反對興建西港島線

反對興建西港島線

1. 每公里平均造價可能是全球最高
港鐵西港島線全長三公里有三個車站,造價為154億港元。每公里
平均的造價為五十一億三千萬港元，或六點五億美元。相較而言
，2007年落成全長345公里的台灣高鐵每公里平均造價四千四百
七十一萬美元，1318公里長的京滬高鐵每公里平均造價二千四百
四十萬美元。港鐵西港島線每公里平均造價可能是全球最高的。

而且造價有機會飈升。政府指出為港鐵公司(0066)提供的補助金為
港幣127億元以下。也就是每名香港市民要為這條只服務少數西區市
民的鐵路付出二千一百多元。

雖然港鐵方面表示西港島線的票價與其他路線相約。但是目前沒有公布
足夠的資訊，讓他們可以推算一下來往堅尼地方至上環的票價，或者怎
樣的票價水平可以令計劃收回成本。

2. 港鐵西港島線省不了時間
港鐵西港島線全長三公里有三個車站，由堅尼地城往上環只需六分鐘。但是
搭乘耗資一百五十四百億港元興建的港鐵西港島線來往堅尼地城和上環並不
會比使用現有的電車快，甚至更慢。若乘客要到德輔道西電車路沿線地方，
就得從地底幾十米深的月台搭乘扶手電梯，再走過車站的行人隧道共幾百米
的路程，步行時間約10分鐘。

現時電車由堅尼地城往上環車程約20分鐘，日後乘西港島線列車再步行至德輔
道西電車路沿線地方，所需的時間跟現在差不多。

3.現有交通安排
現時西區有多條巴士路線、電車、小巴以致的士往返上環。西區的居民有很多選擇，
根本沒有理由要全香港市民補貼西區居民的交通。

4..政府誇大創造就業機會
政府指出西港島線的建築期間，預計會創造3,000個職位；完工後的營運期，會創造
另外2,500個職位。但是整間港鐵公司僱員人數不過是大約10000多人左右。只有三個
車站的西港島線營運如何製造2500個職位呢?

~歡迎討論~

For 4.仲有清潔工、管清潔的管工,etc.... hehe.


For 2.除非好似軽鉄劃條路、吾係好難做.


我又只可以講、反對麻煩刊憲時反對、以及同各立法會議員申訴！這些是政治任務、港鐵都講到明無注資係起吾過。
政策己轉、計算無用。

for point 1: 如果比較建築費、應用地下建做鐵路來比較、不應用一條不同程度的鐡路来做比較。
而有關方面亦己解釋地質導至建築費増加.

原帖由 2367 於 2009-11-5 23:49 發表
反對興建西港島線

1. 每公里平均造價可能是全球最高
港鐵西港島線全長三公里有三個車站,造價為154億港元。每公里
平均的造價為五十一億三千萬港元，或六點五億美元。相較而言
，2007年落成全長345公里的台灣高鐵每公里 ...

2. 港鐵西港島線省不了時間

淨係呢點你都算吧啦, 就係短短3公里... 電車要緣20分鐘

我話你知沿德輔道西行路到上環都係約25分鐘, 咁係咪路面交通全部唔駛要
行路咪得囉, 行路仲唔駛等車tim

就係咁短既距離慳一分鐘先一分鐘, 仲有中西區塞車問題嚴重
如果再唔解決, 西環去中環會比由沙田去中環更慢

而且西港島線並不只到達上環一達, 到中環以後的路段可以慳到更多時間

*以時速60公里計, 10分鐘已經可以行到10公里
西環去到銅鑼灣都係約10公里, 你同我講慳幾分鐘唔係慳時間?

3. 西區唔係純住宅區
有商廈, 有大學.... 點會淨係方便西區居民?

