B1再加密班次

原帖由 053h4 於 2009-10-31 02:51 發表


本來都怕你話SET 到條線班次疏, 咁就扲條車海線做例比較
你估小巴出車海, 就一定易上車, D乘客又一定好易等車?

B3X繁忙時間, 都坐滿一架雙層巴士, 有時都要企少少
咁都叫少人啊, 都要6~7部小巴先載得晒啦

重有,  ...

回埋最後一次,

77班次係點你清楚過我,
77係咪要等十幾分鐘兼有車飛站,你清楚過我
20分鐘開唔開到6-7架77,你清楚過我
你係都要顧左右而言他只為駁斥我的話,
我諗都冇必要再討論落去

[ 本帖最後由 gn3509 於 2009-10-31 03:03 編輯 ]

原帖由 053h4 於 2009-10-31 03:06 發表


講真, 77班次, 而家係做緊3分鐘一班左右
咁嶼巴, 多人時段多係上離, 少過5分鐘就有一班車, 你話搶客, 我真係唔知點搶得晒
講城巴, B3X一條線就係要6~7部小巴先載得晒
B3真係疏到無譜, 咁比小巴搶晒客都唔出奇, 但 ...

而家既77已經係比起未有福田之前少左5-6架車架喇喎，...仲要輪流咁抽1架去77A...
係咪做到3分鐘左右一班真係好令我懷疑囉...
同埋，就算3分鐘一班，但都係打爆之後天耀天瑞唔入既
所以天水圍人唔少都轉坐B2P，就算係班次比77疏

B1呢條線當初個個諗住過到福田既交通配套較差之餘
仲有黃巴士響隔離，又有深西B2在前，實唔會做得起
但係佢成功之處係︰
1. 點到點，一程車就過到關，唔駛77/277轉黃巴咁轉折
2. 平，10蚊返大陸，以前邊個諗得到？仲要有轉乘喎
3. 快，不論福田過關既時間定係車程都係比起以前既方法為快令人去到深圳既中心區
B1定位方面成功過277，同埋九記做開見有得賺先放咁多資源落去
就算俾條小巴75可以俾佢行公路做特快，但呢個餅佢都食唔晒(根本唔夠車俾佢做)

各有各定位，根本冇得搶客...

[ 本帖最後由 士刁拔尼．奧 於 2009-10-31 08:59 編輯 ]

原帖由 hoho900 於 2009-10-31 01:00 發表
68X+B1 真係西九龍區過境最平組合
一般港人上到去,真係鍾意坐地鐵多過坐巴士,因為感覺安全D!

將來福田口岸有冇方案會開到十二點呢!?

如果要福田口岸開到12點，估計需要條件係：

1. 地鐵四號線班次加密(現時福田口岸的部分巴士線比地鐵班次略密)。

2. 地鐵四號線通左出二線。

3. 落馬洲支線加密班次及延長服務時間(這個要配合埋古洞新市鎮發展)。

4. 開左北環線(這個要配合埋古洞和洪水橋新市鎮發展)。



唔好話西九區，沙田區雖然有直達口岸的東鐵線乘搭，但如果要用較平既方法，如下：

1. 東鐵線到上水($4.7/$5.6)--->76K/元朗紅小到落馬洲轉車站($5/$?)--->皇巴去皇崗($7，唔知有冇加過價)===>$17-約$20

2. (城隧X線---->[$7/$7.9])269D到東頭村/又新街(後者順便暢人民幣)[$14.5($7.5)]--->B1去福田口岸($9-$3.7)===>$19.8/$20.7

但這兩個方法是極度轉折和費時。

有冇B1的新行車時間表？

原帖由 053h4 於 2009-10-31 10:04 發表


你講那幾點都好認同, 不過, B1有傳聞的蝕變賺, 關鍵係佢改線
改左線之後, 客量即時有明顯升幅(改線之後幾日係東頭村上車, 我試過連續4架車飛站, 改線前好難出現呢種盛況)

而褔田口岸, 以現時絕大部份人的的士+地 ...

據說現時B1是九巴數一數二之賺錢線之一.
不過,點解加密極D班次都係咁疏既(假日例外)?陣間又要搭!

[ 本帖最後由 FBI2 於 2009-10-31 13:01 編輯 ]

B1我未搭過

之但係睇黎當年九巴放棄開B3(&B2?)剩做B1好成功播,
而家B1多多車都唔夠

原帖由 93A_S3_6:30am 於 2009-10-31 13:25 發表
B1我未搭過

之但係睇黎當年九巴放棄開B3(&B2?)剩做B1好成功播,
而家B1多多車都唔夠

B1/2/3係公開競投的

re: 053h4
我由佢第1日開線睇住B1(因為我以前間公司正正響B1元朗某一個站)
呢條線一路都係紅日多人，放工多人
但係可能開頭要守定係福田果陣都係未完成工程既原因先平日比較少人
其實果陣6架車行叫做夠食囉(唔會好賺但係又唔駛蝕)
改線我會話係錦上添花...搶埋77皇崗客先令到佢咁旺場
天水圍幾個站預返會有20客左右啦...(同時77每車坐全程既平均得5-6個人左右)

re: FBI2
車就真係多架...但係多人上車易誤點
所以去到谷亭街個站好易拖卡，通常上唔到車等多唔駛好耐下一班就會到架喇...
見得多既係前車頂閘後車半吉清元朗鐵路站既客，出站一頂閘一坐滿
仲會有元朗柯打車幫手喎...所以我會建議你去谷亭街等B1...

最高紀錄係拖3部車響元朗尾站... 1頂1企1坐大半
咁你諗到有幾多客喇 (未計等75去落馬洲既人喎)
所以B1既需求係極大，加車一定點都有客夠填成本