媽媽死一死吧

原帖由 FBI2 於 2009-10-28 09:54 發表


本人有考慮過實際情況,加上樓主涉嫌觸犯多條板規,包括:
22. 不得發表宣傳、煽動或鼓吹賭博、色情、暴力、血腥、極端政治主義、違犯站內規則、不正當或不合乎道德操守行為之文章。
23. 不得宣傳含淫褻、不雅、粗俗 ...

不過咁喎,你唔記得左睇評分附例
5.  a. 一般情況下，站友只能進行 aPower 評分。
    b. 如站友認為某一文章可能違反站規 16, 17 或 18 條，
       可以對文章給予 iPower 負評分，
       惟必須在扣分時援引相關的站規條號，並加以說明。
    c. iPower 及 aPower 評分不可同時使用。

7.  站友必須填寫充分的理由解釋自己的評分數額。
    a. 正評分不設硬性規限，但除特殊情況外，不應多於 +3。
    b. 除本附例第 7A 條所指的情況外，
       不可進行多於 -3 aPower 或 -5 iPower 的負評分。
    c. 以簡短理由進行大額評分者，不論正負，評分可被局部或全數抵銷。
    d. 任何理由與評分之正負不符者，評分可被全數抵銷。

7A. 如站友認為有人進行搗亂行為，
    可用「根據評分附例第 7A 條」作理由，
    進行本附例第 5 及第 7 條的規限以外的評分，
    但必須同時向分板板主報告文章及向專員報告評分。
    「搗亂行為」包括但不限於：
    *  在一小時內於一個或以上分板發表三個或以上內容相同之主題
       在一小時內於同一主題發表三篇或以上符合站規 53(b) 條中
       (V), (VIII), (IX), (XI), (XII), (XIII), (XIV) 等項描述之言論
    *  在一小時內於同一主題發表三篇或以上內容相同之灌水文章
      (灌水文章定義見站規 16 條)

之前有人咁扣唔代表有咁扣冇問題架噃

[ 本帖最後由 gn3509 於 2009-10-28 11:50 編輯 ]

樓主的題目真的有違道德，竟說出大逆不道話
可能個人在出文的時候偏向是想國語，MM4148嘛，想到的都只是"美眉洗一洗髮"

樓主，知錯要能錯，希望你以此事為戒，別再干犯
同時，希望大家在批評時都能給予樓主建議，從而令樓主有雙向成長

[ 本帖最後由 JT4686 於 2009-10-28 11:58 編輯 ]

原帖由 kay 於 2009-10-28 09:17 發表
好地地又會有人一口氣扣ip同ap，
仲話唔扣爆唔得
今次admin35又有野要做啦~

算啦，既然佢地扣得落手，就應該知道後果會如何吧


分就廢事扣喇，反正有好多版友幫手扣左

原帖由 JT4686 於 2009-10-28 11:53 發表
樓主的題目真的有違道德，竟說出大逆不道話
可能個人在出文的時候偏向是想國語，MM4148嘛，想到的都只是"美眉洗一洗髮"

樓主，知錯要能錯，希望你以此事為戒，別再干犯
同時，希望大家在批評時都能給予樓主建議，從而令樓主有雙向成 ...

似乎閣下既想像力真係豐富得滯..  

不過樓主咁厚面皮 , 講黎都晒氣啦 , 倒不如班 BM  ban 佢算啦..  

只封人了事，難保不會有第二次，第三次同樣的事件嘛？
作出處分令看文的新手以此為戒才可以收成效

又黎....樓主自己唔出聲，要其他人解話....
說實話，最清楚自己做緊乜既，只係得樓主自己一個。
我地講咩都無用，同樣事件已發生了多次。
既然樓主可以出得呢d標題，即是說可以從中反映出他如何對待自己的媽媽/心態吧。
又或者，這可能是一種另類發洩行為。

三日內連續出現左兩篇針對個別行為不當既巴士迷既聲討文章
(巴敗企係東九龍繁忙馬路中心影相事件，同埋呢一篇)
我覺得係時候為呢班人講翻小小公道說話


其實樓主同個班所謂「巴敗」
係極有可能患有不同程度既亞氏保加症
又稱高智能自閉症
(從樓主過往發文黎睇，樓主智力極度正常，亦唔係無可能資優)
呢個毛病呢兩年間係 tvb 都有一兩個節目提及過
http://www.youtube.com/watch?v=NNJtDSYU2R4
只不過呢一兩個節目取證方面偏向極化
專拎 d 明顯到係人都睇得出既 case 黎講
大家睇完都未明白到
其實呢樣「病」係我地巴迷圈子黎講係非常普遍
而且對呢 d 人有嚴重誤解


http://www.ied.edu.hk/aspire/aspire_2_2.html
其實唔係鍾意巴士/鐵路就有病
而係因為通常有呢個毛病既人都咁岩鍾意巴士/鐵路而矣
咁點解鍾意巴士 (其實包括埋鐵路)既人
會特別常有呢種「失禮其他行家」、「大逆不道」既行為呢？
其實佢地唔係弱智，唔係不孝，唔係無家教
而係佢地缺乏左人類應有既感情 (唔係智力)，分唔清邊 d 情況唔可以做/講 d 乜