而你亦識講西區有大量的路面交通, 但全部都要經過市區最核心的地段,
如果可以將人流帶離路面, 亦可以減輕整個港島的交通負擔

[ 本帖最後由 FAST 於 2009-11-6 00:45 編輯 ]

原帖由 2367 於 2009-11-5 23:49 發表
而且造價有機會飈升。政府指出為港鐵公司(0066)提供的補助金為
港幣127億元以下。也就是每名香港市民要為這條只服務少數西區市
民的鐵路付出二千一百多元。

點解而家咁流行計「人均成本」？有咩意義？

西鐵人均成本高達七千八百多元，到今日都係三十萬人享用，六百七十萬港人不會用，香港係咪什麼基建都不用建？今時今日香港基建其實已經有一定規模，再發展落去一定係一些服務偏遠地區的基建項目，例如西或南港島線，黃埔支線等。下下話服務少數市民就唔應該起，香港可以停下來了。

不過話說回頭，香港人均生產總值一年達三十五萬，區區二千一百多元，真係不算什麼投資吧！

[ 本帖最後由 ahbong 於 2009-11-6 01:17 編輯 ]

我覺得樓主文章有點反諷反對廣深港高鐵興建人士，反對興建高鐵者應該反對埋興建港島西線。
如果o甘講既話，不妨加埋呢點，西港島線只會令到西環一帶樓價升值，最終只會益左地產商，變相利益輸送，所以都唔應該起 。

正如樓上所講，基建本身唔應該只著眼於回本期，要考慮整體因素，
例如調整巴士班次由西區開出，減少地面運輸，
重而減輕塞車/空氣污染等問題，帶動西環一帶發展等等。

原帖由 區麗芝 於 2009-11-6 12:36 發表
獨立媒體反高鐵文章的觀點,套用係西港島線
一樣O岩用

老實講..西港島線冇上蓋發展
港鐵一定唔會自己畀錢起
之前唔係有人嘈政府利益輸送畀港鐵起西港島線咩?
唔係又有人嘈西港島線拉貴晒西環D樓買唔起咩..
真係係又嘈唔係又嘈..好討厭!!

原帖由 on11358 於 2009-11-6 01:45 發表
我覺得樓主文章有點反諷反對廣深港高鐵興建人士，反對興建高鐵者應該反對埋興建港島西線。
如果o甘講既話，不妨加埋呢點，西港島線只會令到西環一帶樓價升值，最終只會益左地產商，變相利益輸送，所以都唔應該起 。

正如樓 ...

帶動西環發展...
即係又引致舊區重建、保育、官商勾結、利益輸送
、拉高租金、樓價、破壞環境等等嚴重指控架

有邊條鐵路唔係方便居民= =
係咁架話,麻煩同我拆左條輕鐵佢. 大部份市區人唔洗入去入面的.只有居民買送番學番工用.
咁你都講得出ge.

鐵路只有人嫌少冇人嫌多.你知唔知點解英國佬以前管每個地方都咁發達
因為佢打到去邊都會起鐵路.有左鐵路果區先有得發展

當年火車有諗過經西面的青山灣上大陸,也諗住用現行東鐵規劃,一東一西任擇其一
如果當年火車揀左用青山灣,好可能家下屯門天水圍同大埔沙田調轉, 入沙田改叫大東北喇.

當年都講左西區地形地質複雜先冇起西港島線
e+科技進步起得到,唔代表成本一定平.貴又點.最平就係比你係將軍澳堆填區上面塊空地起輕鐵.
包你起車站鋪路軌2年完成通車.唔洗平整地形快夾平.

入西環探人係件好痛苦的事.即使有小巴,我係中環落車要等,我上小巴要塞,
你唔係唔知中西區的交通係香港最早規劃的系統,亂到七采.根本係超出負荷.塞到七采.
地鐵打到入去係天大喜訊.以後我去探人方便多.仲同我講電車慢慢係街熱...
唯一可斟酌係你果個就業機會的point...真係點計都計唔出點樣每個站多成800個人做野.