武廣客運專線今起試營運

搵番資料, 你講得岩...

講番第一次上浮50%... 1994年時國家計委因應準高速列車投入廣深線服務, 當時的確係批准準高速軟座列車票價上浮50%. 因此我撈亂左以為係因應準高速而調整. 但到1995年初, 國家計委就連硬座都批准上浮50%, 所以呢個上浮已經適用於所有車次.

不過... 到1996年批准第二次上浮50%後, 同年開始準高速原來已經可以自由訂價, 咁理論上佢已經唔需要再理會上浮50%又50%原則, 佢上浮500%都得(當然加得咁狠會有政治壓力啦)

我都知道發改委係未就高速列車作最後定論, 但明顯地京津城際試行票價例子確有指導作用, 套番武廣線上亦行得通, 仍可以作為廣深線推算參考.

昨夜睇新聞, 廣州南站將於2010年1月30日啟用, 以趕及
春運來臨.

原帖由 Alex_Tsang 於 2009-12-14 18:44 發表
昨夜睇新聞, 廣州南站將於2010年1月30日啟用, 以趕及
春運來臨.

不知高鐵第一次春運，能夠分擔幾多人流呢？
而舊線除了春運外，會不會逐步式微呢（別忘記要加上行政因素）？
我就最希望見到高鐵有高鐵做，舊線不要衰敗得太快太多。

高鐵只到長沙武漢沿線, 價錢又特別和諧

始終去其他地區都要靠舊線, 所以舊線唔會衰敗. 而且春運期間鐵道部幾乎要停晒南方既貨運列車(包括電煤)去讓路俾客運, 所以即使有朝一日四縱四橫起好, 高鐵貫通全國都好, 舊線仍要擔當吃重既貨運角色.

好難睇的...因為京廣線太多車行，大部份人都唔係終到武昌，
大家可以留意下有D車係長年火爆，例如去貴州、四川果邊既車...
(諸如K64、K812、K776、K356呢d...)，反而去武漢果邊就有幾班都係太空車，如T302同K802...