長遠鐵路項目：九龍橫貫綫

於本 R1 版的另一主題＜沙中線九龍城段新方案車站暫稱：宋王臺站、樂民站＞，小弟發現有些站友提出一條好新鮮的鐵路項目，不過這項目並不屬於沙中綫的範圍，也不會用作沙中綫分段通車之特別安排，所以小弟決定 based on 他們以下的回應來開個新主題：

原帖由 DIH 於 2009-10-22 22:28 發表
宋皇臺站用呢個名好。（我自己發夢中的九龍橫貫線會在此處與沙中綫轉乘，叫九龍城都得。）

原帖由 Kaix 於 2009-10-22 23:38 發表
的確有得諗，
因為個站個擺法係令到由九龍灣展貿可以一條直線插入宋皇臺站、亞皆老街
(...)-牛頭角-九龍灣西-宋皇臺-真何文田-佐敦-西九龍

增強觀塘副都心之高鐵接駁
增強鐵路在觀塘區往佐敦/尖沙咀之競爭力
增強鐵路在大西北往觀塘副都心之競爭力

自從 MTR 東隧綫通o左車後，小弟已經發現藍田往返尖沙咀的用 MTR 最快路之線是過兩次海，而唔係經旺角。所以小弟廿年前已經開始 daydream 一條鐵路綫令藍田往返尖沙咀冇需再一程過兩次海，路線同上面的綠色字好相似。

不過小弟一直無提出這條鐵路建議，因為有其它鐵路項目比這條九龍橫貫綫更迫切，anyway，該項目應可以 file 在長遠鐵路發展項目裏。該項目興建要等幾耐呢？其實可以兩睇：

一、當北港島綫項目完成後（包括寶琳／康城直達堅尼地城），「將軍澳區←→油麻地／青衣／大嶼山」甚至「觀塘站←→尖沙咀」的最快路線會由經觀塘綫變成經港島區。以現時來講，觀塘綫的客量已不及荃灣綫和港島綫，若把將軍澳綫延長至西環來分薄觀塘綫的乘客，這樣港鐵見觀塘綫尚未飽和，又怎會建九龍橫貫綫呢？

二、啟德發展會令 MTR 網絡〔包括觀塘綫、港島綫（未來的將綫港島段）〕增添額外乘客，當觀塘綫及港島區的鐵路再趨向飽和時，小弟相信 MTR 會積極規劃同興建九龍橫貫綫。

你們又點睇呢？歡迎討論！

[ 本帖最後由 Ka-Lun 於 2009-10-23 22:55 編輯 ]

其實香港既鐵路網絡有太多平行既路線, 如
　西鐵線vs東涌線 (機場快線可以獨立計算由得佢)
　港島線vs北港島線

唔係話要否定九龍南線及北港島線既需要, 只係如果o係九龍中起一條東、西連接線, 網絡發展可以更加完整及平均。

個人本來認為最理想既係九龍東西連接線係來自西鐵線既延伸：
西鐵線<>南昌<>大角咀(櫻桃街地底)<>旺角(亞皆老街地底, 連接荃灣線及東鐵線)<>九龍城(連接沙中線)<>九龍灣(啟福道架空)<>牛頭角(現有觀塘線月台上層)

不過既然九龍南線已落成, 呢條連接線將難已作為現有鐵路線之延長段, 而只能獨立發展, 需求會因此下降, 規模亦可縮減。
因此建議已輕/中型鐵路發展：
牛頭角<>九龍灣<>馬頭角(土瓜灣道地底, 近現九龍城碼頭)<>樂民(連接沙中線)<>真何文田<>油麻地(窩打老道地底)<>九龍站(使用現有月台下層空間)

希望藉此計劃順便平息沙中線土瓜灣段走線既爭議。

原帖由 Ka-Lun 於 2009-10-24 11:53 發表
一、當北港島綫項目完成後（包括寶琳／康城直達堅尼地城），「將軍澳區←→油麻地／青衣／大嶼山」甚至「觀塘站←→尖沙咀」的最快路線會由經觀塘綫變成經港島區。以現時來講，觀塘綫的客量已不及荃灣綫和港島綫，若把將軍澳綫延長至西環來分薄觀塘綫的乘客，這樣港鐵見觀塘綫尚未飽和，又怎會建九龍橫貫綫呢？

觀塘線擠迫情況不至於荃灣線和港島線，
主因係觀塘線可以兩邊走，有雙向繁忙時間，
其實觀塘線客量並不低

「將軍澳區←→油麻地／青衣／大嶼山」客量並不明顯，
而「觀塘區←→尖沙咀」亦早已是巴士囊中物，
所以九龍橫貫線與觀塘線之客源並冇衝突

佐敦至西九龍段可以增強彌敦道至高鐵站之接駁，減少依賴巴士

原帖由 Ka-Lun 於 2009-10-24 11:53 發表
二、啟德發展會令 MTR 網絡〔包括觀塘綫、港島綫（未來的將綫港島段）〕增添額外乘客，當觀塘綫及港島區的鐵路再趨向飽和時，小弟相信 MTR 會積極規劃同興建九龍橫貫綫。

那麼MTR現在應該要在宋皇臺站及西九龍站設預留位

原帖由 Kaix 於 24-10-2009 12:39 PM 發表


觀塘線擠迫情況不至於荃灣線和港島線，
主因係觀塘線可以兩邊走，有雙向繁忙時間，
其實觀塘線客量並不低

「將軍澳區←→油麻地／青衣／大嶼山」客量並不明顯，
而「觀塘區←→尖沙咀」亦早已是巴士囊中物，
所以九龍橫貫線與觀 ...

