新高鐵方案問答大會

原帖由 053h4 於 2009-12-18 20:44 發表
早就估計會拉布
最好佢地快d總辭

經過今日之後
我決定支持總辭

原帖由 053h4 於 2009/12/18 20:47 發表
理論上, 真係唔差個一頭半個月
唔好理成本可能上升, 要做過份文件的問題目

遲兩個星期, 成本會上升幾多?

一頭半個月後, 可能又有理由拖多一頭半個月
最好推倒重來

唔係咁, 點表現議而不決, 決而不行的\"核心價值\" ...

o係而家呢個議會上, 通過撥款基本已經唔成問題, 但大拿拿幾百億, 成個財委會傾幾個鐘就話要批, 傾多幾個鐘至批都唔應該?

咁係咪立法會應該百分百做橡皮圖章, 反正否決無望, 政府推乜o野出來, 即刻舉手贊成收工, 咁至係香港之福?

原帖由 syp 於 2009-12-18 21:57 發表

o係而家呢個議會上, 通過撥款基本已經唔成問題, 但大拿拿幾百億, 成個財委會傾幾個鐘就話要批, 傾多幾個鐘至批都唔應該?

咁係咪立法會應該百分百做橡皮圖章, 反正否決無望, 政府推乜o野出來, 即刻舉手贊成收工, 咁至係香港之福?

雖然成本的確唔會大增，不過整個財委會批咩都要批兩次至成功通過的話，
至少下次原訂會議內容又再變成高鐵，唔通為左一件明明一定通過既野而將其他野押後討論？

原帖由 dennis28a 於 2009/12/18 23:14 發表
雖然成本的確唔會大增，不過整個財委會批咩都要批兩次至成功通過的話，

乜o野為之 "批兩次"? 原本個時間唔足夠討論, 而家係休會另覓時間續會, 係一次會分兩日開。

至少下次原訂會議內容又再變成高鐵，唔通為左一件明明一定通過既野而將其他野押後討論？ ...

原來 "明明一定通過" 就唔駛足夠討論, 咁不如以後每個議題開會時一開波就投票, 一定慳返好多時間。

你即係等如o個o的衰老細咁, 俾唔夠時間o的細o既做, deadline 定得不合理地緊, 做唔到就賴個細o既冇效率一樣。

正正就係之前o的討論、鐵路事宜會、工務會o係 "明明一定通過" 之下, 議員都仍然繼續要求政府作更多o既解釋, 俾更多o既資料, 立法會網頁個 "文件" 部份先至咁 "豐富" 多o左咁多跟進補充資料, 等議員和市民知道更多, 亦俾我o地更多理據去支持呢個項目。如果唔係, 今時今日批o左 600 億都重係得幾張圖, 得幾份文件。

就算以前立法局冇直選, 甚至橡皮圖章如人大政協, 都唔會好似你諗咁啦呀嘛?

[ 本帖最後由 syp 於 2009-12-18 23:38 編輯 ]

如果立法會議員認為需要更多時間消化資料、認為政府需要提供更多資料，我絕對贊成及尊重。
因為我也不想萬一草草通過，程序上係OK了，但被人抽後腳馬後炮。

但如果議員只是怯於或盲目附和於別人的聲勢，而自己不作科學化的判斷，則我如果有能力一定會攆走佢。
這次的公關戰，表面戰果是「反對者贏了」，而不是「議員認真了」。

遲到好過冇到，起高鐵我唔使出錢，又唔係有錢收，我咁緊張為咩嗟，
我今日全日去了迪士尼玩，恭賀米奇開分店添，佢見我咁賣口乖，摸我塊面～
我拋頭顱灑熱血也只能表態而不能改變事實，我只要知道將來有甚麼不滿時可以聲討邊個便可以了。

就算遲五年都唔係問題，有接近十年時間觀察深圳兩個高鐵站的使用情況，要建或不建的理據都會更充份。
造價上升又唔使由我戶口扣，畀阿爺單打又唔係我，日日去羅湖同人迫餐懵亦未必係我，反而落馬洲可能會增加人流添～

十分支持及期待五區總辭，為民主、為普選，發表自己的意見，踏出重要的一步。

[ 本帖最後由 DIH 於 2009-12-18 23:56 編輯 ]

原帖由 DIH 於 2009/12/18 23:47 發表
如果立法會議員認為需要更多時間消化資料、認為政府需要提供更多資料，我絕對贊成及尊重。
因為我也不想萬一草草通過，程序上係OK了，但被人抽後腳馬後炮。

但如果議員只是怯於或盲目附和於別人的聲勢，而自己不作科學化的 ...

如果政府把握延遲o既呢兩個幾星期日子, 做多o的遊說工作, 發表更多更充份o既理據, 博取到更多市民支持, 呢個延遲係值得。

相信大家都唔會希望, 自己支持o既高鐵項目, 本來已經要靠不夠民主o既議會, 而家更加要靠快刀斬亂麻, 齋o翕o既時間都俾唔夠, 才能通過撥款, 但社會上仍然有咁多質疑聲音。

另外o既係, 如果有人打 "拖延" 旗號, 又或者出現多幾次 "集會", 其實係會更加令市民反感。如果政府謙卑一o的, 會有更多市民支持。

晚上鄭汝華o既聲明係寫得幾好o既。

[ 本帖最後由 syp 於 2009-12-19 00:04 編輯 ]

原帖由 syp 於 2009-12-19 00:01 發表


如果政府把握延遲o既呢兩個幾星期日子, 做多o的遊說工作, 發表更多更充份o既理據, 博取到更多市民支持, 呢個延遲係值得。

相信大家都唔會希望, 自己支持o既高鐵項目, 本來已經要靠不夠民主o既議會, 而家更加要靠 ...

今晚反對個班人又high晒la, 不過出年通過左, 一頭冷水照頭淋唔知有咩反應啦