點解當年761唔改總站,而要改名????

點解當年761唔改總站,而要改名????
其實總站由天榮改做天逸就得??

點解要761P取代761?

原帖由 [S]teven 於 2009-11-4 23:36 發表
點解當年761唔改總站,而要改名????
其實總站由天榮改做天逸就得??

點解要761P取代761?

因為實際係 761 同 761P 有一段長時間係一同存在, 人人都知 761 天榮, 761P 天逸, 當然係用 761P 啦.

原帖由 wilsonli321 於 2009-11-5 00:04 發表

少搭761P既人/外區人,有可能會誤以為還有正線761的存在,白白乾等
P 正常來說是解輔助性質/繁忙時間的路線
有些乘客對路線系統的掌握,極有可能會從編號系統估計
這亦才有利於腦中記憶系統對公共交通的認識

但輕鐵主要都係服務區內既人, 而唔係區內人
貿然改走個P其實有實際需要？

如果係區外人, 更加係唔識分761/761P
咁佢地係咪應該會更留意到自己係要搭咩車?
當佢地係要加倍留意，就唔會以為還有正線761的存在,白白乾等

陰謀論：
港鐵故意保留P字，表示係「順應民意」而保留，761其實已被處死。

區外人搭錯車或等錯車就唔會嘅，只係會有點奇怪，
反而可能以為非繁時就冇761P，走去搭巴士。
又或者有人手頭上只有幾年前的資料，想搭761又搵唔到，
見到條761P完全一樣又唔知有冇分別，不過整體上唔係大問題。

其實實際上就應該係咩分別
不過P字一向係代表輔助線
呢個唔只係巴士迷知,其實普羅大眾好多都知
都已經係約定俗成的規律

E家巴士都有分邊d區用唔同number
如果全部線都亂改number
例如輕鐵線路變哂D咩 312C,482R,550A咁樣的number
咁叫人點記呀?
雖然講得誇張左D
但係有個規律點解又唔跟番呢?
可以易記d呀嘛!

原帖由 wilsonli321 於 2009-11-5 16:41 發表
任何交通路線都會係服務區內常客為主,外區生客較少
如果經常這樣違反編碼法則,整個香港交通編碼制度就會愈來愈亂
同樣地,天水圍居民假如出了港島遇上相同情況,也會摸不著頭腦

既然是熟客,即使刪了P字與否,他們就可以很快掌握,對他們根本影響不大
生客當然要留意搭咩車,可是所謂「留意」的過程中,難免會靠編號估計意義
不然,為何當初要定立編號規則?
舉例說:
1系 = 海隧過海
6系 = 東隧過海
9系 = 西隧過海
假如當初105改行西隧,仍叫105,你認為又會產生什麼問題?
雖然105與905的路線不同,但這個例子下,要說明的是「編號規則」的作用

而且761P變成了常規路線,刪除P字是很正常,為何要視之為「貿然」?
要怪就怪當初輕鐵做事拖泥帶水,當初沒有順勢改埋,而家改就的確有點「貿然」的感覺吧

你提到
「如果經常這樣違反編碼法則,整個香港交通編碼制度就會愈來愈亂
同樣地,天水圍居民假如出了港島遇上相同情況,也會摸不著頭腦」

我就諗會唔會有可能係要留番個編號唔轉，等唔係熟客既人再o黎搭番輕鐵既時候
就會知道呢架係761P，可能同761有唔同，然後就再留意下條線既走法..


「而且761P變成了常規路線,刪除P字是很正常,為何要視之為「貿然」?」
我就未敢苟同，761P雖然係變o左常規路線，但係有咁大需要刪除P字？
可能你太誇張「違反編碼法則」喇。。因為照我睇，761P仍然可以好清楚咁話比人知呢條線係同原本既761相近
－＞既然你提到105/905，咁港島8P, 九龍8P, 新界276P, 都係常規路線+有P字，又有無實際需要刪除P字
我就認為無，因為個P字係話比人知呢條係輔助線
無錯，761P既正線761已經取消，但我仍然覺得有需要話番比人知呢條線同原本既761P係有不同

其實你都提到
「有些乘客對路線系統的掌握,極有可能會從編號系統估計
這亦才有利於腦中記憶系統對公共交通的認識」
我都贊成既，但會唔會就係因為咁，港鐵/九鐵要比乘客容易掌握到路線既定線
所以先唔刪除P字，以免乘客混淆呢？
如果你話761取消，761P就要刪除P字，反而會更加不利於腦中記憶系統對公共交通的認識，特別係生客



照我睇，你著眼點可能係太著重
「P 正常來說是解輔助性質/繁忙時間的路線」
我覺得有時要睇真正既環境，而唔係話 P 正常來說是解輔助性質/繁忙時間的路線 就等於 P線變常規線就要對路線編號作出改動。。