本人對此毛病既人都略有認識/研究^^^^^^^
呢班人現實生活中絕對唔係大家所講咁無家教、不可理喻、不孝
但係日常生活中完全唔識得分緩急輕重
做個大膽假設
呢班人屋企要員不幸過身
若果佢地係靈堂上做緊儀式時
收到朋友電話話邊度有激特/古典巴士出巡
佢地一拜完之後都會即刻歡天喜地咁樣仆去影相
情感上完全同屋企人過身呢件事隔開
外人睇落去就會覺得佢地不孝
阿媽死左都重去得影巴士
實情係佢地既情感撈亂晒/隔得太開
係殮房/靈堂傷心完就完全無左回事
好開心咁做左第樣野而不自知


呢班人對佢地要做既事都好執著
例如為左影特見分分鐘可以以超乎呢度大部分版友既耐力去等待車輛出現
同時為求拍攝順利
佢地會做好多令人側目既行為去完成佢地想做既事
(例如爆粗鬧阻著佢地既行人，不顧後果企馬路中心影車)
其實佢地唔係目無法紀
亦唔係弱智
但係對其他人所訂立既法制認知薄弱
而大眾見佢地智力正常(甚至資優)，唔相信佢地係唔識守法姐


明顯地香港人同埋呢度各版友望見佢地此等行為
而想幫佢地扶回「正軌」時都用錯方法
實情係莫講話我地習體杯葛某 d「巴敗」、扣到某版友變 beggar、停佢地版
就算佢地因為對著途人爆粗/企出馬路影相而俾人打/俾車撞到重傷
佢地都係唔會明白佢地係有 d 野做得唔岩
俾車撞完出院第二日又企翻出馬路影巴士/鬧 d 阻著佢既途人


呢 d 人其實係應該搵專業人士協助
呢種社交障礙係外國其實已經有好深入既研究
發覺其實係相當普遍既一件事
就黎唔會再叫呢種障礙做「病」
唯獨是華人對呢 d 事認知得特別慢
大家有咩事都無諗過透過醫學途徑解決
結果咪造就左咁多「病人」出黎


大家其實可以諗下
正常人企出馬路影相/做完 d 好似好唔岩既行為
俾各大公交討論區既「自己人」日日討伐法
理應都對巴士/鐵路無晒興趣，心淡退出公交圈子啦
佢地逗留左係度咁耐都重係錯落去
明顯就係感情接收方面出左問題 (唔係弱智，佢地識字識講野，讀書應該同正常人無分別)
令佢地 sense 唔到大家對佢地既行為有不滿
所以先會繼續咁落去姐
養狗既日日鬧隻狗，隻狗都識得唔好曳曳
要依照翻主人 (正常社會規範)既方法做野啦
更何況係人類？


^^^^^^^利益申報：本人、本人好幾個朋友及大家家人都有輕微既亞氏保加症
(不過我唔係因為堅持企出馬路影巴士而俾人捉去見專家既 )
亦都讀緊呢方面既野
多年黎受過/見到好多平常人誤解我地
(下下一句「無家教」、「無禮貌」dud 過黎就算)
有感而發


最後講翻「媽媽死一死吧」呢句
恕我直言
呢幾隻字我就完全睇唔出不孝左去邊
(「死一死」姐，又唔係真係叫阿媽去死)
最大問題係樓主係一個版友年齡約 1x-3x 既 forum 度貼
(呢度唔多細路仔，但又唔多活躍版友已經做緊父母，
所以一般版友可能會好敏感咁覺得做父母既聽到呢句一定會好傷心)
從第三者角度睇
其他人好容易過分敏感地覺得樓主想阿媽死
情況就如而家世上一個規模龐大既西方宗教
將追星/拜祖先/尊敬父母/做瑜珈/冥想都夾硬拉左落去「崇拜偶像」呢欄度大肆討伐
俾人一種捕風捉影既感覺
係某 d 人眼裡睇黎會覺得係笑話
係某 d 人眼裡睇黎就覺得呢度 d 人唔講得笑、過分嚴肅等等

[ 本帖最後由 HW8373 於 2009-10-28 13:33 編輯 ]

原帖由 HW8373 於 2009-10-28 13:27 發表
三日內連續出現左兩篇針對個別行為不當既巴士迷既聲討文章
(巴敗企係東九龍繁忙馬路中心影相事件，同埋呢一篇)
我覺得係時候為呢班人講翻小小公道說話


其實樓主同個班所謂「巴敗」
係極有可能患有不同程度既亞氏保加 ...

其實有些事情,避諱很重要,就如今次為例,很明顯會勾起一些板友家庭的傷心事,開玩笑也不應用人去做例子.
現在樓主不是行為的問題,而是標題令人反感的問題.

原帖由 CTB@315 於 2009-10-27 19:34 發表
124424
(本人曾經在香_討論區貼,可能有版友見過都唔定)

wt do u want to tell us by the title !?

原帖由 GY8271@93A 於 2009-10-28 14:11 發表

wt do u want to tell us by the title !?

請留意車牌。

媽媽 = MM，死一死吧 = 4148。