點看工作時受氣??????????

各位板友,工作時,有時會受氣,甚至家常便飯:
你老板、同事鬧你,話你,
心情並不好受。
1.你有沒有工作時受氣的經歷呢?
2.你用什麼方法化解受氣,令你開心些?
3.你點看工作時受氣?
分享吧!

自己做錯當然要改,但係人地無端鬧你你都要忍

[ref=400250]daiteioh[/ref]  在 2005-10-22 05:35 PM 發表:


1.你有沒有工作時受氣的經歷呢?
2.你用什麼方法化解受氣,令你開心些?
3.你點看工作時受氣?
分享吧!

小弟今年暑假第一次返工，對"工作受氣"都想有少少回應
1.有，不過唔算太多，一星期一次咁la
2.當小弟受氣後，通常會在老細請食tea時食多d，幸好老細都唔mind，有時仲拎老細幾罐可樂返屋企請屋企人飲tim
3.除非自己真係有料到可以飛起老細，如果唔係最好忍下la!!

1.俾同事鬧時,好多時順便被返舊脹,
我好記得一次自己本身心情差,又突然多野做,被上司罵時,我罵返上司(頂恆果款),結果被另外兩個上司,加埋我罵果個(總共3個),在食飯時間要我留低訓話(about 15mins).事後回想,會對這份工非常不利,會有被炒的危險

2.這次被罵後,我在當晚找朋友傾訴,平時受氣後,通常自己清淨下,反省

3.人地稍為捉到錯誤,加上該錯誤不是第一次犯,便會責備,所以要忍

我都有受過氣,不過係俾個客罵
我果陣第二日返工,
我係o係圖書館做既
d野仲未熟得晒
有個客要預約internet服務,
我唔係好清楚份預約紀錄係邊
咁我問同事啦,
d同幾幾好人,
都話俾我知o係邊
不過,個客就嘈,
問我係唔係新入行,
我話係,
同佢講埋唔好意思,
阻左佢時間
跟住佢繼續罵,
"你咩都唔識,我唔好明點解你可以企o係度"
我無理佢,照幫佢預約,
預約完啦,
佢話要"攞機"上網,
因為佢果陣又預約左
咁我搵返佢先前張紙仔俾佢,
撕一半俾佢,
另一半圖書館keep返
我俾錯另一面佢,
跟住佢又嘈
"你應該俾另外果邊我呀,拿,呢家教埋你啦,我仲熟過你呀"
我又係唯有唔出聲,
做返自己野,跟住佢好唔滿意就走左

做服務性行業, 受人氣簡直係家常便飯,
小弟做o左年多戲院服務員,
試過三次比客指住黎起勢係咁鬧,

第一次一對夫婦拎住成袋KxC睇戲,
入場時仲要收收埋埋, 咁小弟剛好做帶位,
見佢地拎o左袋KxC出黎已經留意住佢,
跟住個丈夫去o左洗手間, 小弟見個女人想食雞,
就走埋去話:「小姐, 唔好意思, 外來食物係唔比帶入場,
加上呢D食物好大味會影響其他觀眾同埋好難清理D油積同碎,
咁一係你出去食埋先入黎, 一係就比我保管, 散場時比返你」
咁個女人好順攤咁比小弟收起,
之後小弟拎走放好, o係小弟行緊返去岡位時,
佢丈夫就走出黎, 好惡咁指住小弟點解收佢D食物,
小弟一再說明呢D食物係唔可以帶入場, 佢都係咁話小弟有冇搞錯, 係咁鬧...
當時經理剛好o係佢後面, 個客話帶杯汽水飲得唔得??
小弟望住經理, 見佢點頭, 就走去拎o左杯汽水比佢,
佢飲o左一啖就好大力咁掉落垃圾桶, 散場時另一位同事親手遞上成袋KxC比佢,
佢理都唔理就走o左去, 之後我地夾手夾腳迅速地處理哂袋雞 #

第二次就因為放映途中負責聲音o既聲櫃跳掣,
令到放映途中有一段時間有畫無聲,
o個時剛好人手唔夠, 小弟又正o係第二間院準備散場,
根本唔知o個間院無聲, 有個客走出黎指住小弟係咁話有冇搞錯,
又話小弟點做野, 又話唔係第一次, 小弟都一頭霧水, 無端端係咁比人鬧,
問佢發生乜事先知無聲, 立刻走入去睇, 的確係無聲,
跟住立刻call放映員搞, 又叫經理出黎,
之後就不斷咁比個客指住係咁鬧, 一路成隻死狗咁「唔好意思, 唔好意思」
之後經理上黎由就比o左佢處理啦

第三次小弟賣飛, 有個客拎o左四張值$60 o既換票証比小弟,
咁因為小弟呢度每張飛值$65, 所以每張飛要補$5, 合共要補$20,
而張換票証o既背頁亦已說明要補錢, 咁小弟同個客解釋啦,
個客就話佢地係兩大兩細, 大人飛$65, 小童飛$50,
所以合共應該補$10, 咁小弟就話換票証換出黎o既飛係無大人小童之分,
亦都o係背頁指住呢D條款一一說明, 但佢仍然堅持補$10,
咁小弟就叫o左當值主任出黎, 當主任出黎時,
個客就指住小弟話小弟態度惡劣, 淨係識得收錢, 笑都唔識笑,
「呢D人, 炒o左佢啦!!」聽到呢句真係火都黎,
但因為同佢嘈對自己無好處, 被迫死忍, 做咁耐都未試過咁慶啊!!

