五區總辭

今日見到華叔講野, 講有關飯局......

其實好似越搞越似泛民主派內戰, 搞搞下, 新聞亦集中講咩民主黨參唔參與問題,
變成根本唔係有關普選/政改問題...

不論邊個對錯, 咁搞法, 似乎對各方都無利....實在有d可惜....(可能最有利係政府/建制派)

http://inews.mingpao.com/htm/INews/20091124/gb21353i.htm

"民研計劃總監鍾庭耀認為，政改諮詢文件發表後，社會的討論似乎正集中到泛民意見分歧，多於政府施政的問題。

泛民主派就是否採取議會「五區總辭」，以抗議最新的政改諮詢文件，意見明顯分歧。"

好坦白講 , 五區總辭既話 , 泛民係肯定會慘敗
我唔係話幫住建制派 , 而係佢地行呢一步果陣係完全係無諗過建制派會唔會搵人參與補選
同埋亦都無諗過 d 選民既投票意向

而家政制發展去到呢個地步 , 唔要向現實低頭都唔得架喇  

原帖由 AD18 於 2009-11-25 02:54 發表
好坦白講 , 五區總辭既話 , 泛民係肯定會慘敗
我唔係話幫住建制派 , 而係佢地行呢一步果陣係完全係無諗過建制派會唔會搵人參與補選
同埋亦都無諗過 d 選民既投票意向

而家政制發展去到呢個地步 , 唔要向現實低頭都 ...

其實昨日無意中聽到收音機, 話如果建制派派返d 強少少的議員,
如陳婉嫻再參選, 泛民的威脅就更大...我都會覺得如果總辭, 的確
有機會未必拎返5區職位..民主黨的擔心, 未必無道理...

雖然我一向唔太同意泛民部分立場, 但從呢件事睇到, 唔駛政府/
建制派出手, 泛民已經搞到四分五裂, 甚至有d人好似想用報導上
壓力, 甚至攻擊, 去迫其他泛民人士接受及參與有關方案...搞成咁,
其實好難俾市民清晰的訊息及支持者好難完全去支持, 結果可能事
倍功半, 我想泛民必須更團結, 更溝通得好, 先能做好其係政治上的
角色....

[ 本帖最後由 3ASV196 於 2009-11-25 08:22 編輯 ]

事到如今，只可以好似我一位間唔中有寫專欄的朋友facebook上面話齋：

香港既然到了如此地步，我寧願: 總辭 -> 泛民贏唔番議席 (我估) -> 失去否決權 ->立法會變成傀儡議會 -> 代議政制既時死亡 -> 中聯辦獨大 -> 共產黨支配 -> 香港全方位壓制 ->港人覺醒; 或唔覺醒 -> 我寫篇專欄歌頌下香港人曾經對人類世界文明, 法治與公義的幻想 ->比人拉顛覆國家 -> apply asylum -> 離開香港這個傷心地!!!!

今次泛民衰咩，就係衰無人有足夠說服力，通過輿論
主導大眾對呢個垃圾方案的睇法（個方案根本有好多問題，足以證明方案無助於民主發展，不過係政府操控輿論，講一堆似是而非的說話，俾大部分人感覺個方案係向民主前進），五區總辭俾外人個感覺又
好似做show。

當然，泛民部分人士的舉動及言論，亦令人相當不滿，無助於爭取民主。

爭取一個咁大嘅國家改變不外乎兩樣嘢:  錢同飛機大砲 (包括外國的).
香港兩樣都無, 憑咩去鬥?

若根據華叔前幾日講, 香港人覺醒都無用.
共產黨派解放軍出來 "平亂", 大家只有做鬼.
要改變, 除非有國家打得贏中國啦.

[ 本帖最後由 238X 於 2009-11-25 12:07 編輯 ]

原帖由 238X 於 2009-11-25 12:04 發表
爭取一個咁大嘅國家改變不外乎兩樣嘢:  錢同飛機大砲 (包括外國的).
香港兩樣都無, 憑咩去鬥?

若根據華叔前幾日講, 香港人覺醒都無用.
共產黨派解放軍出來 "平亂", 大家只有做鬼.
要改變, 除非有國家打得贏中國啦. ...

其實又無咁極端....講真, 依家環境就好似父子,
你話中央"錫唔鍚"香港? 我可以話錫, 你睇下
上海迪士尼, 無啦啦都可以變到細過香港的,
就知道....

