對本論壇近日一些文章的看法

*本文並非刻意針對某人，旨在議事論事。針對個人觀點，如有意見請賜教。
**我並不知道應否貼在這裡，如有出錯，煩請代為移動，不便之處，敬請原諒。

由2003年開始成為版友至今，其實出文數量不多，大多時間都是閱讀文章，由巴士討論版以至鐵路、汽車、風物誌以及建築物裝置等等都有閱讀。未知自己是否比較喜歡一些資訊性的內容，故此會閱讀一些價值較高的文章，而有多位版友所提供的回覆的確能令我增進知識，但遺憾近日有部份版有所張貼發問的問題都是較為空泛，通俗的說其實是廢話連篇，我不知道他們是否感到有趣和可笑，例如針對部份地區所發問的建築物裝置問題，確實令人啼笑皆非，回文態度以及內容更為荒謬至極，甚至有重覆發問之嫌；今天巴士討論區上更有多篇不知所謂的文章，而回文的方法更令我感到是一些神智不清的人進入這本身有高討論價值的地方，甚至也有一些人回文態度欠佳，堅持己見從不認錯。當然，自己不是神人，並無資格再說三道四，只是心中有點氣憤。再者，本版所設立的a-power有著參考指標，對發文者本身的文章亦有監察作用。以前從不評分的我，今天竟然看見兩篇文章而不能自控地盡用5分的限額，扣除它們的分數。縱使有人認為"a-power"並不重要，而我自己有時也有這感覺，但無奈地發現到它的作用竟然不是用作表揚，而是用作表達不滿，而且可能引發版友間的衝突。但無論如何，我只希望利用這小篇幅，希望本版能加強措施，遏止低質素文章，以及惡意破壞者的出現。謹祝admin團隊繼續努力諦造良好的討論環境。

宜家iTalk可以用a-power睇人
一睇站友的a-power就知道他的文章質素
不過...我覺得最近好似有D濫用的情況...
係唔係都扣人分

B版我唔多去
不過次次入去都見到好多不切實際的文章
入到去都唔想睇，只係心中說：「唉！又係呢D文章」

PS
據我所知負a-power最多的人應該有成-500左右

HK_F我都好多年冇去.原因就係咁.小弟當年冇isp email所以係_f玩左好幾年都冇得來italk發言.只係做左好幾年CDROM.
當年呢...內幕消息多,資訊貼多, 板友有巴士公司職員,資深巴士迷,工程專家仲有車主
唔少機械知識/巴士歷史都係咁學番來.
近兩年上左大學有email喇,終申請到account,
終於睇到堆set權限的相
小弟呢,自問就冇乜貢獻.冇巴士知識,冇內幕料,冇相機冇貼相,
唯有奉公守法,唔亂up齋睇就當好幫襯.
近年係唔知點解好多估計心智未成熟的人士大量進駐呢個板
係人都有部DC仔甚至DSLR,起勢亂影又開貼
上網比以前易同快,d人又亂當呢度係吹水板/xanga, 無無聊聊又報告如"自己食左飯"般的文,
民智未深,個腦浮過一個話題,冇諗過冇思考就貼上來問人.根本就冇用個腦諗.唔係話叫佢諗答案.而係....你有冇諗過呢個究竟係咪一個問題.有冇邏輯......

跟住有d自以為板歷耐(其實比班新版友多兩年貨仔的人)又四處做判官.
係又扣分,唔係又插人.滿口道理.自己認為係正確的觀點就具陳理由攻擊.
好明顯係陳義過高.......大家有幾可見d 2002/2003/2004 etc的板友會起勢扣人分嘈嘈閉...
入得去睇文,岩睇咪讚下,有興趣ge就講多兩句,不值其所作所為咪按Backspace上一頁走人等佢沉底lor.
又唔得呀.平日係學校公司屋企受得氣多.一無是處,做得耐電車男,淨係識得係網上做判官用虛疑世界的發洩掩飾真實的無能和空虛.為乜呢.

忠言係逆耳.真相永遠係絕望. 講多真係口臭.我個口都今日好臭喇
唔小心話中左point的人士大可扣我分扣到變beggar.我大可唔玩
我都係想回應主題嘆一口無奈.

[ 本帖最後由 cn2661_2d32 於 2009-11-29 12:01 編輯 ]

其實我覺得無必要為個班人去著墨太多，
我們善用手上的a-p已經好夠。

本文並非板務文章


雖然我負責係人氣唔多既B6板
但係我多數去既分板就係B2，B3同D1
所以我今次刻意用admin既戶口出文
今日italk所出現既問題都好明顯，大家都了解發生咩事
就係多左好多不知所謂既文章同一啲過份堅持自己意見既朋友
2D32兄講得幾岩，七八年前註冊既朋友明顯質素好好多，好多時唔洗問嘢，只係睇多幾頁文都學到嘢，有一啲轟動既新聞大家都好和諧甘交換消息，幾年後既今日好多文都係垃圾，雖然標題幾好，但係經過某啲板友回文提出一啲不可理喻既說話後，整篇文章既可觀性即時變到零，比如E400到港一事，回文既內容有一半都係垃圾，幾年和諧甘交換消息變成鬧交甘討論，心裡只有一句會講……你地啲細佬夠未！！
琴日我都有SEND左短消息比ADMIN，我希望ITALK可以回復之前比較緊既註冊制度
因為，雖然無實質証明，但係我好肯定有板友係同時擁有多個戶口，而且我相信大部份朋友都希望呢啲玩嘢既人仕唔好再出現係italk
算啦…多言啦，只希望此風唔好吹到其他分板！