仲有朝早好多時都比人話等好耐都未開門,
又話唔識做又話剩, 門口已經大大隻字寫明幾點開門,
咁都要嘈一餐..........

ps: 有時小弟發覺D人好多都「選擇性失明」架,
大大隻通告o係當眼處都話睇唔到,
見到個細o既九折牌就話要九折, 但又唔睇隔離大o既牌話邊度係無優惠,
又嘈一餐........

[ref=401104]LV27[/ref]  在 2005-10-23 05:10 PM 發表:

做服務性行業, 受人氣簡直係家常便飯,
小弟做o左年多戲院服務員,
試過三次比客指住黎起勢係咁鬧,

第一次一對夫婦拎住成袋KxC睇戲,
入場時仲要收收埋埋, 咁小弟剛好做帶位,
見佢地拎o左袋KxC出黎已經留意住 ...

遇上這些惡人，你千奇不好比佢地蝦，你都已經盡力做好你做的工作，戲院的條款和conditions你都要知道，如果佢地因為要堅持在戲院食外來食物及補咁的價錢想享受優質的電影，唔好意思，這個是戲院的條款，你就算去過第二間戲院看都是一樣，不過我都好明白你的感受，不論男女都係咁，目的就是佢地貪便宜，我講都有冇錯

[ref=401104]LV27[/ref]  在 2005-10-23 05:10 PM 發表:

做服務性行業, 受人氣簡直係家常便飯,
小弟做o左年多戲院服務員,
試過三次比客指住黎起勢係咁鬧,

...

你既表現十分好，實在是服務行業從業員的典範！不過辛苦，蝕底左既，
我相信你日後係會有回報既，繼續努力吧。

有些人真係以為d客好過份就可以「還手」，其實在這個殘酷的世界並無
呢回事，你可以話係唔公平，但服務行業最緊要就係要忍得。

我見到有人蠻不講理，我一定會幫口，等d服務業朋友唔洗咁難做架。#;D

[ref=404872]HY671[/ref]  在 2005-10-27 09:11 PM 發表:

你既表現十分好，實在是服務行業從業員的典範！不過辛苦，蝕底左既，
我相信你日後係會有回報既，繼續努力吧。

有些人真係以為d客好過份就可以「還手」，其實在這個殘酷的世界並無
呢回事，你可以話係唔公平，但服務行業最緊要就係要忍得。

我見到有人蠻不講理，我一定會幫口，等d服務業朋友唔洗咁難做架。

真係多謝你咁贊小弟 #
其實小弟呢間戲院o既服務質素已經好好,
但唔知點解仲o係公司係排行尾二,
有D戲院服務比小弟呢間更差, 但都唔知點解排咁高
搞到成日比公司用E-mail 「訓話」.......

小弟工作原則係, 自己認為搞得掂就自己搞,
但一覺得唔妥就立刻搵幫手, 同客死撐對自己係無好處架~
好似公司有一間分店咁, 有個服務員阿頭同個客撐,
明明係個客唔岩, 但因為個阿頭同人死撐,
之後個客嘈到上顧客服務部,
最後個阿頭要眾目睽睽下向個客90度鞠躬認錯, 又要送贈卷...

小弟都覺得有時個客講一句, 真係勝過我地講萬句,
不過出聲o既人真係好少, 小弟直情從未見過,
見到開聲o既都係 「快D啦!!!」#:-/

[ref=404488]simon12[/ref]  在 2005-10-27 12:31 PM 發表:

遇上這些惡人，你千奇不好比佢地蝦，你都已經盡力做好你做的工作，戲院的條款和conditions你都要知道，如果佢地因為要堅持在戲院食外來食物及補咁的價錢想享受優質的電影，唔好意思，這個是戲院的條款，你就算去過第二間戲院看都是一樣，不過我都好明白你的感受，不論男女都係咁，目的就是佢地貪便宜，我講都有冇錯

正確, D客有時好精, 以為嘈下我地, 我地都會息事寧人, 比D甜頭佢,
某D情況係岩o既, 例如涉及一D唔想公開o既o野, 多數都會比D甜頭個客, 封佢把口

但問題係, 有陣時真係比唔到甜頭佢麻, 就算經理出埋黎, 都一樣比唔到,
好似之前$60換票証換$65戲票咁, 如果經理真係比佢用$10換,
豈不是經理要o係荷包拎$10出黎填數??
多幾個咁o既客咪白做?? 所以呢D情況我地一定要撐, 但要有技巧咁撐...