[新聞]地鐵將停止發售「學生租用版八達通卡」

[ref=396606]tonsmallboy[/ref]  在 2005-10-18 04:03 PM 發表該新聞的主要內容：
1.由2005年11月1日起，全線地鐵將停止發售「學生租用版八達通卡」

2.由2006年2月1日開始，現有的學生租用版八達通卡將一律被扣取成人八達通卡的車費

地鐵而家終於停售學生八達通了！D學生又唔駛驚被人捉喇，但就每3/2/1年就要給一次「手續費」了

到時紫仔會被轉為成人八仔。我相信八達通公司會把紫仔回收，再重新製造成人八仔出才出巿面。

[ref=401857]simon12[/ref]  在 2005-10-24 12:30 發表:



到時紫仔會被轉為成人八仔。我相信八達通公司會把紫仔回收，再重新製造成人八仔出才出巿面。

點回收?
除非紫卡持有人主動到票務處退回,
否則全面回收根本不可行,
因為地鐵,九鐵,甚至八達通公司根本唔會知邊個市民仍擁有紫卡
市面上一定會有剩餘的紫卡流通

[ref=401934]TP人[/ref]  在 2005-10-24 03:10 PM 發表:



點回收?
除非紫卡持有人主動到票務處退回,
否則全面回收根本不可行,
因為地鐵,九鐵,甚至八達通公司根本唔會知邊個市民仍擁有紫卡
市面上一定會有剩餘的紫卡流通

個意思係即剩在公司未售出的紫仔

[ref=401728]dennis28a[/ref]  在 2005-10-24 02:44 AM 發表:



我都無話因為暗而取消地鐵學生乘車證，我係話因為車站較暗，引致查票員既分辨能力有問題。

我一直都係話張證本身係過膠，即係指個本身設計有問題，容易偽造，因而推出學生身分八達通代替。

地鐵站有幾暗？
就算俾你講得通，係咪因為咁就要用個人咭取代乘車證？
因為咁就要停售租用版學生咭？
因為咁就要由二月開始用租用版都要扣成人車費？
你之前所講既灰色地帶和漏洞是什麼？
希望閣下正面回答

[ref=401857]simon12[/ref]  在 2005-10-24 12:30 PM 發表:



到時紫仔會被轉為成人八仔。我相信八達通公司會把紫仔回收，再重新製造成人八仔出才出巿面。

唔駛回收，還掂都有部份人會拎兩張八達通出街，
等拎住有學生身份個人八達通同埋紫卡那一批人
唔再係全日制學生又或者過左25歲之後就可以用得返，
或者用果張紫卡搭其他交通工具都得(前提係冇學生優惠)。

唔知收返全費之後，一個成人用紫卡搭地鐵又得唔得呢？#:-[

[ Last edited by on11358 on 2005-10-24 at 22:48 ]

[ref=399722]virus[/ref]  在 2005-10-22 12:05 AM 發表:



於售票處/票務處貼出A4通告

指由十一月一日起停售

並沒有交代原因

所有發卡點都會停售紫卡(1/11)

[ref=398071]Raymond[/ref]  在 2005-10-20 02:08 AM 發表:



職員分唔到係職員失職，車站環境暗就更加唔成理由
況且又會有幾多人為左貪半價而做假證呢？

你所講既理由根本就完全唔成立

呢個係一個逃票的手法，並非理由，希望你分清楚。

[ref=402430]arhang2001[/ref]  在 2005-10-25 12:04 AM 發表:



呢個係一個逃票的手法，並非理由，希望你分清楚。

因為車站燈光太暗，有乘客用假證而地鐵職員查唔出係地鐵既問題
咁呢個又係咪要禁示學生用租用版八達通黎搭半價車既理由呀？

請問你知唔知講緊乜？
希望你都分清楚

[ Last edited by Raymond on 2005-10-25 at 00:18 ]

[ref=402107]Raymond[/ref]  在 2005-10-24 07:39 PM 發表:


地鐵站有幾暗？
就算俾你講得通，係咪因為咁就要用個人咭取代乘車證？
因為咁就要停售租用版學生咭？
因為咁就要由二月開始用租用版都要扣成人車費？
你之前所講既灰色地帶和漏洞是什麼？
希望閣下正面回答