西面總站可以用九龍站下層既預留空間, 不過唔知同高鐵打交差有無影響...
個人認為西鐵線乘客係無需要於柯士甸站轉橫貫線, 因為可以去到宋皇臺站先轉車,
反而如能跟東涌線做到平排的上下層轉車, 可以發揮更大既效用。

原帖由 Kaix 於 2009-10-23 23:39 發表
觀塘線擠迫情況不至於荃灣線和港島線，
主因係觀塘線可以兩邊走，有雙向繁忙時間，
其實觀塘線客量並不低

「將軍澳區←→油麻地／青衣／大嶼山」客量並不明顯，

應同以上兩點。

原帖由 Kaix 於 2009-10-23 23:39 發表
而「觀塘區←→尖沙咀」亦早已是巴士囊中物，
所以九龍橫貫線與觀塘線之客源並冇衝突

冇錯，由觀塘區往返尖沙咀是可以搭九記 1A、13X、215X、219X 或 224X 等路線，但就算搭 X 字尾的所謂特快線往返，都唔一定會快過 MTR，尤其係早繁往尖沙咀，過了啟德隧道後就要於東九龍走廊同紅隧車龍一齊塞，變o左早上由觀塘去尖沙咀搭 MTR 會最省時。所以九龍橫貫綫一旦通車，這批觀塘去尖沙咀客便會由原本用觀塘綫改用九龍橫貫綫，不過這批客只不過佔觀塘綫乘客的好小部分，所以大致上九龍橫貫綫與觀塘綫之客源並冇明顯衝突。

不過中九龍幹線又會不會影響九龍橫貫綫的命運呢？若果真是要實踐以鐵路為骨幹的交通系統，又係唔係應該要於未起中九龍幹線前，先起九龍橫貫綫呢？

如果用小弟先前的建議
觀塘->旺角->尖沙咀
大家有甚麻看法
http://www.hkitalk.net/HKiTalk2/viewthread.php?tid=424977&extra=page%3D4

原帖由 Ka-Lun 於 2009-10-24 11:53 發表
於本 R1 版的另一主題＜沙中線九龍城段新方案車站暫稱：宋王臺站、樂民站＞，小弟發現有些站友提出一條好新鮮的鐵路項目，不過這項目並不屬於沙中綫的範圍，也不會用作沙中綫分段通車之特別安排，所以小弟決定 based on 他們以下的 ...

沙中綫通車後,可以經鑽石山轉乘東西綫到尖東,唔知會唔會快過過兩次海?

[ 本帖最後由 thomasluke231 於 2009-10-31 22:56 編輯 ]

終於有人「夠膽」提出。

我都估唔到有不少站友同我有相似的idea，
更驚人的是大家都同樣有「啟德停機坪－九龍灣啟福道－牛頭角」這一段，
可能因為該段實在太似鐵路預留位。

我係2007年去完東京後，受大江戶線和副都心線兩條地鐵啟發，構思出香港的九龍橫貫綫。
不過我的走線和大家唔同，因為當時遇有文章討論38/42C/40P，
使一條快速連接觀塘「副都心」及荃葵青的鐵路，浮現出來。

東段＝寶琳、翠林；遠期發展。
中段＝秀茂坪－九龍塘，其中秀茂坪－牛頭角，有三條走線選擇：
　　　1. 地底直接連結加翠屏站(住於北邨)
　　　2. 與觀塘綫並行架空加觀塘站
　　　3. 偉業街架空［加建觀塘碼頭站、翠屏站(住於觀塘遊樂場)及牛頭角站改在偉業街上］
　　　然後是九龍灣南（啟福道）、九龍城（宋皇臺）、九龍塘。
西段＝九龍塘、大窩坪（同時服務白田、澤安、李鄭屋）、荔枝角（長順街地底）、
　　　美孚（荔枝角公園地底，接駁西鐵綫而非荃灣綫）、荔景、青衣（此兩站與東涌綫共用）

列車須與東涌綫兼容，西端以青衣為終點站，
利用機場快綫阻礙東涌綫的空檔及兩班東涌綫之間的空檔發車。

九龍城以西同大家的建議好唔同，我的重點是紓緩觀塘綫東段轉乘東鐵綫的人流，
來往觀塘和新界北的乘客可以利用新線，減少車站及縮短行車時間，
觀塘綫九龍塘至牛頭角一段則可主力運輸「前往此區者」。

九龍東及將軍澳，則可減少轉車次數及縮短乘客時間，前往新界西及機場。
極端例子：往來觀塘及青衣（我一個朋友的通勤路線），
現有網絡係：15站、轉車2次、35分鐘
利用此線係：9站(-40%)、轉車0次(-100%)、約25分鐘(-28%, 呢個真係純估)

理想的車廠選址是秀茂坪站附近、將軍澳隧道口的山谷，可以興建屏風樓上蓋物業。

當然，我知道這是非常粗疏膚淺的建議，我無有關路段的地質、人口分佈等的詳細資料，
真係「在地圖上畫條線」，但哪條路線不是由地圖上一條線開始？

希望大家都可以參考一下，真係純業餘架咋。

[ 本帖最後由 DIH 於 2010-11-6 17:22 編輯 ]