《左右紅藍綠》420萬新界人用唔著高鐵

《左右紅藍綠》鄺俊宇：420萬新界人用唔著高鐵
http://www.youtube.com/watch?v=yq9IMVqpTAQ

點解政府唔聽取民間意見,係都要將高鐵香港總站起係西九龍?
起係西九, 造價比專業聯盟錦上路方案貴幾百億

再者, 如果高鐵站起係錦上路.可以順便發展錦田做新市鎮同工商業區
為新界西居民提供就業機會

原帖由 2856 於 2009-11-19 19:46 發表
《左右紅藍綠》鄺俊宇：420萬新界人用唔著高鐵
http://www.youtube.com/watch?v=yq9IMVqpTAQ

點解政府唔聽取民間意見,係都要將高鐵香港總站起係西九龍?
起係西九, 造價比專業聯盟錦上路方案貴幾百億

再者, 如果高鐵 ...

咁放錦田係咪會有280萬人用唔著高鐵?
咁赤鱲角機場咪690萬人用唔著(當東涌有10萬人住) 執左笠十世?

唔該唔好分化香港, 無能政棍當香港人白痴

菜園村是否真的值得保留?????????????????????????????????/
IFC是否真的只可用鐵路連接西九?????
巴士(經荒廢的了西隧)呢?????
巴士轉高鐵不可以嗎????


希望以上言論不會引起不滿

原帖由 buslegohh 於 2009-11-19 20:23 發表
菜園村是否真的值得保留?????????????????????????????????/
IFC是否真的只可用鐵路連接西九?????
巴士(經荒廢的了西隧)呢?????
巴士轉高鐵不可以嗎????


希望以上言論不會引起不滿 ...

片段中引用的IFC->西九高鐵站方法
竟然是由香港站前往柯士甸站
香港->九龍->奧運->南昌->柯士甸
南昌站要途經大堂轉綫
減去與九龍站前往高鐵站的步行時間差額
也難怪要花42分鐘......


另外, 港鐵大可以考慮
把機鐵乘客的九龍站接駁服務
延伸至高鐵乘客適用
(同樣是出示車票作實)
不但可以方便更多乘客
也可以減少接駁巴士的空載率

對唔住都要講句
果個議員真係好煩, 起係錦田又點?區區一個菜園村, 點解要犧牲未來咁多年既利益?
商業中心仲係係九龍區同HKI, 係錦田方便到新界人又點? (雖然我都係新界西既人)
交通唔方便, 又點叫商業旅客黎香港?  
到時起好冇人用, 又要黎嘈又搵邊個鬧? 再唔用內地高速鐵路連接, 香港既商業地位一定有所影響
加上錦田本身已經有跑狗返大陸, 搭陣車返出元朗市又有B1 B2, 點解一定要有埋高鐵, 係咪為爭取而爭取呢?
發展錦田做新市鎮同工商業區,  發展係好, 但係一味發展做市鎮係咪真係咁有用先
錦田呢個地方, 始終要有排搞, 唔係一條高鐵就搞得掂, 相比之下, 西九龍要發展就易得多(基建+近本身商業區)
既然係咁點解唔好好咁用西九呢塊地呢?
錦田, 仲有更好既用途等緊佢....


要challenge既話, 咪又話官商勾結......
P.S. 新界420萬人....數字上係420萬, 新界西佔既呢?   既然權衡唔到各區利益既話, 咁點解唔拉個平衡, 放係市中心地帶呢?

[ 本帖最後由 NEO_962 於 2009-11-19 20:38 編輯 ]

段片裡面D觀點純椊老調重彈
仍然係一堆靠穿鑿附會黎自圓其說ge講法
呢D論點其實呢度早前已經有好詳細ge討論

呢段片其實我早幾日已經無意中響電視睇到
片中人兄七情上面肉緊到不得了
我聯想到文革時D紅衛兵號召造反ge情景
(不喜勿插)

連美國都要大搞高鐵, 更要向中國輸入技術
香港個班食估不化反高鐵既人幾時先醒??

原帖由 a_drew 於 19/11/2009 22:45 發表
連美國都要大搞高鐵, 更要向中國輸入技術
香港個班食估不化反高鐵既人幾時先醒??

佢地反咩高鐵呀，只係逢大陸事物必反，連帶逢政府必反。

我個 Facebook 上面十個有九個都係反高鐵，
仲有向鐵路迷正面進攻，大有「蟻多螻死象」之勢，
相信各位理據再好十倍，恐怕都無用武之地...

註：謝站友 053h4 提醒。
第二段的「反高鐵」只係方便大家討論之用，
其實質已經在第一段有所註明。

[ 本帖最後由 238X 於 2009-11-19 23:38 編輯 ]