我想問返轉頭，然而學生八達通係為地鐵學生乘車證而設，現在地鐵學生乘車證永遠消失，請問學生八達通的意義何在？重點係點解地鐵取締地鐵學生乘車證。

地鐵學生乘車證的消失，主要係資源及技術兩大問題，一講就要講番去點解地鐵學生乘車證的出現。地鐵學生乘車證的出現係為香港認可院校全日制學生提供地鐵半價優惠，亦減低成人逃票的問題，但當年根本沒有八達通卡的存在，而車票當年亦不能加上任何學生資料，故另外製作地鐵學生乘車證，以作檢查。直至八達通卡出現，地鐵初期亦未有學生個人八達通計劃，學生八達通因而出現。

自從八達通卡的出現，係資源方面黎講，根本不宜製造大量一次性的地鐵學生乘車證，以致嚴重浪費資源（注意，當年係免費申請既）；另方面，技術上亦可行於八達通卡上加入個人資料，亦可以減低乘車證的偽造、盜用等問題，儘管地鐵不斷加強乘車證防偽特徵，但係都未能有效減低偽造的問題（其實以前係有人提過，大家亦都見過乘車證一年比一年花巧，但係防偽特徵增加，成本亦都會增加，最終引致收費）。

另外，學生八達通（或單程票及儲值票都係）有一個好嚴重既問題，基本上係人都買到，我想問問大家真係有幾何被人捉到（嚴重灰色地帶）？雖然單程票既問題存在，但係至少簡化整個制度，一無學生個人八達通，一律當違反《地鐵附例》，唔通仲慢慢研究張乘車證係唔係真咩。

如果學生八達通共存，只會令制度複習化，同時間睇下張學生八達通有無入閘記錄，又要睇下張學生個人八達通有無效；相反，單程票理論上係要係售票機買，基本上收費區持有車票都係合法，而且單程票既收費係貴 D，經常乘搭地鐵亦會使用八達通，只有一少部份人使用單程票，制度簡化亦可集中檢查單程票既乘客，試問檢控率會否上升？漏洞明顯因而縮窄。

[ref=402459]dennis28a[/ref]  在 2005-10-25 12:27 AM 發表:

我想問返轉頭，然而學生八達通係為地鐵學生乘車證而設，現在地鐵學生乘車證永遠消失，請問學生八達通的意義何在？重點係點解地鐵取締地鐵學生乘車證。

請你攪清楚
取締地鐵學生乘車證的是個人版學生八達通
而不是租用版學生八達通
為什麼無乘車證就唔可以有租用版既學生咭？
學生不可以持兩張八達通咭嗎？
如果張個人咭跌左/壞左/付左錢又無時間去增值
咁就要被迫去排隊買價錢較貴既單程飛才可享半價
但若果保留租用版學生咭
就可以解決到上述既問題

另外，學生八達通（或單程票及儲值票都係）有一個好嚴重既問題，基本上係人都買到，我想問問大家真係有幾何被人捉到（嚴重灰色地帶）？雖然單程票既問題存在，但係至少簡化整個制度，一無學生個人八達通，一律當違反《地鐵附例》，唔通仲慢慢研究張乘車證係唔係真咩。

請問搭地鐵係咪只可以用學生咭至可享有半價呢？
有心逃票者唔識買小童/長者咭逃票？
呢d咭都係"係人都買到"
咁閣下所指的"嚴重灰色地帶"又係咪真有其事呢？

如果學生八達通共存，只會令制度複習化，同時間睇下張學生八達通有無入閘記錄，又要睇下張學生個人八達通有無效；相反，單程票理論上係要係售票機買，基本上收費區持有車票都係合法，而且單程票既收費係貴 D，經常乘搭地鐵亦會使用八達通，只有一少部份人使用單程票，制度簡化亦可集中檢查單程票既乘客，試問檢控率會否上升？漏洞明顯因而縮窄。

請問兩者共存會如何複習化？
我都俾人查過飛幾次，我用租用版八達通入閘
佢係唔會理我入閘果張咭有無入閘記錄
個查票員一開口就會講"先生，請問有無學生身份既個人八達通或者學生乘車證"
所以根本不存在制度簡化問題

仲有請你攪清楚，無論八達通定單程票
總之用半價飛入閘的話，查票員就有責任去查票
並不可集中檢查單程票乘客而令檢控率上升
如果係咁，D人咪個個買晒小童/長者八達通黎避你查飛？
唔好咁單鈍吧......