但呢個父親, 又好似唔太了解呢個仔的另一d需要,
認為一定要聽聽話話.....唔可能太有自己主見..

呢個本身係一d文化上的大差異....加上發展唔同所致...

不過香港人係現今社會, 聲就好多人出聲, 但要真係
同你死過, 就無乜人真係會做....

外國都係ga, 美國一方面成日批評中國咩人權問題, 但
眼見中國這大市場, 咪個個美國人同中國扮frd, 黎中國搞
生意.....依家軍事/國力最強係美國, 都一定唔會出手,
(唔好話中國, 美國連北韓都係唔敢出手得把口...) 所以
都係唔好亂諗野了...

回歸左已成事實, 而香港本身社會意見又分化, 真係會
發生咩大事去改變....?

不過本身我唔想講有關2012方案問題, 而是我本身都同意
社會需要泛民呢種聲音, 需要唔同意見, 尤其係民主步伐上,
(我是否同意是另一回事), 但都希望, 泛民本身係做野方面,
都可以俾人感覺團結一d, 理性一d, 唔係只會反效果....

睇下依家搞成咁, 成個重心由民主進程問題, 變成民主人士
的互相爭執, 有乜為? 這又真正是民主想要的精神?

見到好多人罵民主黨, 何俊仁, 難得我今次真係有d 同情佢,
議員選左出黎, 代表市民, 係唔係可以好輕易去辭職呢, 呢
個一定唔可以係草率決定, 但似乎部分人士完全無俾時間
民主黨去決定, 用好多攻勢"呼籲"民主黨參加....

再講, 即使好彩, 5個都"公投"到返黎, 又是否代表一定可以
改變現有政改方案呢....實際用處係邊呢...."冒呢個險", 換取
返黎係咩呢..

如果真係想知市民意見, 大可以用更大型的民意調查, 大型
示威, 好多方法, 而請辭再投返票, 點都一定唔會多左泛民議員,
結果亦未必好有代表性....

[ 本帖最後由 3ASV196 於 2009-11-25 19:57 編輯 ]

所以而家睇個勢，我地根本一路都只會俾人食住，間中叫做有狗糧食，唔肯食就乜都冇等餓死。
（以上純粹比喻，無攻擊任何人士之成份）

原帖由 238X 於 2009-11-25 12:04 發表
爭取一個咁大嘅國家改變不外乎兩樣嘢:  錢同飛機大砲 (包括外國的).
香港兩樣都無, 憑咩去鬥?

若根據華叔前幾日講, 香港人覺醒都無用.
共產黨派解放軍出來 "平亂", 大家只有做鬼.
要改變, 除非有國家打得贏中國啦. ...

呢樣更加無可能，就算有國家打得贏中國大陸，都唔會咁做。

原帖由 3ASV196 於 2009-11-25 14:17 發表

睇下依家搞成咁, 成個重心由民主進程問題, 變成民主人士
的互相爭執, 有乜為? 這又真正是民主想要的精神?

我只可以話，我地俾人食住，並且泛民主派一開波已經中左圈套。

[ 本帖最後由 S3BL100 於 2009-11-25 14:41 編輯 ]

我在自己facebook都同身在美國的朋友拗過，佢支持總辭，我不支持。

我的理據好多，最深層的憂慮就係，成件事由A政黨提出，B政黨和應，
然後一齊壓迫，冇錯係壓迫C政黨接受，過程全無民主可言，甚至違反民主本義，
無論結果如何，本質上已經自我矛盾，無法服眾。

以我的九龍東為例，如果陳婉嫻對梁家傑，我可以話嫻姐一定贏，
中間派選民對泛民七嘴八舌但毫無建樹已經好不滿。

而且，議員代表選民，選民無叫你總辭，你總辭即係對選民不負責。

原帖由 DIH 於 2009-11-25 19:29 發表

以我的九龍東為例，如果陳婉嫻對梁家傑，我可以話嫻姐一定贏，
中間派選民對泛民七嘴八舌但毫無建樹已經好不滿。

而且，議員代表選民，選民無叫你總辭，你總辭即係對選民不負責。

唔止，分分鐘陶君行會走出黎選九龍東，民主黨話唔埋都可能再派多個，肯定有好戲睇。

不過，有份計劃總辭的議員，又邊會覺得總辭係對選民不負責丫，肯定仲會覺得總辭係天經地義。