武廣客運專線今起試營運

原帖由 a_drew 於 2009-12-6 21:36 發表

  已經唔係第一次講, 好多港人都唔知廣州、深圳有地鐵, 仲以為個個踩單車返工返學

其實我覺得唔係"好多港人"，而係"好多年輕一代的港人"..

原帖由 2A_DL13 於 2009-12-6 22:08 發表


其實我覺得唔係"好多港人"，而係"好多年輕一代的港人"..

年輕港人對內地的認知不足，造成兩個極端。
一則如前所述的對內地所有事物都抗拒，
一則親身經歷後，如劉姥姥入大觀園，因為現實同想像落差太大，變成全盤接受眼前一切，
而忽略背後仍然存在的問題，包括可能發生在自己身上的風險。

上次朋友「lau」我去深圳食日本野，位於地鐵大劇院站，
我基於自身保安理由，一路堅持唔用羅湖過關，一定要去落馬洲過。

帶頭的那位朋友，大學畢業，從事財務策劃工作兩年，
係因為某次跟公司去，覺得好食，而想帶我地去試。
佢係一片好心，而且好多人都會take for granted去羅湖過關，
所以當我話覺得羅湖好雜，唔鍾意過羅湖，
佢好不解，話深圳而家好先進，覺得我係杞人憂天。
我鬼唔知深圳好多高樓大廈、馬路又闊又直咩，
但中國的問題不是Google Maps可以睇到的。

事緣係，我阿爸於不久前在羅湖過關，排隊時幾乎被人打荷包，
好彩佢發現到望一下，小偷才混入人群離去。
因為有呢個陰影，所以我父母千叮萬囑叫我唔好用羅湖，尤其這次行程是可以避免。
最後因為我有免費去落馬洲的coupon，
以及佢地想去少年宮書城，才順理成章去了落馬洲過關。

去到落馬洲過關，基本上我都係一路帶住佢地行，
佢地好驚訝，問我係咪成日去落馬洲過關，我話我係第一次。
我個人冇到嗟，我可以睇forum可以睇衛星圖可以聽人講架嘛，
我的心態是，去大陸，一停低頭望望，一定畀人「睇中」。

有些間中返大陸的同學，見到一座座大型商場都覺得有點surprised。
而我？一早知道啦，反正名店我都買唔起，金碧輝煌的大商場與我何干。

結果那次行程算是OK的，我初時唔敢食魚生，都食了好多，返到香港都冇事。
而我因為要趕在落馬洲封關前返香港，所以提早同另一個朋友走；
之後佢地22:30先在深圳走，經羅湖返香港，佢地覺得冇問題，
但係我，因為由細到大都係「灰姑娘」，當晚23:30返到屋企已經覺得好夜喇。

可能有板友會覺得，咁大個人，返深圳玩有乜大不了。
但當前人大汪阿姐都幾乎冇命返嚟，
我就堅信「良心」這兩個字仍然跟中華人民共和國距離很遠。
就如宮心計一樣，波譎雲詭、爾虞我詐，
不在自己外面包一層保護膜怎成事，在內地我一定不會做三好。

當然，經濟方面，內地成績有目共睹，因此香港無需要抗拒高鐵。
我反而覺得，某些人士覺得香港的身分、香港的核心價值係如此重要但日漸衰落的話，
係咪應該盡自己一點綿力，將他們認為正當的一套教育內地同胞，授之以漁，
而不是盲目抗拒、眼不見為淨呢？

正如我同家人都在東部華僑城排索道時為內地同胞上了一課，有否聽課就唔到我地管喇。
又例如，內地遊客來到香港，如果遇到有人問我野我一定盡量答，
但如果有甚麼影響市容、有辱國體的壞習慣，我一定不會閉起一隻眼。
我當你係同胞先點醒你，畀著係個鬼佬？只會嘴角一笑然後返屋企寫blog。

多言、離題了，罪過罪過。

[ 本帖最後由 DIH 於 2009-12-7 17:33 編輯 ]

全中國最雜最亂既地方真係深圳...

原帖由 a_drew 於 2009-12-6 21:36 發表

  已經唔係第一次講, 好多港人都唔知廣州、深圳有地鐵, 仲以為個個踩單車返工返學

踩單車返工返學
響歐洲會被定性做"環保"
響大陸會被定性做"落後"

原帖由 053h4 於 2009-12-7 14:06 發表
生活習慣唔同, 深圳到晚上9點打後條街都好少人
11點後深圳一般住宅區或商業區都係水靜河飛

不過, 羅湖過關又唔係真係咁危險, 感覺上行地鐵個地下廣場會好d ...

係水靜鵝飛

就算福田入夜都靜啦!

原帖由 kychung 於 7/12/2009 15:59 發表


踩單車返工返學
響歐洲會被定性做"環保"
響大陸會被定性做"落後"

歐洲有單車徑比單車行，
但大陸一向成大堆單車喺大路行，
而家梗係要讓路比汽車...

亦都可以證明大陸呢方面相當落後，
人哋已經重新認識單車好，
佢就啱啱發現單車唔好無耐啫。

原帖由 238X 於 2009-12-7 21:03 發表


歐洲有單車徑比單車行，
但大陸一向成大堆單車喺大路行，
而家梗係要讓路比汽車...

亦都可以證明大陸呢方面相當落後，
人哋已經重新認識單車好，
佢就啱啱發現單車唔好無耐啫。 ...

如果有日大陸成大條單車徑通街單車
就真係先ˋ進啦
而家報紙成日講減排
大陸就一味推汽車業發展.....