本文並非板務文章

[ 本帖最後由 admin48 於 2009-11-29 18:47 編輯 ]

原帖由 kay 於 2009-11-29 12:12 發表
其實我覺得無必要為個班人去著墨太多，
我們善用手上的a-p已經好夠。

要靠扣分去解決問題, 某程度已經表示對某類板友心淡,
寧願留番啖氣暖肚, 好過浪費時間教你班人。

好似係B3有篇文咁, 見有個板友連續幾篇文都回句廢話落去,
直接叫停佢, 轉頭竟然俾人以態度惡劣為由扣分。
我唔係介意人地扣我分, 你扣我銀行戶口入面既錢就話緊張姐,
只係有點感慨, 幾年前打句廢話, 人地出到聲會知衰, 會自覺貼少D。
今日？你有你講, 佢地有佢地繼續貼, 仲覺得你針對佢。

有部份題目, 隔一陣就問一次,
今日問72X點解唔轉車型, 聽日就問73X, 後日問74X, 下星期就問904/905。
部份論調, 好似錄音機食帶一樣, 借題發揮重覆幾個topic [前排鐵路板有幾篇]。
B3板入到去, 回覆好多只係話 真係好特別 / 我未見過 / 我未搭過 等等...
好似呢篇文咁︰ http://www.hkitalk.net/HKiTalk2/viewthread.php?tid=454693&extra=page%3D2&page=1
#5, 6, 8有咩意義呢？你話佢灌水又唔係, 但根本係以句子形式出現的虛詞。

扣分無錯係快靚正, 以最短時間宣洩自己不滿,
但對改善文章質素幫助有幾大？錯既唔知自己錯咩, 繼續一犯再犯。
甚至呢頭扣完分, 搵朋友加番分。

尤記得幾年前有段時間嚴打灌水, 非常時期用非常之法,
站方要認真考慮考慮了。

原帖由 admin48 於 2009-11-29 18:44 發表
本文並非板務文章


雖然我負責係人氣唔多既B6板
但係我多數去既分板就係B2，B3同D1
所以我今次刻意用admin既戶口出文
今日italk所出現既問題都好明顯，大家都了解發生咩事
就係多左好多不知所謂既文章同一啲過份堅持自 ...

尤其是有扣分制之後, 一睇唔順眼就扣左先講。
以前都話同你講兩句耶穌, 而家就一味靠扣, 扣完又有人加,
咁又有咩意義呢？

當然, 2009年同2002年既社會已經差好遠,
而家你講大道理人地都未必會聽。
既然靠板友自律解決唔到問題, 係咪應該諗下加強執法呢？
由板務人員話俾呢班人知︰謝絕無聊文章。
你地出一個警告, 好過我地講到口水乾呀！

原帖由 kwyeung 於 2009-11-29 19:37 發表


尤其是有扣分制之後, 一睇唔順眼就扣左先講。
以前都話同你講兩句耶穌, 而家就一味靠扣, 扣完又有人加,
咁又有咩意義呢？

當然, 2009年同2002年既社會已經差好遠,
而家你講大道理人地都未必會聽。
既然靠板友自律解 ...

類似情況討論過好幾次...主要原因可以講係網民年紀下降,
多左好多小朋友上網, 加上其他討論區的氣氛都有改變,
令hkitalk 本身難於避免

其實我都覺得版主行動本身係最重要, 但有時d情況唔太明顯,
不同版主執行亦會有分別.....就好難講...

有時要係言論自由同灌水限制之間取平衡, 其實好難....尤其
面對貼文量下降, 而我本身如果做版務, 比較喜歡用"提示"去
處理, 一來可以令有關版友知道有關問題, 但"提示"唔係罰則,
亦唔會比版友(特別是新版友)太大不安/打擊...都係可以考慮
的做法...

而如果作為版友, 我就多數唔理, 如果嚴重, 就會報告, 好似剛
剛B2 版那版友的多次灌水....而扣分, 我就唔會做了, 原因唔係
呢篇文講...

講真, 係呢個時代, 唔好話網上, 係中學, 係大學, 甚至係工作,
都會見到好多"低能"行為的人士, 有時都可能要接受一下..
(可能上一輩人都覺得我好"低能")

原帖由 kwyeung 於 2009/11/29 19:29 發表

扣分無錯係快靚正, 以最短時間宣洩自己不滿,
但對改善文章質素幫助有幾大？錯既唔知自己錯咩, 繼續一犯再犯。
甚至呢頭扣完分, 搵朋友加番分。

尤記得幾年前有段時間嚴打灌水, 非常時期用非常之法,
站方要認真考慮考慮了。

我都覺得加分扣分係一個非必要既頂目
好多年前錯左既，板友會提醒你過分既什至鬧你
自己都唔好意思，唯有令自己進步
而家只係令板友利用手上既分去表態
令到有板友好似睇戲甘睇

至於話灌水，其實我只係管理B6板，能力真係有限呀！
不過，可能有關既ADMIN都有心無力………

原帖由 3ASV196 於 2009/11/29 19:55 發表
有時要係言論自由同灌水限制之間取平衡, 其實好難....尤其
面對貼文量下降, 而我本身如果做版務, 比較喜歡用"提示"去
處理, 一來可以令有關版友知道有關問題, 但"提示"唔係罰則,
亦唔會比版友(特別是新版友)太大不安/打擊...都係可以考慮
的做法...

無論係板友定係板主身份，我都希望文章質數高好過貼文量多