沙中線九龍城段新方案車站暫稱：宋王臺站、樂民站

其實沙中線起好之時，西鐵、沙紅線同馬鐵會連結為東西線，到時已經有錦田同大圍兩個廠，係咪真係多車到兩個廠都唔夠用？

原帖由 ~~Knysna~~ 於 2009-10-23 20:24 發表
其實沙中線起好之時，西鐵、沙紅線同馬鐵會連結為東西線，到時已經有錦田同大圍兩個廠，係咪真係多車到兩個廠都唔夠用？

東西線將會有53抽車營運，八鄉車廠及大圍車廠合共亦不能容納全數列車。

根據沙中線的介紹單張，指出因要於清晨設立短途班次在九龍區開車，以填補新界頭車到達九龍前的空檔，所以要在舊大磡村設列車停泊場。但如果計西行，由大圍廠開吉車到鑽石山站並不是太遠，東行由停泊場開到荃灣西（或美孚）站比由錦上路開出去更麻煩，所以列車停泊場效用成疑。最多便安排列車停泊在鑽石山/荃灣西站留宿

原帖由 Kaix 於 2009-10-21 12:08 發表


有乜證據??

沙中線因咩原因搞咁耐，你冇理由唔知

明日南土瓜灣關注組有行動,地點土瓜灣街坊福利會.

沙中線計劃越少/越遠支援工地,興建時間相對會拖延.

原帖由 Wright---AVW16 於 2009-10-23 21:20 發表
根據沙中線的介紹單張，指出因要於清晨設立短途班次在九龍區開車，以填補新界頭車到達九龍前的空檔，所以要在舊大磡村設列車停泊場。但如果計西行，由大圍廠開吉車到鑽石山站並不是太遠，東行由停泊場開到荃灣西（或美孚）站比由錦 ...

睇個樣, 地鐵係想食左車廠上面塊地至真 ..

我想問,
東西線同南北線都咁長,
到時東鐵過海後,
成條線得何東樓一個廠咪唔夠?
如果東鐵一個廠可以應付到,
點解東西線兩個廠都搞唔掂?

原帖由 Wright---AVW16 於 2009-10-23 21:20 發表
最多便安排列車停泊在鑽石山/荃灣西站留宿

主線收車後工程車要作維修, 不可能有列車停在主線!
當然荃灣西有兩條側線可停兩列車.

建議可以在啟德站月台底下建多條側線(好似中環站咁),
因為啟德站是Cut and Cover興建, 地又大.

[ 本帖最後由 waichiu 於 2009-10-24 01:06 編輯 ]

原帖由 053h4 於 2009-10-22 20:14 發表
東涌線4軌區間只係青衣都九龍, 但係, 就算海底隧道共軌, 都可以做到2.25分鐘一班

Hmm…看來仲密過將軍澳綫繁時的3+1聯合班次喎！

原帖由 053h4 於 2009-10-22 20:14 發表
你認為一條沙中線, 可新增多少南行的過海人流?

荃灣線現時都未飽和, 間中等車時間比較耐, 亦有加班空間, 可必高估沙中線初期過唔到海的影響

講真，小弟並無公交的客量數據，估計當然只靠直覺。

南環綫通車後，聽聞有好多原本於尖沙咀駁荃灣綫過海的東鐵客因新轉車安排而改搭隧巴過海。而原本於南昌駁東涌綫過海的西鐵客並無改用荃灣綫過海，不過就有批西鐵客改用紅磡站駁隧巴過海。再加上原本搭「西鐵←→美孚←→荃灣綫←→尖沙咀」的乘客可一程過用西鐵綫往返大西北同尖沙咀，無需再駁荃灣綫。結果南環綫真係疏導了荃灣綫，不過就令紅隧口的隧巴站迫上加迫了！即係話，就算荃灣綫真係有足夠空間應付到沙中綫初期過唔到海的人流，現時紅隧口已經迫爆o左！以下就係一些證明：

http://hk.news.yahoo.com/article/090817/4/dr4u.html
以上只不過是南環綫通車第一個工作天的情況，未必能作準，所以等多約一個月，得出的結果是：

原帖由 gn3509 於2009-9-14 11:51發表
差唔多晚晚六點半左右，放學既ｐｏｌｙ學生同紅隧轉車客都會迫埋一齊
連入閘機都要大排長龍
以前唔會咁

仲有於十月廿七日新發現的＜東方日報＞文章：
http://orientaldaily.on.cc/cnt/news/20091027/00176_008.html

