見大勢將去 試圖搞社會分化

http://pyyick.blogspot.com/2009/10/blog-post_18.html
鐵路迷助紂為虐


鐵路迷提出有力論點被醜化成助紂為虐、推土機式發展觀

鐵路迷? 別開玩笑了，鐵路迷代表誰? 一個無民意授權的群組挑戰一班有民意認受性的議員，是否很可笑呢?

民選議員係皇帝??
滿口民主自由嘅blog主竟然唔俾人批評民選議員，實在諷刺
blog主係咪認為將來普選出黎嘅特首唔可以受批評??

如果blog主認為大眾都係反高鐵嘅，即管嘗試號召數萬名市民上街

因為我搭巴士由大埔去元朗，行經錦上路時，沿路都是貨櫃場、拆車場等地方，根本沒有什麼鄉郊特色。我一看到菜園村仍保留農村的風貌時，我驚嘆香港這種地方很難見到了。

錦上路係主要道路，當然唔會太鄉郊，
香港真正嘅鄉郊係冇公車可達，甚至冇路可達，
佔全香港7成面積

Blog主坐64K就以為自己睇到錦田全貌，井底觀天

我親身和菜園村的居民交流過，他們其實從未反對過建設高鐵，只是想高鐵改道而已，換言之「犧牲香港發展機會」這個論點已站不住腳。另外，鐵路迷指村民霸佔官地。同樣地，村民早就利用一份份的文件，反駁這種純粹抹黑的論點。

高鐵改道?? Blog主有冇諗過改道就輪到第二條村受影響

另外，鐵路迷指村民霸佔官地。同樣地，村民早就利用一份份的文件，反駁這種純粹抹黑的論點。

霸佔官地唔係剩係鐵路迷講

同埋乜野文件?? 如果有法律效力嘅文件證明佢地擁有土地而政府又死話佢地霸佔官地，
佢地可以上庭告政府，但點解佢地剩係大聲嗌??

這不是證明盲目擴建新幹線會有巨大經濟效益的惡果嗎?
更不用提日本在泡沫經濟爆破後，市場從此一潭死水的慘況吧。
日本的年輕人(以至弱勢社群)無法從新幹線得益，最後只會帶來不少社會問題。

原來日本經濟衰退及社會問題係因為建新幹線，
20年來都冇人察覺，blog主可奪諾貝爾經濟學獎

[ 本帖最後由 Kaix 於 2009-11-14 15:23 編輯 ]

先旨聲明：我支持高鐵以現有方案建造。不過：

1. 樓主既然有充分的理由證明blog主以及一眾反對高鐵方案人士之錯誤，何不直接在blog上留言駁斥，及/或
致函各大報館，就反對者的論點逐一作出合理反駁？

2. 請看以下引文：

鐵路迷到今日依然利用早已被反駁的論點，攻擊菜園村的居民自私自利，為了保住自己家園，犧牲香港的發展機會。

持有充分理由支持高鐵方案，又是否代表可以肆意無根據地攻擊（甚至誹謗）有關人士「自私自利」？是否可以一刀切把所有
「保住自己家園」的行為定性為「自私自利」？是否因為他們想保住家園這種自然反應，就可以把他們打成社會公敵？

又，假設閣下住私人樓宇，某日政府突然公布收地發展，限令半年內搬遷，並只給予同區七年樓齡呎價賠償，閣下又會否二話不說，
樂意為香港的發展犧牲小我？

理據是一回事，能否服人是另一回事。當充份理據和人身攻擊結合，往往會帶來反效果，令旁人不悅。只有情理兼備，體貼他人
需要，方能贏得支持。

該blog既網主會睇完先俾唔俾篇回覆出街
剛剛打左一篇
都唔知佢會唔會肯出

名副其實
史上最差的日誌......

該人定是對鐵路迷太有主見了
差不多所有句子也用鐵路迷作subject

原帖由 S3BL100 於 2009-11-14 17:37 發表
又，假設閣下住私人樓宇，某日政府突然公布收地發展，限令半年內搬遷，並只給予同區七年樓齡呎價賠償，閣下又會否二話不說，
樂意為香港的發展犧牲小我？

事實上, 這些事件好多時都發生, 但市區(私人樓宇)情況當然可能有D唔同, 收地多數會係
舊樓, 好多人都係等政府收, 想政府收...而7年樓齡本身係有賺...如觀塘項目, 都無咩人反對...
所以呢個例子可能唔太合適....

另外, 直言, 支持或者反對人, 到現在, 因為好多立場/理據的問題, 及好多討論
之後, 已經好難去點講邊個攻擊邊個...就好似以上個blog的內容 , 點解又
可以用"鐵路迷"一詞去講? 是否代表所有"鐵路迷"意見? 最少我無咁講過wor,
我係鐵路迷我就"助紂為虐"? 我睇同樣可以是無理攻擊...差在你用咩角度去睇...

當然, 我同意閣下講"理據是一回事，能否服人是另一回事。當充份理據和人身攻
擊結合，往往會帶來反效果，令旁人不悅。只有情理兼備，體貼他人需要，方能
贏得支持。"

[ 本帖最後由 3ASV196 於 2009-11-14 21:29 編輯 ]

唔知這位blog主有沒有看過italk鐵路板這幾天的thread呢？

我要承認我是鐵路迷，我支持現有政府方案，
但我的觀點從沒有落在菜園村村民上面，
正如成田機場都因為釘子戶而要改跑道，高鐵若因菜園村出現釘子戶，
要改道也好甚麼也好，和喜歡高鐵、認為社會需要高鐵、支持高鐵出市區，本身並無衝突。

正如我冇去保衛皇后天星，因為我之前已經知道會填海，
諮詢時冇出聲只好怪自己遲鈍，眼下的情況並非自己所想，
不代表對方就是冇理據、強行操作。

真是可怒也，曾幾何時我見過有人話鐵路迷係最理智的交通迷
（係喎，保衛皇后天星的人有幾多係渡輪迷？），如今竟然反轉豬肚。

鄭重聲明，我極之反對任何人因個人喜好，即使是如何崇高的理想，而抹黑對手，任何人也是。

好唔客氣咁講
我覺得反高鐵陣營(又或者"錦上路支持者")某D論據同論證已經響某程度上同文革式大字報有相似ge地方
得佢講無人講
而且無論有point與否都會有一堆人出黎"擁護"叫好
對支持政府方案者ge批評越黎越上綱上線
越黎越具"批鬥"意味