咁大咁勁的public transport interchange node
係錦上路, 就算政府唔發展, 私人業權都會發展那度一帶, 如果以新
界人文生活方面, 及環境方面去睇, 將來的"破壞"一定會比現有方案大,
如果有關人士真係擔心菜園村等鄉村生活問題的話, 應該可以咁諗下

總之反高鐵嘅就係同一陣線，
菜園村只係佢地一隻棋子

原帖由 Kaix 於 2009-10-8 10:34 發表


總之反高鐵嘅就係同一陣線，
菜園村只係佢地一隻棋子

其實或者咁講, 呢個社會本身就係充滿矛盾,
你搵一個經濟學家, 同一個環保專家, 去睇
同一樣野, 都可能矛盾晒, 結果完全相反...

所以要搵野反, 一定可以搵到, 仲好易tim, 正如
"政府方案支持者", 都好容易對呢個"專家方案"
作出極大批評....

我諗我地係要搵一個方案, 係比較平衡...而政府方案,
最大問題, 其實都只係貴....其實其他, 如位置配套, 地
底定線, 都來得好好.....

之前好多工程, 政府為左節省d 錢, 好多工程都引起好多
爭執, 如落馬洲支線, 現在的西南港島線, 真係難得政府肯
咁落本, 唔介意用多d 錢 去起高鐵, 反而可以換來更多批評

不過其實都有樣野好, 其他人可以講得出其他方案, 其實已
經證明左高鐵的存在價值, 好過部分人, 甚至認為高鐵係唔
需要/唔應該起...

希望個設計分歧, 可以慢慢收窄...

原帖由 s3n354 於 2009-10-8 01:33 發表
發神經的建議, 將高鐵站放係市區外圍, 要人搭一程20-30分鐘車先可以轉乘, 咁同自殺有咩分別
以其他城市為例, 日本會把東北新幹線總站放大宮, 東海道新幹線總站放橫濱嗎?

未免誇大了吧。

　大宮與東京距離30.5公里，新幹線的車程為25分鐘、高崎線轉京濱東北線的車程為33分鐘。（新幹線快8分鐘）
新橫濱與東京距離28.8公里，新幹線的車程為19分鐘、横須賀線的車程為26分鐘。（新幹線快7分鐘）

錦上路與西九龍（柯士甸站）的距離才18.7公里，車程為16分鐘。
撇除技術因素，假設青衣至錦上路興建了聯絡線，由錦上路經機場快線路軌直達香港站的車程也只是17分鐘。

原帖由 tonyng 於 2009-10-8 12:04 發表

未免誇大了吧。

　大宮與東京距離30.5公里，新幹線的車程為25分鐘、高崎線轉京濱東北線的車程為33分鐘。（新幹線快8分鐘）
新橫濱與東京距離28.8公里，新幹線的車程為19分鐘、横須賀線的車程為26分鐘。（新幹線快7分鐘）

錦上路與西九龍（柯士甸站）的距離才18.7公里，車程為16分鐘。
撇除技術因素，假設青衣至錦上路興建了聯絡線，由錦上路經機場快線路軌直達香港站的車程也只是17分鐘。

我又反問:青衣去錦上路如果要零收地又可以點起?
一部新幹線可以由大阪市中心去到東京市中心,又唔見佢地要去到新横浜同人迫横浜線+横須賀線?