其實小弟於南環綫未通車前已預測到南環綫會令紅隧口的巴士站迫上加迫，直至沙中綫過到海為止。為嘗試避免紅隧口的擠迫情況進一步惡化（即係嘗試為沙中綫一拖再拖的後果「補鑊」），小弟以前已建議了批隧巴分流措施，主要把往返中西區的過海客分流至西隧，當中也包括東鐵客改搭西隧巴士往返中西區，若想睇詳細內容可按以下連結（註：首 4 個帖子是原文，其餘是小弟對其他站友的意見作出回應）：
http://www.hkitalk.net/HKiTalk2/viewthread.php?tid=418980&page=1&authorid=13096

總括來講，雖然小弟未必準確地預測到沙中綫初期過唔到海之影響，不過關於南環綫啟用後對紅隧口巴士站／紅磡站之影響就真係被我估中。

[ 本帖最後由 Ka-Lun 於 2009-10-28 00:37 編輯 ]

原帖由 SSBT 於 2009-10-23 08:46 發表
睇個樣, 地鐵係想食左車廠上面塊地至真 ..

我想問,
東西線同南北線都咁長,
到時東鐵過海後,
成條線得何東樓一個廠咪唔夠?
如果東鐵一個廠可以應付到,
點解東西線兩個廠都搞唔掂?

當小弟得悉馬鞍山綫的車廠設於大圍，而唔係設於人煙較稀小的亞公角或大水坑，我懷疑馬鐵車廠設於大圍的目的，究竟係唔係要令東鐵的列車可以借用大圍車廠，令東鐵列車可以停泊於何東樓同大圍呢？

原帖由 DIH 於 2009-10-22 22:28 發表
沙中綫一推再推，幾乎真係區區都有問題，我鑽石山呢邊就無啦啦整個車廠，
更加要重置古蹟，甚至爆出為了方便港鐵辦事而將有關古蹟降格，
時間上絕對唔係巧合，我覺得絕對稱得上係醜聞。
我有朋友在保育組織做事，佢話港鐵在開會時態度十分差，公關言詞係有，但立場就係寸步不讓。
我都send過email去問，得到的答覆都係講完等於無講。
好耐之前，話個廠在啟德，無人地帶咪好地地，唔知點解硬係要搬去鑽石山「辣」火頭。

其實之前建議啟德車廠的位置亦即係現在的宋皇臺站囉！雖然這位置本身是空地，附近其實有好多民居，例如傲雲峰、真善美邨、及九龍城市中心（即九龍城廣場至富豪東方洒店一帶），所以就有 83% 居民支持設宋王臺站 囉！其實小弟之前都有唸過，若果之前建議的啟德車廠之位置能夠起車站就好了，真是要感謝這 83% 的居民令小弟的夢想成真！

所以不論車廠是設於啟德（近宋皇臺）或鑽石山，兩者都有民居。不過鑽石山個 site 就要重置古蹟，這是啟德車廠方案冇需做的，所以若東西走廊真係要加廠，小弟會 prefer 設於啟德一帶。

原帖由 Kaix 於 2009-10-21 12:08 發表


有乜證據??

沙中線因咩原因搞咁耐，你冇理由唔知

証據就在我手,早兩日啱啱要接手高鐵工程既投標,成大堆圖則同文件,但因全部有copyright,唔可以upload上來,只可以簡單講吓
高鐵市區段,因走線冇乜位選擇,有好多都要經過原有建築物既地底同地基,有部份既地基結構(pile and pile cap),要大幅修改同加固,然後至可以進行高鐵既隧道鑽挖工作,(tunnel boring)
有部份既地基樁柱只係近十年先至做,呢d咁既地基結構修改同加固工程,設計都已經非常複雜,施工就更加唔使講
相反,沙中線(大圍紅磡段)走線,基本上都可以係現有馬路底,設計同施工難度都冇高鐵咁大
試問好似高鐵呢個咁石破天驚,直頭係石頭爆出來而施工難度又咁大既工程.,可以爬頭,開工早過一個計劃左咁多年,工程難度相對較低既沙中線(大圍紅磡段),如果唔係政策上刻意傾斜,實在難以解釋,難以服眾

[ 本帖最後由 Sandyclay 於 2009-10-24 18:22 編輯 ]